సంక్రాంతికి సైంధవ్ ఫీస్ట్.. పండుగకు డబుల్ ట్రీట్..!

విక్టరీ వెంకటేష్ హీరోగా శైలేష్ కొలను డైరెక్షన్ లో వస్తున్న సినిమా సైంధవ్. సంక్రాంతి సందర్బంగా జనవరి 13న రిలీజ్ అవుతున్న ఈ సినిమా ప్రీ రిలీజ్ ఈవెంట్ వైజాగ్ లో జరిగింది. చిత్ర యూనిట్ సమక్షంలో జరిగిన ఈ ఈవెంట్ లో దగ్గుబాటి ఫ్యాన్స్ హంగామాతో ఈవెంట్ సక్సెస్ అయ్యింది.

ఈవెంట్ లో వెంకటేష్ హుషారైన స్పీచ్ అలరించింది. హలో వైజాగ్ అంటూ ఇక్కడకు వచ్చింది సౌండ్ వినేందుకే వచ్చాను.. ఇది సౌండ్ అంతే.. దీని కోసమే అంతా అన్నారు. మొట్ట మొదటి సినిమా నుంచి మీ లవ్ అండ్ సపోర్ట్ అందిస్తున్నారు. కలియుగ పాండవులు, సుందరకాండ, పెళ్లి కాని ప్రసాద్ ఇక్కడే షూట్ చేశాం.. ఇక్కడే ప్రసాద్ బీచుల్లో తిరిగాడు.. బస్సులు ఎక్కాడు. గురు, గోపాల గోపాల, తమ్ముడు మహేష్ తో సీతమ్మ వాకిట్లో సిరిమల్లె చెట్టు ఇక్కడే చేశామని అన్నారు.

సైంధవ్ సినిమా కోసం స్టీల్ ప్లాంట్ లో చాలా షూట్ చేశాం అక్కడ అందరు ప్రేమగా చూసుకున్నారు. వాళ్లందరికీ థాంక్స్ అని అన్నారు వెంకటేష్. ఈ సినిమా అందరు చూడాలి. అక్క చెల్లి అమ్మా నాన్న తమ్ముడు తాతయ్య అందరు చూడాలని అన్నారు వెంకటేష్.

సైంధవ్ న్యూ ఏజ్ యాక్షన్ మూవీ.. ఈ సినిమాలో ఎమోషనల్ సీన్స్ కూడా ఉన్నాయి. తను నటించిన ధర్మ చక్రం, గణేష్, ఆడవారి మాటలకు అర్ధాలే వేరులే సినిమాలను మంచి గా రిసీవ్ చేసుకున్నారు. ఈ సంక్రాంతికి సైంధవ్ వస్తుంది. ఈ సినిమా పండుగే పండుగని అన్నారు వెంకటేష్.

బీచ్ కి వచ్చాం సౌండ్ కావాలి.. సైలెంట్ గా ఉండద్దని అభిమానుల్లో ఉత్సాహాన్ని నింపారు వెంకటేష్. ఇక సినిమలోని డైలాగ్ చెప్పి ఫ్యాన్స్ లో జోష్ పెంచారు. ఈ సినిమాకు పనిచేసిన టెక్నిషియన్స్ కు, యాక్టర్స్ కి థాంక్స్ అని అన్నారు. సినిమాలో సారా పాప బాగా చేసింది. సినిమాకు అసలు హీరో ఆమెనే అని అన్నారు వెంకటేష్.

అందరికీ హ్యాపీ న్యూ ఇయర్. న్యూ ఇయర్ రిషల్యూషన్స్ తీసూని ఉంటారు. అందరిని ప్రేమించాలి. లైఫ్ ని సీరియస్ గా తీసుకోవద్దు. అందరికీ అన్నీ ఆ దేవుడు ఇస్తాడని అన్నారు వెంకటేష్.