`స‌లార్` ప్రీ రిలీజ్ అందుకే చేయ‌లేదు

ప్ర‌భాస్ క‌థానాయ‌కుడిగా ప్ర‌శాంత్ నీల్ ద‌ర్శ‌క‌త్వంలో తెర‌కెక్కిన `స‌లార్` మ‌రికొన్ని గంట‌ల్లో ప్రేక్ష‌కుల ముందుకు రాబోతున్న సంగ‌తి తెలిసిందే. ఇప్ప‌టికే థియేట‌ర్ల వ‌ద్ద `స‌లార్` మేనియా మొద‌లైంది. తొలి షోతో ఎప్పుడు ప‌డుతుందా? అని ఎంతో ఆస‌క్తిగా ఎదురు చూస్తున్నారు. థియేట‌ర్ల‌న్నీ స‌లార్ అలంక ర‌ణ‌తో ముస్తాబై సిద్దంగా ఉన్నాయి. మ‌రి ఇంత హంగామా చోటు చేసుకుంటున్నా? `స‌లార్` ప్రీ రిలీజ్ ఈవెంట్ ఎందుకు చేయ‌లేదు? అని ఓవైపు అభిమానుల బుర్ర‌ల్ని అలాగే తొలిచేస్తున్నాయి.

కోట్ల రూపాయ‌లు ఖ‌ర్చు చేసిన సినిమాకి ప్రీ రిలీజ్ లేక‌పోవ‌డం ఏంటి? అస‌లు ఏం జ‌రుగుతోంద‌ని కొంద‌ర్నీ సీరియ‌స్ గానే ఆలోచ‌న‌లో ప‌డేసింది. అయితే తాజాగా వాట‌న్నింటికి చిత్ర నిర్మాత క్లారిటీ ఇచ్చేసారు. స‌లార్ విడుద‌ల‌య్యాక ఓ పెద్ద వేడుక నిర్వ‌హిస్తాం. ప్ర‌భాస్..ప్ర‌శాంత్ ఇద్ద‌రు బిజీగా ఉండ‌ట‌టంతో విడుద‌ల‌కు ముందు వేడుక నిర్వ‌హించ‌లేక‌పోయాం. ప్ర‌శాంత్ నీల్ నాకొక ద‌ర్శ‌కుడిగానే పరిచ‌యం అయ్యారు. ఆ త‌ర్వాత స‌న్నిహిత మిత్రుడ‌య్యారు. ఇప్పుడు త‌ను నా కుటుంబంలో స‌భ్యుడైపోయాడు.

త‌న‌కున్న క్రియేటివిటీకి నేనొక వేదిక మాత్ర‌మే. త‌న క్రియేటివిటీకి త‌గ్గ‌ట్టు త‌న‌కు ఏం కావాలో స‌మ‌కూర్చ డమే నా ప‌ని. త‌ను నిర్మాణం..మార్కెటింగ్ విష‌యాల్లో జోక్యం చేసుకోడు. ఒక ద‌ర్శ‌కుడిగా..నిర్మాత‌గా ఇద్ద‌రం మంచి అవ‌గాహ‌న‌తో ముందుకెళ్తున్నాం` అన్నారు. నిర్మాత మాట‌ల్ని బ‌ట్టి స‌లార్ విజ‌యంపై ఎంత ధీమాగా ఉన్నారో అర్ద‌మ‌వుతుంది. రిలీజ్ కి ముందు వేడుక చేయ‌కుండా రిలీజ్ త‌ర్వాత వేడుక అంటే ఏకంగా విజ‌యోత్స‌వ వేడుక చేసే ప్లాన్ లో భాగంగానే నిర్మాత క‌నిపిస్తున్నారు.

అందుకు త‌గ్గ ప్ర‌ణాళిక‌లు కూడా సిద్దం చేసుకున్నట్లు ఆయ‌న మాట‌ల్ని బ‌ట్టి తెలుస్తోంది. హోంబ‌లే నిర్మాణ సంస్థ‌లో గ‌తంలో తెర‌కెక్కిన పాన్ ఇండియా చిత్రం కేజీఎఫ్ రెండు భాగాల‌కు మాత్రం ముందొస్తు వేడుక‌లు క‌న్న‌డ‌లోనూ..తెలుగులోనూ పెద్ద ఎత్తున నిర్వ‌హించిన సంగ‌తి తెలిసిందే. కానీ స‌లార్ కి మాత్రం ఆ అన‌వాయితీ త‌ప్పించారు.