సాయిప‌ల్ల‌వి లేడీ ప‌వ‌ర్ స్టార్ అయిందా!

బిరుదులు హీరోల‌కే కాదు హీరోయిన్లు సైతం అందుకుంటున్నారు. ఫ్యాన్స్ లో క్రేజ్..బాక్సాఫీస్ వ‌ద్ద సోలోగా స‌త్తా చాటే స‌త్తా ఉన్న భామ‌లు సైతం బిరుదాంకితుల‌వుతున్నారు. ఇండ‌స్ట్రీలో సీనియార్టీ, అనుభ‌వం, మార్కెట్ ఆధారంగా ద‌క్కించుకుంటున్నారు. ఇప్ప‌టికే లేడీ సూప‌ర్ స్టార్ ట్యాగ్ ని న‌య‌న‌తార సొంతం చేసుకుంది. అమ్మ‌డికి సౌత్ లో ఉన్న క్రేజ్ తోనే ఇది సాధ్య‌మైంది. తెలుగు, త‌మిళ్ లో సొగ‌స‌రికి ప్ర‌త్యేక‌మైన క్రేజ్ ఉంది.

ఇక అనుష్క‌ని స్వీటీ అంటూ ముద్దుగా పిలుచుకుంటారు అభిమానులు. అరుంధ‌తిలాంటి చిత్రంతో బాక్సాఫీస్ వ‌ద్ద సోలోగా స‌త్తా చాటింది. ఆ త‌ర్వాత మ‌రెన్నో సోలో చిత్రాలు చేసింది. ప్ర‌స్తుతం క్రిష్ ద‌ర్శ‌క‌త్వంలో ఓ సినిమా చేస్తోంది. తాజాగా ఇప్పుడా వ‌రుస‌లో సాయి ప‌ల్ల‌వి చేరిపోయింది. అమ్మ‌డిని ఇప్పుడంతా లేడీ ప‌వ‌ర్ స్టార్ అంటూ కొత్త ట్యాగ్ లైన్ తో పిలుస్తున్నారు. ఇంత వ‌ర‌కూ సాయి ప‌ల్ల‌వి అని మాత్రమే పిలుపించుకునే అమ్మ‌డు లేడీ ప‌వ‌ర్ స్టార్ అంటూ ప‌వ‌ర్ పుల్ గా మార్కెట్ లోకి వ‌స్తుంది.

సాయి ప‌ల్ల‌వి నేచుర‌ల్ పెర్పార్మెన్స్ గురించి చెప్పాల్సిన ప‌నిలేదు. ఎలాంటి పాత్ర పోషించినా అందులో ప‌ర‌కాయ ప్ర‌వేశం చేస్తుంది. విభిన్న‌మైన పాత్ర‌ల‌తోనే సౌత్ ఆడియ‌న్స్ కి చేరువైంది. యువ‌త‌ని ఆక‌ట్టుకోవాలంటే? అందాల తోనే మెప్పించాల్సిన ప‌నిలేదు. న‌ట‌న‌తోనూ దాన్ని సాధ్యం చేయెచ్చ‌ని నెటి జ‌న‌రేష‌న్ హీరోయిన్ల‌లో రుజువు చేసిన న‌టి. ఇప్ప‌టికే ప‌లు లేడీ ఓరియేంటెడ్ సినిమాలు చేసింది. రామాయంణంలోనూ సీత‌గానూ ఇప్పుడు అల‌రించ డానికి సిద్ద‌మ‌వుతుంది.

ఎంతో మంది స్టార్ హీరోయిన్లు ఉన్నా? రామాయ‌ణంలో సీత పాత్ర‌కు బాలీవుడ్ ద‌ర్శ‌కుడు నితీష్ తివారీ సాయి ప‌ల్ల‌విని ఏరికోరి మరీ తీసుకున్నారు. అంటే అక్క‌డే సాయి ప‌ల్ల‌వి గొప్ప‌త‌నం మ‌రోసారి బ‌య‌ట ప‌డుతుంది. ఇటీవ‌లే మ‌ణిర‌త్నం సైతం తాను అభిమానించే హీరోయిన్ గా ప‌ల్ల‌వి ప్ర‌శంస అందుకుంది. ఇలా ద‌ర్శ‌క లెజెండ్ చేత‌నే ప్ర‌శంస అందుకుందంటే? లేడీ ప‌వ‌ర్ స్టార్ బిరుదుకు సాయి ప‌ల్ల‌వి అన్ని ర‌కాలుగా అర్హురాలే.