సలార్ ట్రైలర్ 2: ఎరుపెక్కేలా ప్రభాస్ యాక్షన్ డోస్

సలార్ పార్ట్ 1 సినిమాకు సంబంధించిన మొదటి ట్రైలర్ అంచనాల స్థాయిని అందుకోలేదు అనేలా కొన్ని కామెంట్స్ అయితే వినిపించాయి. ముఖ్యంగా ప్రభాస్ క్యారెక్టర్ ఈ సినిమాలో ఫుల్ గా చూపిస్తారా లేదా అనే డౌట్స్ కూడా చాలా వచ్చాయి అంతేకాకుండా అసలు ఎక్కువగా పృథ్వీరాజ్ క్యారెక్టర్ డామినేట్ చేసే అవకాశం ఉంది అన్నట్లు కూడా కొన్ని గాసిప్స్ వైరల్ అయ్యాయి. అయితే ఈ అనుమానాలకు ఎండ్ కార్డు పెట్టేలా దర్శకుడు మరొక యాక్షన్ డోస్ ట్రైలర్ విడుదల చేశారు.

అందులో ప్రభాస్ క్యారెక్టర్ ను హైలైట్ చేస్తూ చూపించిన కొన్ని యాక్షన్ సన్నివేశాలు అద్భుతంగా ఉన్నాయి ప్రభాస్ ను ఎలాగైతే ఫాన్స్ చూడాలని అనుకుంటున్నారో అదే తరహాలో దర్శకుడు ప్రభాస్ హీరోయిజాన్ని ఎలివేట్ చేయబోతున్నట్లుగా తెలుస్తోంది. ఇక ఆ పాత్రకు సంబంధించిన కొన్ని పాయింట్స్ కూడా సెకండ్ ట్రైలర్లో చూపించారు. స్నేహితుడు పిలవనంత వరకు కూడా తన ప్రపంచంలో చాలా సౌమ్యుడిగా ఉన్న సలార్ ఆ తర్వాత అతని కోసం పోరాడే సమయం వచ్చినప్పుడు మాత్రం ఎంత తీవ్రంగా మారుతాడో ఇందులో చూపించారు.

ప్రత్యేకంగా అతడి కోసం ఎంతవరకైనా వెళతాడు స్నేహితుడికి నచ్చకపోతే ఎవరినైనా అంతం చేస్తాడు అనేలా కూడా కొన్ని డైలాగ్స్ తో ఆ పాత్రను బలంగా ప్రజెంట్ చేస్తున్నారు. ఖాన్సార్ ప్రపంచంలో ఇద్దరు మిత్రులు శత్రువులతో ఎలా పోరాటం చేశారు, ఆ రాక్షస ప్రపంచాన్ని ఎలా మార్చారు అనే పాయింట్ ను కూడా ఇందులో హైలెట్ చేశారు.

ఇక యాక్షన్ సన్నివేశాల గురించి ప్రత్యేకంగా చెప్పనవసరం లేదు. కేజీఎఫ్ తరహాలో దర్శకుడు ఈ సారి కూడా కొన్ని ఎపిసోడ్స్ ను గట్టిగానే ప్లాన్ చేసినట్లుగా తెలుస్తోంది. ఇందులో ప్రభాస్ యాక్షన్ సన్నివేశాలు ఏ మాత్రం క్లిక్ అయినా కూడా సినిమాకు కలెక్షన్స్ మామూలుగా ఉండవు అని చెప్పవచ్చు. మొత్తానికి సెకండ్ ట్రైలర్లో ప్రభాస్ పాత్రలు హైలెట్ చేసిన విధానం ఫ్యాన్స్ కు బాగా నచ్చుతుంది అనిపిస్తోంది.

ఇక సినిమా ఫస్ట్ పార్ట్ లో స్నేహితుడు కోసం పోరాడే ప్రభాస్ ఆ తర్వాత అతనికే శత్రువుగా మారితే ఎలా ఉంటుంది అనే అంశాలను కూడా హైలెట్ చేయబోతున్నట్లుగా తెలుస్తోంది. మొత్తానికి ఈ ట్రైలర్ ద్వారా అయితే అంచనాలను మరింత పెంచేశారు. ఇక సినిమాను ఈనెల 21వ తేదీన ప్రపంచవ్యాప్తంగా విడుదల చేయబోతున్నారు. మొదటి రోజే సలార్ సినిమా 100 కోట్ల కలెక్షన్స్ అందుకుంటుంది అనేలా ట్రేడ్ వర్గాలు అంచనా వేస్తున్నాయి. మరి అది ఎంతవరకు నిజమవుతుందో చూడాలి.