సోద‌రి నిశ్చితార్థంలో సాయిప‌ల్ల‌వి ఏం చేసిందో చూసారా?

డ్యాన్సింగ్ క్వీన్ సాయిప‌ల్ల‌వి స్టెప్పేస్తే అది ఎంత‌గా వైర‌ల్ అవుతుందో చెప్పాలా! మిలియ‌న్ల వ్యూస్‌తో దూసుకుపోతుంది. ఇప్పుడు త‌న సోద‌రి పూజా నిశ్చితార్థంలో సాయిప‌ల్ల‌వి వేసిన స్టెప్పులు అంత‌ర్జాలంలో గుబులు రేపుతున్నాయ్. సాయిప‌ల్ల‌వి స్టెప్పులేయ‌డ‌మే కాదు పెళ్లి కూతురుతోను స్టెప్పులు వేయించింది. ఇంటిల్లిపాదీ పెళ్లి పందిరిలో డ్యాన్సులు వేస్తూ ఎంతో ఆనందంగా క‌నిపించిన ఈ వీడియో ఇప్పుడు ఇంట‌ర్నెట్ ని షేక్ చేస్తోంది. ఇది అరుదైన దృశ్యం. ఆ ఇల్లు ఆనందాల హ‌రివిల్లు అనేందుకు ఈ వీడియో ప్ర‌త్య‌క్ష సాక్ష్యం.

నటి సాయి పల్లవి సోదరి పూజా కన్నన్‌కి ఇటీవలే నిశ్చితార్థం జరిగింది. ఆమె తన ఇన్‌స్టాగ్రామ్ ప్రొఫైల్‌లో వేడుకకు సంబంధించిన ఫోటోలు వీడియోల‌ను షేర్ చేసింది. ఇవి బాగా ట్రెండ్ అవుతున్నాయి. వేడుక‌లో సాయి పల్లవి క్రీమ్ అండ్ ఎల్లో క‌ల‌ర్ చీరను ధ‌రించింది. ఆమె ఎప్పటిలాగే అద్భుతంగా కనిపించింది. సాయి పల్లవి సోదరి పూజా కన్నన్ తన కుటుంబంతో క‌లిసి జాలీగా ఉన్న‌ ఫోటోలను కూడా షేర్ చేసారు.

పూజా ఇన్‌స్టాగ్రామ్‌లో ఇలా రాసింది. ''పెద్ద కుటుంబం, పూర్తి హృదయాలు.. నా హృదయం 21.01.2024ని కలిగి ఉండని చాలా ప్రేమ'' అని రాసారు. ఇదిలా ఉంటే సాయి పల్లవి తన డ్యాన్స్ మూవ్స్‌తో ఎంగేజ్‌మెంట్ వేడుకలో అదరగొట్టింది. సాయి పల్లవికి అంకితమైన అనేక అభిమానుల పేజీలు వేడుకలలో సాయిప‌ల్ల‌వి తన కుటుంబంతో కలిసి నృత్యం చేసిన వీడియోలను షేర్ సారు. ఈ వీడియోలు సహజంగానే వైరల్ అవుతున్నాయి. సోదరి పూజా నిశ్చితార్థ వేడుకలో సాయి పల్లవి ఫ్యామ్-జామ్ నుండి చాలా ఫోటోలు వెబ్ లోకి వ‌చ్చాయి.

2015 మలయాళ చిత్రం ప్రేమమ్ లో సాయి పల్లవి తొలిసారిగా నటించింది. తమిళం, తెలుగులో భారీ హిట్స్‌లో నటించింది. మారి 2, లవ్ స్టోరీ, శ్యామ్ సింఘ రాయ్, NGK, అతిరన్, కలి, ఫిదా, దియా, విరాట పర్వం తదిత‌ర చిత్రాల్లో న‌టించింది. చివరిగా 2022 చిత్రం గార్గిలో కనిపించింది. SK 21 -తండేల్ చిత్రాల్లోను సాయిప‌ల్ల‌వి న‌టిస్తోంది.

అలాగే నితీష్ తివారీ రామాయణంలో సాయిప‌ల్ల‌వి సీత‌గా నటిస్తోందని సమాచారం. రణ్‌బీర్- సాయి ప‌ల్ల‌వి జోడీపై ఫిబ్రవరిలో షూటింగ్ ను ప్రారంభిస్తారు. మొదటి భాగం రాముడు- సీతపై ఎక్కువ దృష్టి సారిస్తార‌ని స‌మాచారం. సీతా హరన్ తాలూకా సంఘర్షణను తెర‌పై చూపిస్తారు. రామాయణం: పార్ట్ వన్ కోసం ఈ జంట ఫిబ్రవరి నుండి ఆగస్టు 2024 వరకు చిత్రీకరణలో పాల్గొంటారు అని తెలిసింది.