సైంధవ్ : అప్పుడు చిరు, ఇప్పుడు పవన్..!
ఇప్పటికే వెంకటేష్ 75 వ సినిమా అవ్వడంతో ఒక భారీ ప్రత్యేక కార్యక్రమం ను నిర్వహించడం జరిగింది
By: Tupaki Desk | 31 Dec 2023 6:37 AM GMT
వెంకటేష్ హీరోగా శైలేష్ కొలను దర్శకత్వంలో రూపొందిన సైంధవ్ సినిమా సంక్రాంతి కానుకగా ప్రేక్షకుల ముందుకు రాబోతున్న విషయం తెల్సిందే. వెంకీ కి ఈ సినిమా 75వ సినిమా అవ్వడంతో అందరూ చాలా ఆసక్తిగా ఎదురు చూస్తున్నారు. సైంధవ్ సినిమా ప్రమోషన్‌ కార్యక్రమాలు చాలా అగ్రెసివ్‌ గా నిర్వహిస్తున్న విషయం తెల్సిందే.
ఇప్పటికే వెంకటేష్ 75 వ సినిమా అవ్వడంతో ఒక భారీ ప్రత్యేక కార్యక్రమం ను నిర్వహించడం జరిగింది. ఆ కార్యక్రమం లో ముఖ్య అతిథిగా మెగాస్టార్‌ చిరంజీవి పాల్గొన్నారు. ఈ కొత్త సంవత్సరం కానుకగా ఈటీవీ విన్‌ యాప్‌ లో కలియుగ పాండవులు టు సైంధవ్ పేరుతో కార్యక్రమం స్ట్రీమింగ్‌ అవ్వబోతుంది.
సైంధవ్ కోసం అప్పుడు చిరంజీవి వస్తే వచ్చే వారం జరుగబోతున్న ప్రీ రిలీజ్ ఈవెంట్ కోసం పవర్ స్టార్‌ పవన్ కళ్యాణ్ హాజరు అయ్యే అవకాశాలు ఉన్నాయి అంటూ సమాచారం అందుతోంది. పవన్ మరియు వెంకటేష్ మధ్య సన్నిహిత సంబంధాలు ఉన్నాయి.
వెంకటేష్ స్వయంగా తన సినిమా సైంధవ్ యొక్క ప్రీ రిలీజ్ వేడుక కి హాజరు అవ్వాలి అంటూ ఆహ్వానించాడు అని, పవన్ ఓకే చెప్పాడు అంటూ మీడియా సర్కిల్స్ లో ప్రచారం జరుగుతోంది. అయితే ఇప్పటి వరకు సినిమా ప్రీ రిలీజ్ ఈవెంట్ విషయంలో చిత్ర యూనిట్ సభ్యులు క్లారిటీ ఇవ్వలేదు.
ఒక వేళ సైంధవ్ ప్రీ రిలీజ్ ఈవెంట్ లో కనుక పవన్ కళ్యాణ్ పాల్గొంటే అరుదైన రికార్డు నమోదు అయ్యే అవకాశాలు ఉన్నాయి. ఒకే సినిమాకు చెందిన వేరు వేరు ఈవెంట్స్ కి చిరంజీవి మరియు పవన్ కళ్యాణ్ లు హాజరు అవ్వడం ఇదే మొదటి సారి అవ్వబోతుంది. మరి పవన్ సైంధవ్ కోసం వస్తున్నాడా అనేది చూడాలి.
