ఏజెంట్ అమ్మాయికి ఓ మంచి ఛాన్స్

ఏజెంట్ మూవీతో టాలీవుడ్ లోకి అడుగుపెట్టిన అందాల భామ సాక్షి వైద్య. ఈ బ్యూటీ మొదటి సినిమానే పాన్ ఇండియా లెవల్ లో రిలీజ్ అయ్యింది. అయితే లక్ మాత్రం కలిసి రాలేదు. ఏజెంట్ బిగ్గెస్ట్ డిజాస్టర్ గా మారింది. తరువాత మెగా ప్రిన్స్ వరుణ్ తేజ్ కి జోడీగా గాండీవదారి అర్జున చిత్రంలో సాక్షి వైద్య హీరోయిన్ గా చేసింది. ఈ మూవీ కూడా ఆమెకి ఏ మాత్రం కలిసిరాలేదు. వరుణ్ తేజ్ కెరియర్ లో బిగ్గెస్ట్ ఫ్లాప్ గా ఈ మూవీ నిలిచింది.

మొదటి, రెండు సినిమాలలో సాక్షి వైద్యకి బలమైన క్యారెక్టర్స్ పడిన కూడా కమర్షియల్ గా ఆ సినిమాలు డిజాస్టర్ అయ్యాయి. దీంతో ఈమెపై పెద్దగా అటెన్షన్ క్రియేట్ కాలేదు. పవన్ కళ్యాణ్ ఉస్తాద్ భగత్ సింగ్ సినిమాలో సెకండ్ హీరోయిన్ గా సాక్షి వైద్య ఛాన్స్ అందుకుంది. అయితే ఈ మూవీ ఎప్పుడు రిలీజ్ అవుతుందనేది క్లారిటీ లేదు. ఇదిలా ఉంటే సాక్షి వైద్యకి ఇప్పుడు మరో క్రేజీ ఆఫర్ వచ్చింది.

యంగ్ హీరో శర్వానంద్ కి జోడీగా ఆమె నెక్స్ట్ మూవీలో నటించబోతోంది. రామ్ అబ్బరాజు దర్శకత్వంలో దర్శకత్వంలో ఈ సినిమా తెరకెక్కబోతోంది. సామజవరగమన మూవీతో రామ్ అబ్బరాజు డైరెక్టర్ గా పరిచయం అయ్యి సక్సెస్ అందుకున్నారు. చాలా గ్యాప్ తీసుకొని ఆయన రెండో సినిమాని ఎనౌన్స్ చేశారు. ఈ మూవీ షూటింగ్ షెడ్యూల్ తాజాగా స్టార్ట్ అయ్యిందంట.

ఏకే ఎంటర్టైన్మెంట్స్ ఈ చిత్రాన్ని నిర్మిస్తోంది. సంయుక్త మీనన్ కూడా ఈ మూవీలో ఒక హీరోయిన్ గా నటిస్తోంది. సాక్షి వైద్య ఆగష్టు 12న ఈ మూవీ షూట్ లో జాయిన్ అవుతుందని తెలుస్తోంది. ఈ సినిమాపై సాక్షి వైద్య చాలా హోప్స్ పెట్టుకుంది. శర్వానంద్ ఆమెకి ఎంత వరకు బ్రేక్ ఇస్తాడనేది ఇప్పుడు ఆసక్తికరంగా మారింది. ఇక వేళ ఈ మూవీ హిట్ అయితే సాక్షి వైద్యకి తెలుగులో అవకాశాలు పెరుగుతాయని చెప్పొచ్చు.

టాలెంటెడ్ యాక్టర్ అనిపించుకున్న ఆమెకి బ్రేక్ ఇచ్చే మూవీ కోసం వెయిట్ చేస్తోంది. అవుట్ అండ్ అవుట్ కామెడీ ఎంటర్టైనర్ గానే రామ్ అబ్బరాజు ఈ చిత్రాన్ని చేస్తున్నారంట. ఇదిలా ఉంటే మనమే సినిమాతో శర్వానంద్ ఈ ఏడాది ప్రేక్షకుల ముందుకొచ్చారు. అయితే ఆ చిత్రం ఆశించిన స్థాయిలో సక్సెస్ అందుకోలేదు.