సలార్ లో రెండే.. ఒక్కటైనా క్లిక్కయ్యేనా?

జీఎఫ్ డైరెక్టర్ ప్రశాంత్ నీల్ దర్శకత్వంలో పాన్ ఇండియా హీరో ప్రభాస్ నటిస్తున్న లేటెస్ట్ మూవీ 'సలార్' పై ఎలాంటి అంచనాలు ఉన్నాయో ప్రత్యేకంగా చెప్పనక్కర్లేదు. ముఖ్యంగా ప్రభాస్ ఫ్యాన్స్ అయితే ఈ సినిమా కోసం ఎంతో ఆత్రుతగా ఎదురుచూస్తున్నారు. చాలాకాలం తర్వాత డార్లింగ్ నటిస్తున్న అవుట్ అండ్ అవుట్ యాక్షన్ మూవీ కావడంతో ఈసారి బాక్స్ ఆఫీస్ వద్ద ప్రభాస్ కి సలార్ ద్వారా భారీ కం బ్యాక్ దక్కుతుందని ఫ్యాన్స్ ఆశాభావం వ్యక్తం చేస్తున్నారు.

ఇదిలా ఉంటే ఇటీవల సలార్ ట్రైలర్ రిలీజ్ అయిన విషయం తెలిసిందే. ఈ ట్రైలర్ కి మిక్స్డ్ రెస్పాన్స్ వచ్చింది. అందుకు కారణం ట్రైలర్ లో ఎక్కువగా కేజీఎఫ్ ఛాయలు కనిపించడమే. ఇద్దరు ప్రాణ స్నేహితులు శత్రువులుగా మారితే ఎలా ఉంటుంది అనే కోర్ పాయింట్ తో ఈ సినిమా ఉంటుందని ప్రశాంత్ నీల్ ఇటీవల చెప్పాడు. స్టోరీ లైన్ బాగానే ఉన్నా ట్రైలర్ లో మేకింగ్ అంతా కేజీఎఫ్ స్టైల్ లోనే కనిపించింది.

దానికి తోడు రవి బసూర్ బ్యాక్ గ్రౌండ్ మ్యూజిక్ కూడా ఆకట్టుకోలేకపోయింది. సలార్ ట్రైలర్ లో ఎక్కువగా కేజీఎఫ్ సౌండ్స్ వినిపించాయి. దాంతో ట్రైలర్ పై బీజీయం పెద్దగా ఇంపాక్ట్ చూపించలేదు. కేవలం ప్రభాస్ కనిపించిన షాట్స్ ఫ్యాన్స్ ని ఆకట్టుకున్నాయి. ట్రైలర్ తో సినిమాకి మరింత హైప్ వస్తుందని అంతా ఊహించారు. కానీ ట్రైలర్ లో సినిమాపై హై ఇచ్చే మూమెంట్స్ పెద్దగా లేవు. ఇదిలా ఉంటే త్వరలోనే ఈ మూవీ నుంచి ఫస్ట్ సాంగ్ రిలీజ్ చేయబోతున్నట్లు తెలుస్తోంది.

బహుశా ఇది సలార్ ఇంట్రో సాంగ్ అయ్యుంటుందని ఫ్యాన్స్ ఊహిస్తున్నారు. మరి కనీసం అదైనా క్లిక్ అవుతుందేమో చూడాలి. సలార్ లో కేవలం రెండు పాటలే ఉంటాయని అంటున్నారు. అందులో ఒకటి ప్రభాస్ ఇంట్రో సాంగ్ అని మరొకటి ఐటమ్ సాంగ్ అని వార్తలు వినిపించాయి. అంటే ఈ రెండు పాటల్లో ఏ ఒక్క సాంగ్ అయినా ఆడియన్స్ దృష్టిని ఆకర్షిస్తే సినిమాపై మరింత హైప్ క్రియేట్ ఇవ్వడం గ్యారంటీ అని చెప్పొచ్చు.

సుమారు రూ.250 కోట్ల భారీ బడ్జెట్ తో కేజిఎఫ్ సినిమాని నిర్మించిన హోం బలే ఫిలిమ్స్ ఈ చిత్రాన్ని పాన్ ఇండియా స్థాయిలో నిర్మిస్తున్నారు. రవి బస్రూర్ సంగీతం అందిస్తున్న ఈ చిత్రంలో ప్రభాస్ సరసన శృతిహాసన్ హీరోయిన్ గా నటిస్తోంది. మలయాళ స్టార్ పృథ్వీరాజ్ సుకుమారన్ జగపతిబాబు విలన్ పాత్రలు పోషిస్తున్నారు. డిసెంబర్ 22న ఈ చిత్రం ప్రపంచవ్యాప్తంగా ప్రేక్షకుల ముందుకు రానుంది.