ఆ తెలుగు హీరోకి నేను పెద్ద ఫ్యాన్‌ : సాక్షి ధోని

టీం ఇండియా మాజీ క్రికెటర్ మహేంద్ర సింగ్ ధోని నిర్మాతగా మారి తన ప్రొడక్షన్ లో మొదటి సినిమా ను తమిళ్ సినీ ఇండస్ట్రీలో చేసిన విషయం తెల్సిందే. 'లెట్స్ గెట్‌ మ్యారేజ్‌'(ఎల్‌ జీ ఎమ్‌) టైటిల్‌ తో రూపొందిన ఈ సినిమా లో ఇవానా.. హరీష్ కళ్యాణ్... నదియా... యోగిబాబు.. ఆర్జే విజయ్ నటించారు. రమేష్ తమిళమణి దర్శకత్వంలో ఈ సినిమా రూపొందింది.

తమిళంలో రూపొందిన ఈ సినిమాను తెలుగు లో డబ్బింగ్ చేసి విడుదల చేయబోతున్నారు. జులై 28న విడుదల కాబోతున్న ఈ సినిమా ప్రమోషన్ కార్యక్రమాల్లో ధోనీ భార్య సాక్షి ధోని పాల్గొంటున్నారు. తెలుగు వర్షన్ ప్రమోషన్‌ కోసం సాక్షి ధోని ఇతర యూనిట్ సభ్యులు హైదరాబాద్‌ లో మీడియా సమావేశంలో పాల్గొన్నారు.

ఆ సందర్భంగా సాక్షి ధోని మాట్లాడుతూ.. ధోని సినిమా ఇండస్ట్రీలో అడుగు పెట్టడం నాకు పెద్ద సర్‌ప్రైజ్‌. జనాలకు వినోదాన్ని అందించేందుకు సినిమాల నిర్మాణ రంగంలోకి అడుగు పెట్టాం. ఓటీటీలో మేము చాలా సినిమాలు చూస్తూ ఉంటాం. అలా మాకు సినిమా ఇండస్ట్రీ పై ఆసక్తి పెరిగింది.

మా నిర్మాణంలో మొదటి సినిమా ను తమిళ్ లో చేయడానికి కారణం ధోని కి అభిమానులు అక్కడ ఎక్కువగా ఉన్నారు. అందుకే ఈ సినిమాను అక్కడ చేయడం జరిగింది. తెలుగు లో కూడా ధోనికి మంచి ఫ్యాన్ ఫాలోయింగ్‌ ఉంది. కనుక ఇక్కడ కూడా మా సినిమాను డబ్‌ చేసి విడుదల చేయబోతున్నట్లు ఆమె పేర్కొంది.

తెలుగు సినిమాలను రెగ్యులర్‌ గా చూస్తూ ఉంటామని... తెలుగు సినిమాలను హిందీ డబ్బింగ్‌ లో చాలా చూశాము. ముఖ్యంగా అల్లు అర్జున్ సినిమాలు దాదాపు అన్ని చూశాను. ఆయన సినిమాలు చూస్తూ పెద్ద అభిమానిని అయ్యాను. అల్లు అర్జున్‌ అంటే చాలా ఇష్టం. తెలుగు హీరోల్లో తన ఫేవరేట్ అల్లు అర్జున్‌ అన్నట్లుగా సాక్షి ధోని అన్నారు.

ఎల్‌ జీ ఎమ్‌ సినిమా యూత్‌ ను ఆకట్టుకునే కాన్సెప్ట్‌ తో రూపొందించడం జరిగింది. ఒక మంచి కథ తో చేసిన ఈ సినిమా అన్ని వర్గాల వారిని ఆకట్టుకుంటుందనే నమ్మకం ఉంది. సినిమా కథ చర్చలు మొదలుకుని షూటింగ్ వరకు అన్ని విషయాల్లో కూడా నేను శ్రద్ధ చూపించానంటూ పేర్కొంది.

ఈ సినిమా మంచి ఫలితాన్ని సాధిస్తే ముందు ముందు తమిళ్‌.. తెలుగు సినిమా ఇండస్ట్రీ ల్లో వరుసగా సినిమాలు నిర్మించాలని ప్లాన్‌ చేస్తున్నట్లుగా సాక్షి పేర్కొన్నారు. ముందు ముందు ధోనీ బ్యానర్‌ లో అన్ని భాషల్లో సినిమాలు వస్తాయని ఆమె చెప్పుకొచ్చింది.