స‌ల్మాన్, ర‌జ‌నీ, క‌మ‌ల్ ఒకే ప్రేమ్ లో!

'జ‌వాన్' హిట్ తో కోలీవుడ్ డైరెక్ట‌ర్ అట్లీ బాలీవుడ్ లోకి అడుగు పెట్టిన సంగ‌తి తెలిసిందే. షారుక్ ఖాన్ హీరోగా న‌టించిన సినిమా వసూళ్ల‌తో బాక్సాఫీస్ ని షేక్ చేయ‌డంతో అట్లీ రేంజ్ ఒక్క‌సారిగా మారిపోయింది. ఒక్క హిట్ తో బాలీవుడ్ హీరోలే అత‌డి ముందు నుంచున్నారు. ప్ర‌స్తుతం అట్లీతో సినిమాలు చేయడానికి అక్క‌డ హీరోలంతా రెడీగా ఉన్నారు. కానీ అట్లీ సెకెండ్ వెంచ‌ర్ హీరో ఇప్ప‌టికే క‌న్ప‌మ్ అయ్యాడు. స‌ల్మాన్ ఖాన్ తో ఓ సినిమా చేయ‌డానికి ఒప్పందం చేసుకున్నాడు.

ఏ6 అనే వ‌ర్కింగ్ టైటిల్ తో అట్లీ ప్రాజెక్ట్ ని ప‌ట్టాలెక్కించ‌డానికి రెడీ అవుతున్నాడు. ఈ సినిమా రెండు యుగాల పున‌ర్జ‌న్మ నేప‌థ్యంలో రూపొందుతుంద‌ని స‌మాచారం. ఇందులో స‌ల్మాన్ ఖాన్ యోధుడి పాత్ర పోషిస్తున్నారు. యాక్ష‌న్, డ్రామా, థ్రిల్ల‌ర్ నేప‌థ్యంలో కొత్త వ‌ర‌ల్డ్ లోకి ప్రేక్ష‌కుల్ని తీసుకెళ్లే స్టోరీగా వినిపిస్తుంది. తాజాగా సినిమాకి సంబంధించి మ‌రో ఇంట్రెస్టింగ్ విష‌యం లీకైంది. ఇది ఇద్ద‌రు హీరోల క‌థ‌గా తెర‌కెక్క‌నుందిట‌.

అంటే స‌ల్మాన్ ఖాన్ ఒక్క‌డే హీరో కాదు. ఆయ‌న‌తో పాటు స్టార్ హీరోల్నే రంగంలోకి దించుతున్నాడు. క‌మ‌ల్ హాస‌న్, లేదా ర‌జ‌నీకాంత్ మ‌రో హీరోగా క‌నిపించ‌నున్నారుట‌. మెయిన్ లీడ్ కి ఒక‌రు ఎంపికైతే? మ‌రొక‌రు ప్రాజెక్ట్ నుంచి ఎగ్జిట్ అయిన‌ట్లు కాదు. అత‌డితో మ‌రో కీల‌క పాత్ర ఆఫ‌ర్ చేస్తున్నారుట‌. క‌థ‌ని మ‌లుపు తిప్పే పాత్ర అదేన‌ట‌. ఛాలెంజింగ్ గా ఆ రో ల్ ఉంటుంద‌ని స‌మాచారం. హీరో పాత్ర కంటే ఆ రోల్ మ‌రింత శ‌క్తివంతంగా ఉంటుందం టున్నారు.

మిగ‌తా న‌టీన‌టుల వివ‌రాలు త్వ‌ర‌లో బ‌య‌ట‌కు రానున్నాయ‌ని స‌మాచారం. ప్ర‌స్తుతం స్క్రిప్ట్ ప‌నుల్లో ఉన్న చిత్రం వ‌చ్చే ఏడాది షూటింగ్ ప్రారంభించాల‌ని ప్లాన్ చేస్తున్నారుట‌. ఈలోపు స‌ల్మాన్ ఖాన్ న‌టిస్తోన్న `సికంద‌ర్` షూటింగ్ కూడా పూర్త‌వుతుంది. ఆ సినిమా వ‌చ్చే ఏడాది రిలీజ్ అవుతుంది.