సలార్ బిజినెస్.. ఈ టార్గెట్ పెద్ద రిస్కే
తాజాగా ఉత్తర అమెరికాలో సలార్ రికార్డ్ బిజినెస్ చేసినట్లు వార్త బయటకు వచ్చింది. అక్కడ గతంలో ఆర్ఆర్ఆర్ సినిమా రైట్స్ ఏకంగా రూ.40కోట్ల వ్యాపారం చేసింది.
By: Tupaki Desk | 20 Sep 2023 6:34 AM GMT
పాన్ ఇండియా స్టార్ ప్రభాస్, సెన్సేషన్ డైరెక్టర్ ప్రశాంత్ నీల్ కాంబోలో తెరకెక్కుతున్న భారీ యాక్షన్ ఎంటర్టైనర్ చిత్రం 'సలార్'పై ఊహించని రేంజ్లో అంచనాలు నెలకొన్నాయి. అయితే ఈ సినిమా కొన్ని అనుకోని కారణాల వల్ల వాయిదా పడటంతో అభిమానులు నిరాశకు గురయ్యారు. అయితే ఈ చిత్ర రిలీజ్ ఎప్పుడెప్పుడా అని ఎదురు చూస్తున్న ప్రభాస్ అభిమానుల కోసం తాజాగా ఓ వార్త అందింది. అదేంటంటే.. ఈ సినిమా రికార్డ్ బిజినెస్ చేసినట్లు తెలిసింది.
వివరాళ్లోకి వెళితే.. సలార్ చిత్రం సెప్టెంబర్ 28వ తేదీన రిలీజ్ అవుతుందని మొదట ప్రకటించడంతో.. ఓవర్సీస్‌లో అడ్వాన్స్ బుకింగ్స్ కూడా భారీగా జరిగాయి. రికార్డు లెవెల్లో టికెట్ల విక్రయాలు జరిగాయి. ట్రేడ్ వర్గాల సమాచారం ప్రకారం ఉత్తర అమెరికాలో అయితే 600K డాలర్లు(సుమారు రూ. 5 కోట్లు) వసూలు ఆయ్యాయని వార్తలు కూడా వచ్చాయి. అయితే సలార్ సినిమా వాయిదా పడటంతో పరిస్థితులన్నీ తారుమారైపోయాయి. ప్రీ
తాజాగా ఉత్తర అమెరికాలో సలార్ రికార్డ్ బిజినెస్ చేసినట్లు వార్త బయటకు వచ్చింది. అక్కడ గతంలో ఆర్ఆర్ఆర్ సినిమా రైట్స్ ఏకంగా రూ.40కోట్ల వ్యాపారం చేసింది. ఇప్పటి వరకు ఓ తెలుగు సినిమా ఆ రేంజ్లో బిజినెస్ అవ్వడం అదే తొలిసారి. ఇప్పుడు సలార్ దాదాపుగా ఆ నెంబర్ దగ్గరకు వెళ్లింది. 4.5 మిలియన్ డాలర్ల వ్యాపారం చేసుకుందని తెలిసింది. అంటే రూ.36 కోట్లు. ఆర్ఆర్ఆర్ తర్వాత నార్త్ అమెరికాలో సెకండ్ లార్జెస్ట్ డీల్గా నిలిచింది. ఈ లెక్క ప్రకారం థియేటర్ల మెయిన్టైనెన్స్, కమిషన్స్, ఇతర ప్రమోషన్స్ ఖర్చులు కలిపి సలార్ బ్రేక్ ఈవెన్ టార్గెట్ 9-10 మిలియన్ డాలర్స్.
ప్రభాస్ గత మూడు ఫ్లాప్ చిత్రాలు ఉత్తర అమెరికాలో లాంగ్ రన్ టైమ్లో 3 మిలియన్ డాలర్ల మార్క్ను దాటాయి. ఆదిపురుష్ 3.1 మిలియన్ డాలర్స్, రాధేశ్యామ్ 2.2 మిలియన్ డాలర్స్, సాహో 3.3మిలియన్స్ డాలర్స్ వరకు వసూళ్లను అందుకున్నాయి. ఈ మూడు చిత్రాల రిజల్ట్ను బట్టి చూస్తే.. ప్రభాస్ 10 మిలియన్ డాలర్స్ మార్క్ను అందుకుంటాడా అనేది అనుమానంగానూ, ఆసక్తికరంగానూ మారింది.
మరోవైపు సలార్ దర్శకుడు ప్రశాంత్ నీల్ ఇప్పటికే తన గత చిత్రాలతో భారీ సక్సెస్లను అందుకున్నాడు. అయినప్పటికీ.. సలార్ చిత్రం 10 మిలయన్ డాలర్స్ మార్క్ను అందుకోవడం అంటే పెద్ద టాస్కే అని చెప్పాలి. చూడాలి మరి ఏం జరుగుతుందో. ఇకపోతే ఈ చిత్రం థియేటర్లలోకి వచ్చేది.. ఈ ఏడాది నవంబర్ లేదా వచ్చే ఏడాది సంక్రాంతి, ఇండిపెండెన్స్ డే అని అంటున్నారు.
