యోగ భంగిమ‌ల‌తో మ‌తి చెడ‌గొడుతోంది!

కార్తీక్ ఆర్యన్ లీడ్ రోల్ పోషించిన‌ 'సోను కే టిటు కి స్వీటీ'లో యంగ్ బ్యూటీ సాక్షిమాలిక్ స్పెష‌ల్ ట్రీట్ కి ఫిదా కాని వారు లేరు. 'బోమ్ డిగ్గీ డిగ్గీ...' పాటలో సాక్షి క‌వ్వింత‌కు ఫిదా అయిపోయారంతా. అటుపై అర్మాన్ మాలిక్ 'వెహం' మ్యూజిక్ వీడియోలో న‌టించింది.

సాక్షి సోష‌ల్ మీడియాల్లోను ఇత‌ర భామ‌ల‌కు ధీటుగా చాలా స్పీడ్ గా ఉంది. ముఖ్యంగా ఇన్ స్టాలో ఈ భామ షేర్ చేసే ఫోటోషూట్లు వేగంగా వైర‌ల్ అవుతున్నాయి. తాజాగా సాక్షి యోగాభ్యాసానికి సంబంధించిన ఫోటోగ్రాఫ్స్ ని ఇంట‌ర్నెట్ లో షేర్ చేసింది. ఈ ఫోటోలలో ర‌క‌ర‌కాల భంగిమ‌ల్లో సాక్షి ఇచ్చిన ట్రీట్ యువ‌త‌రం హృద‌యాల‌ను దోచుకుంది. పింక్ క‌ల‌ర్ డిజైన‌ర్ ఫ్రాకులో సాక్షి ఎంతో అందంగా క‌నిపించింది.

ప‌రిశ్ర‌మ‌కు రాక మునుపు టాప్ మోడ‌ల్ గా రాణించిన సాక్షి మాలిక్ టీవీ క‌మ‌ర్షియ‌ల్స్ తో ఆడియెన్ కి చేరువైంది. మారుతి ఆటో ఎక్స్ పో-2020 వేదిక‌పై బ్రాండ్ అంబాసిడ‌ర్ గా హృద‌యాల‌ను దోచుకుంది. ఆటో ఎక్స్ పో 2020 వేదికకే ప్ర‌ధాన ఆక‌ర్ష‌ణ‌గా నిలిచింది. త‌ర్వాత సాక్షి సినీరంగంపై దృష్టి సారించింది. ప‌రిశ్ర‌మ‌లో టాప్ హీర‌యిన్ గా వెలిగిపోవాల‌ని క‌లలు గంటోంది. ప్ర‌స్తుతం ఇన్ స్టా వేదిక‌గా వ‌రుస ఫోటోషూట్లు షేర్ చేస్తున్న‌ సాక్షి యూట్యూబ్ చానెల్లో ఫిట్నెస్ క్లాసుల‌తో అభిమానుల‌ను అల‌రిస్తోంది.

స్వ‌గ‌తం ఇదీ..

సాక్షి మాలిక్ ఉత్తరప్రదేశ్‌లోని కాన్పూర్‌లో జన్మించింది. నోయిడాలోని జేపీ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీలో బ్యాచిలర్ ఆఫ్ టెక్నాలజీని పూర్తి చేసింది. కళాశాల సమయంలో ఆమె ఫ్యాషన్ షోలలో పాల్గొన్నది.

గ్రాడ్యుయేషన్ తర్వాత, సాక్షి మాలిక్ ముంబైకి వెళ్ళింది. నైకా, పిసి జ్యువెలర్‌తో సహా బ్రాండ్‌ల టెలివిజన్ వాణిజ్య ప్రకటనల కోసం మోడలింగ్ చేయడం ప్రారంభించింది. 2018లో సోను కే టిటు కి స్వీటీ చిత్రంలో నటించడం ద్వారా ఆమె బాలీవుడ్‌లో అడుగుపెట్టింది.

ఆమె ఫోటో 2020 తెలుగు సినిమా 'వి'(నాని-ఇంద్ర‌గంటి-సుధీర్ బాబు) లో కమర్షియల్ సెక్స్ వర్కర్‌గా ఉపయోగించుకున్నారు. దీనికి అభ్యంత‌రం చెబుతూ సాక్షి బాంబే హైకోర్టును ఆశ్రయించింది. మార్చి 2021లో హైకోర్టు అమెజాన్ ప్రైమ్‌ను ఆ సినిమాను తీసివేయమని ఆదేశించింది. ఎందుకంటే ఆమె ఫోటోను సమ్మతి లేకుండా ఉపయోగించడం ప్రాథమికంగా అనుమతించబడదు.. పూర్తిగా చట్టవిరుద్ధం. అటుపై వి సినిమాని ఓటీటీ నుండి తీసివేసారు. ఇక నిర్మాతలు, నటులు వారి వివాదాలను ఒక నెల తర్వాత పరిష్కరించారు. 2023లో సాక్షి ములాఖత్ అనే సిరీస్ లో న‌టించింది.