సలార్.. ఫుల్ బాటిల్ కు ఈ స్టఫ్ సరిపోద్దా?

సలార్ సినిమా కోసం ప్రభాస్ ఫ్యాన్స్ ఆరాటం అయితే మాటల్లో చెప్పలేనిది. ఈ సినిమా విడుదల కోసం దాదాపు రెండేళ్ల నుంచి ఎంతగానో ఎదురు చూస్తున్నారు. బాహుబలి తర్వాత డార్లింగ్ కు సరైన బాక్స్ ఆఫీస్ సక్సెస్ లేకపోయినప్పటికీ అంచనాలు అయితే ఏమాత్రం తగ్గలేదు. మరొకవైపు దర్శకుడు ప్రశాంత్ నీల్ నుంచి కూడా ఈ ప్రాజెక్టుపై అంచనాలు ఆకాశాన్ని దాటేశాయి.

దీంతో అప్డేట్స్ కోసం కూడా ఫాన్స్ అయితే కళ్ళు కాయలు కాసేలా ఎదురుచూస్తున్నారు అనడంలో ఇలాంటి సందేహం లేదు. సెప్టెంబర్ లో రావలసిన సినిమాను ఒకేసారి డిసెంబర్ కు షిఫ్ట్ అయినా తట్టుకున్నారు. ఇక ఈ డిసెంబర్ కు అయినా సినిమాను తప్పకుండా విడుదల చేస్తారు అని ఎంతో నమ్మకంతో ఉన్నారు.

ఫ్యాన్స్ ఆశలు అంచనాలు అయితే ఏ మాత్రం తగ్గలేదు. మంచి కిక్ కోసం సలార్ లాంటి ఫుల్ బాటిల్ కోసం ఎదురుచూస్తున్నారు. అయితే ఈ ఫుల్ బాటిల్ కు తగ్గట్టుగా చిత్ర యూనిట్ మంచి స్టఫ్ అయితే ఇవ్వడం లేదు. ఇప్పటివరకు ప్రభాస్ ఫేస్ కూడా ఫర్ఫెక్ట్ గా హైలెట్ చేయలేకపోయారు. విడుదల చేసిన టీజర్ లో కూడా ప్రభాస్ బాడీ తోనే బిల్డప్ ఇచ్చేసి మొహాన్ని కనిపించకుండా మ్యానేజ్ చేశారు.

అలా టీజర్ వచ్చినప్పుడే చాలా అనుమానాలు క్రియేట్ అయ్యాయి. అయినప్పటికీ హార్డ్ కొర్ ఫ్యాన్స్ కంటెంట్ బలంగానే ఉంటుందని, విడుదల డేట్ కి వచ్చేసరికి ఒక మంచి అప్డేట్స్ ఇస్తారని ఆశతో ఉన్నారు. సాంగ్స్ విషయాన్ని పక్కన పెడితే కనీసం పోస్టర్లు అయినా విడుదల చేసి ఎంతో కొంత హైప్ క్రియేట్ చేయాలి. ప్రశాంత్ నీల్ ప్రభాస్ కాంబినేషన్ అనే బ్రాండ్ తోనే సినిమాకు ఎంత కాలం ప్రచారం చేస్తారనే సందేహాలు కూడా వ్యక్తమవుతున్నాయి.

ఇక ప్రస్తుతం పాన్ ఇండియా లెవెల్లో దాదాపు అన్ని రాష్ట్రాలలో భారీ స్థాయిలో కటౌట్లు సిద్ధం చేసి సినిమాకు హైప్ ఎక్కించాలి అని చూస్తున్నారు. ముఖ్యంగా నార్త్ లో ముంబై ఢిల్లీ వంటి రాష్ట్రాల్లో ఎక్కువ స్థాయిలో ప్రభాస్ కటౌట్స్ కనిపించే అవకాశం ఉంది. అయితే ఇక్కడ కూడా మేకర్స్ కొత్త పోస్టర్ లేమి హైలెట్ చేయడం లేదు. ప్రభాస్ సలార్ ఫస్ట్ లుక్ అప్పుడెప్పుడో ఏడాది క్రితం విడుదల చేశారు. అదే స్టాండింగ్ పొజిషన్ ను కటౌట్స్ రూపంలో హైలెట్ చేస్తున్నారు. మంచి కిక్ ఎక్కించే కాంబినేషన్ కు స్టఫ్ ఇవ్వడం ఏమిటి అని ఫ్యాన్స్ ఆగ్రహం వ్యక్తం చేస్తున్నారు. మరి రాబోయే ట్రైలర్ లో అయినా ప్రభాస్ ఫేస్ ను ఏ విధంగా హైలెట్ చేస్తారో చూడాలి.