ప్రభాస్ మూవీ.. డైరెక్టర్ లేకుండానే షూటింగా..?

ప్రభాస్, ప్రశాంత్ నీల్ కాంబినేషన్‌లో వచ్చిన ‘సలార్’ కమర్షియల్ గా బాక్సాఫీస్ వద్ద మంచి కలెక్షన్లు అందుకున్న విషయం తెలిసిందే. ఈ సినిమా విడుదలకు ముందే ‘సలార్ 2’ సీక్వెల్ కూడా ప్రకటించారు. అయితే, చిత్రం విడుదల తరువాత, సీక్వెల్ ప్లాన్స్‌ను రద్దు చేసారని పలు టాక్ వచ్చింది. కానీ ప్రభాస్ పుట్టినరోజు సందర్భంగా పలు ప్రముఖ మీడియా సంస్థలు, ట్రేడ్ అనలిస్టులు ‘సలార్ 2’ షూటింగ్ మొదలైందని ప్రకటించి అభిమానులకు పెద్ద షాక్ ఇచ్చారు.

అయితే ఈ వార్తలకు ఉత్సాహపడిన అభిమానులకు నిరాశ ఎదురైంది. ప్రొడక్షన్ హౌస్ నుండి అధికారిక ప్రకటన రావడం లేదని గమనించి ఆశ్చర్యపోయారు. నిజం ఏమిటంటే, ‘సలార్ 2’ కోసం కొన్ని సన్నివేశాలను షూట్ చేశారు కానీ ఆ షూటింగ్‌లో ప్రభాస్, ప్రశాంత్ నీల్ లేకుండానే జరిగింది. బాలీవుడ్ మీడియా కథనాల ప్రకారం, కేవలం చిన్నారులతో కొన్ని సన్నివేశాలు మాత్రమే 4-5 రోజుల పాటు చిత్రీకరించారు.

మరి ఈ సన్నివేశాలను డైరెక్టర్ లేకుండానే ఎందుకు తీసారు అనేది పెద్ద ప్రశ్నగా మిగిలింది. ప్రశాంత్ నీల్ తన అసిస్టెంట్స్ ను నమ్మి కొన్ని సీన్స్ ను వారితోనే షూట్ చేయించారట. దర్శకుడు లేకుండా ఇంత పెద్ద సినిమా పనులు అలా జరుగుతుండడం ఆశ్చర్యం కలిగించే విషయం. ప్రస్తుతం ప్రభాస్ ‘రాజా సాబ్’ మరియు ‘ఫౌజీ’ చిత్రాలపై ఫోకస్ పెట్టారు. మరోవైపు ప్రశాంత్ నీల్ ఎన్టీఆర్ తో చేస్తున్న భారీ బడ్జెట్ ప్రాజెక్ట్‌ పనుల్లో పూర్తిగా మునిగిపోయారు.

ఈ చిత్రం కూడా దాదాపు ఏడాదికిపైగా షూటింగ్‌ను కొనసాగించనుందని అంచనా. ఈ ప్రాజెక్ట్ పూర్తి అయిన తరువాత, ప్రశాంత్ నీల్ తన తదుపరి చిత్రం ‘కేజీఎఫ్ 3’పై దృష్టి సారించనున్నారు. యశ్ కూడా ‘టాక్సిక్’ మరియు ‘రామాయణం’ చిత్రాలు పూర్తి చేసిన తరువాతే ‘కేజీఎఫ్ 3’ సెట్స్‌లో చేరనున్నారు. ఈ నేపథ్యంలో ‘సలార్ 2’ రావడానికి 3-4 సంవత్సరాల టైమ్ పట్టె అవకాశం ఉంది. అయితే హఠాత్తుగా సలార్ 2 షూటింగ్ ఎందుకు చేశారన్నది మరొక సస్పెన్స్. బహుశా దర్శకుడు గ్యాప్ దొరికినప్పుడల్లా ప్రభాస్ తో మేజర్ ఎపిసోడ్స్ షూట్ చేయాలని ప్లాన్ లో ఉండవచ్చు.

ఏదేమైనా ఈ సినిమాపై వస్తున్న రూమర్స్‌కి నిజంగా క్లారిటీ రావాలంటే అభిమానులకు కొంతకాలం ఆగాల్సిందే. మరోవైపు ‘కేజీఎఫ్ 3’ వచ్చే ఏడాది నుండి స్టార్ట్ చేయాలని ప్రశాంత్ నీల్ అండ్ టీం ప్లానింగ్ లో ఉన్నారని బలమైన టాక్ వినిపిస్తోంది. ప్రభాస్ కూడా తన షెడ్యూల్ పూర్తి చేసి కొత్త ప్రాజెక్టులపై దృష్టి పెట్టాల్సి ఉంటుంది. ఇక కొంత కాలం వరకు సలార్ 2 సౌండ్ వినిపించే అవకాశం లేదని అర్ధమవుతుంది.