వీడియో : స్ట్రీమింగ్ అప్డేట్ ఇచ్చిన ప్రభాస్
యంగ్ రెబల్‌ స్టార్ ప్రభాస్ హీరోగా ప్రశాంత్ నీల్ దర్శకత్వంలో రూపొందిన సలార్ 1 సినిమా ఇటీవల ప్రేక్షకుల ముందుకు వచ్చింది
By: Tupaki Desk | 16 Feb 2024 7:30 AM GMT
యంగ్ రెబల్‌ స్టార్ ప్రభాస్ హీరోగా ప్రశాంత్ నీల్ దర్శకత్వంలో రూపొందిన సలార్ 1 సినిమా ఇటీవల ప్రేక్షకుల ముందుకు వచ్చింది. రికార్డు స్థాయి వసూళ్లు నమోదు చేసిన సలార్ సినిమా ఓటీటీ స్ట్రీమింగ్ కోసం ప్రేక్షకులు కళ్లు కాయలు కాసే విధంగా ఎదురు చూశారు అనడంలో సందేహం లేదు.
కాస్త ఆలస్యంగా ప్రముఖ ఓటీటీ నెట్‌ ఫ్లిక్స్ లో సలార్ సినిమాను స్ట్రీమింగ్ చేయడం జరిగింది. కొన్ని రోజుల తర్వాత అంటే ఈ మధ్య డిస్నీ ప్లస్ హాట్ స్టార్ లో సలార్ హిందీ వర్షన్‌ స్ట్రీమింగ్ మొదలు అయ్యింది. నెట్‌ ఫ్లిక్స్ తో పోల్చితే డిస్నీ ప్లస్ హాట్ స్టార్ కి ఇండియాలో ఖాతాదారులు ఎక్కువ మంది ఉంటారు అనేది ఒక అంచనా.
అందుకే సలార్ హిందీ వర్షన్‌ ను డిస్నీ ప్లస్ హాట్ స్టార్ లో పెద్ద ఎత్తున చూసే అవకాశాలు ఉన్నాయంటూ ఇండస్ట్రీ వర్గాల వారి అభిప్రాయం వ్యక్తం చేస్తున్నారు. అందుకు తగ్గట్లే సలార్ స్ట్రీమింగ్ ను డిస్నీ ప్లస్ హాట్ స్టార్ వారు పెద్ద ఎత్తున ప్రమోషన్ చేస్తున్నారు.
తాజాగా సలార్ స్ట్రీమింగ్ విషయాన్ని ప్రభాస్ తో కూడా బైట్ చేయించారు. సలార్ హిందీ ఇప్పుడు డిస్నీ ప్లస్ హాట్ స్టార్ లో అంటూ ప్రభాస్ చెప్పిన వీడియోను డిస్నీ ప్లస్ హాట్ స్టార్ వారు షేర్ చేశారు. మొత్తానికి ప్రభాస్ తో సలార్ హిందీ వర్షన్‌ డిస్నీ ప్లస్ హాట్ స్టార్ లో స్ట్రీమింగ్ అవుతుందని అప్డేట్ ఇవ్వడం ద్వారా మరింత మందికి ఈ సినిమాను తీసుకు వెళ్లడం లో సఫలం అయ్యారని సినీ విశ్లేషకులు అభిప్రాయం వ్యక్తం చేస్తున్నారు.
