వీడియో: ఆకుప‌చ్చ చీర‌లో అగ్గి రాజేసింది
సయీ మంజ్రేకర్ ప‌రిచ‌యం అవ‌స‌రం లేదు. 'దబాంగ్ 3'లో న‌టించిన ఈ బ్యూటీ త‌న‌దైన అందం న‌ట‌ప్ర‌తిభ‌తో మురిపించింది.
By: Tupaki Desk | 10 Nov 2023 1:30 AM GMT
సయీ మంజ్రేకర్ ప‌రిచ‌యం అవ‌స‌రం లేదు. 'దబాంగ్ 3'లో న‌టించిన ఈ బ్యూటీ త‌న‌దైన అందం న‌ట‌ప్ర‌తిభ‌తో మురిపించింది. ఆ త‌ర్వాత అడివి శేష్ న‌టించిన పాన్ ఇండియా బ్లాక్ బ‌స్ట‌ర్ మేజ‌ర్ తో సయీ మంజ్రేకర్ పేరు మార్మోగింది. స‌ల్మాన్ బావ‌గారైన ఆయుష్మాన్ స‌ర‌స‌నా ఈ బ్యూటీ న‌టించింది. అయితే రామ్ స‌ర‌స‌న న‌టించిన స్కంధ బాక్సాఫీస్ వ‌ద్ద డిజాస్ట‌ర్ అవ్వ‌డం స‌యీని తీవ్రంగా నిరాశ‌ప‌రిచింది.
అయితే జ‌యాప‌జ‌యాల‌తో సంబంధం లేకుండా సయీ మంజ్రేకర్ పాన్ ఇండియాలో అభిమానుల‌ను సంపాదించుకుంది. సయీ అందం మ‌తులు చెడ‌గొడుతుంది అనేందుకు తాను షేర్ చేస్తున్న ఇన్ స్టా వీడియోలే సాక్ష్యం. తాజాగా సయీ మంజ్రేకర్ స్ట‌న్నింగ్ శారీ లుక్ వీడియో వెబ్ ని షేక్ చేస్తోంది. సింపుల్ గా ప‌చ్చ చీర‌లో సయీ చిరున‌వ్వులు చిందిస్తూ కెమెరాల‌కు ఫోజులిచ్చిన తీరు కుర్ర‌కారు హృద‌యాల్ని ట‌చ్ చేస్తోంది. ప్ర‌స్తుతం ఈ ఫోటోషూట్ అంత‌ర్జాలంలో వైర‌ల్ గా మారింది.
ఇటీవ‌ల ఓ ఇంట‌ర్వ్యూలో సయీ మంజ్రేకర్ తన ఆలోచ‌న‌ల‌ను ఓపెన్ గా షేర్ చేసింది. సాయి మంజ్రేకర్ మాట్లాడుతూ.. తన సమకాలీనులనుంచి తాను చాలా నేర్చుకుంటాన‌ని నిజాయితీగా అంగీక‌రించింది. స‌హ‌చ‌ర నాయిక‌ల సినిమాలు, ఇంటర్వ్యూలను చూసి ప్రేరణ పొందుతాన‌ని తెలిపింది. దబాంగ్ 3తో అరంగేట్రం చేసిన సయీ మంజ్రేకర్ తన సమకాలీనులైన సారా అలీ ఖాన్, జాన్వీ కపూర్ , అనన్య పాండే వంటి వారి నుండి ప్రేరణ పొందానని చెప్పింది. సయీ నటుడు మహేష్ మంజ్రేకర్ కుమార్తె.
సయీ సమకాలీనుల తప్పుల నుండి నేర్చుకోవడం గురించి మాట్లాడింది."సారా, అనన్య (పాండే), తారా (సుతారియా), జాన్వి (కపూర్) వంటి వారు అందరూ విభిన్న మార్గాల్లో చాలా ప్రతిభావంతులు. మేమంతా క‌లిసి అందించడానికి చాలా ఉన్నాయి. నేను ప్రతి ఒక్కరినీ గౌరవిస్తాను ..వారి తప్పుల నుండి నేర్చుకునేందుకు .. వారి నుంచి మంచి పాయింట్లను నోట్ చేసుకోవడానికి వారి అన్ని ఇంటర్వ్యూలను చాలాసార్లు చూశాను. నేను వారిని లైమ్‌లైట్‌లో చూడటం కూడా నేర్చుకున్నాను.. అని తెలిపింది.
నేర్చుకునే స్వ‌భావం ఉన్న వారు ఏ రంగంలోనా ఎదిగేందుకు ఛాన్సుంది. అయితే కొన్నిటికి కాల‌మే స‌మాధానం. సయీ మంజ్రేకర్ కి కెరీర్ ప‌రంగా ల‌క్ అంత‌గా ఫేవ‌ర్ చేయ‌లేదు. మేజ‌ర్ చిత్రంతో పాన్ ఇండియాలో బ్లాక్ బ‌స్ట‌ర్ అందుకున్నా తెలుగులో ఆశించిన‌న్ని అవకాశాలు రాలేదు. మునుముందు త‌న‌లోని త‌ప్పుఒప్పుల్ని స్ట‌డీ చేసి స‌రిదిద్దుకునే ప్ర‌య‌త్నం చేస్తుందేమో చూడాలి. స్కంధ త‌ర్వాత రెండు హిందీ చిత్రాల్లో న‌టిస్తూ బిజీగా ఉంది ఈ బ్యూటీ. కుచ్ క‌ట్టా హో జావ్ - ఆరోన్ మై క‌హా ద‌మ్ థా.. చిత్రాల్లో న‌టిస్తోంది. త్వ‌ర‌లో ఇవి రిలీజ్ కి రానున్నాయి.
