పుష్ప2: ఆ మ్యూజిక్ డైరెక్టర్ కూడా క్లారిటీ ఇచ్చేశాడు

ఐకాన్ స్టార్ అల్లు అర్జున్ ‘పుష్ప 2’ మూవీ బ్యాగ్రౌండ్ స్కోర్ కోసం నలుగురు మ్యూజిక్ డైరెక్టర్స్ వర్క్ చేస్తున్నారనే టాక్ తెరపైకి వచ్చిన సంగతి తెలిసిందే. దేవిశ్రీ ప్రసాద్ కాకుండా థమన్ కూడా కొన్ని కీలక సన్నివేశాలకి బ్యాగ్రౌండ్ మ్యూజిక్ అందిస్తున్నట్లు కన్ఫర్మ్ చేశారు. అలాగే అజనీష్ లోకనాథ్, సామ్ సిఎస్ కూడా మ్యూజిక్ అందిస్తున్నారనే విషయం బయటకొచ్చింది. తాజాగా సామ్ సిఎస్ ఈ విషయాన్ని ట్విట్టర్ లో ధృవీకరించారు.

కార్తీ ‘ఖైదీ’, ‘సర్దార్’ సినిమాలకి సామ్ సిఎస్ మ్యూజిక్ అందించి మంచి గుర్తింపు తెచ్చుకున్నారు. అలాగే కిరణ్ అబ్బవరం హీరోగా వచ్చిన ‘క’ సినిమాకి సామ్ సిఎస్ సంగీతం అందించారు. ఆయన ‘అర్జున్ సురవరం’ సినిమాతో మ్యూజిక్ డైరెక్టర్ గా సామ్ సిఎస్ తెలుగులోకి ఎంట్రీ ఇచ్చాడు. కోలీవుడ్ లో సక్సెస్ ఫుల్ మ్యూజిక్ డైరెక్టర్ గా కొనసాగుతున్నారు. ఇదిలా ఉంటే ‘పుష్ప 2’ సినిమాలోని జాతర సీక్వెన్స్ కి సామ్ సిఎస్ మ్యూజిక్ అందించబోతున్నాడంట.

జాతర ఎపిసోడ్ లో ఉన్న అల్లు అర్జున్ గెటప్ ఫోటోని ట్విట్టర్ లో షేర్ చేసి సామ్ ఈ విషయాన్ని కన్ఫర్మ్ చేశారు. సినిమా మొత్తానికి ఈ ఎపిసోడ్ హైలైట్ గా ఉంటుందనే ప్రచారం గత కొంతకాలంగా నడుస్తోంది. ఇలాంటి ఎపిసోడ్ కి బ్యాగ్రౌండ్ స్కోర్ అందించే ఛాన్స్ సామ్ సిఎస్ కి రావడం నిజంగా గ్రేట్ అని చెప్పొచ్చు. ఇందులో తాను ప్రూవ్ చేసుకుంటే తరువాత తెలుగులో బిజీ అయ్యే అవకాశం ఉంటుంది.

ఇక అజనీష్ లోకనాథ్ కి కూడా మ్యూజిక్ డైరెక్టర్ గా మంచి పేరుంది. మరి అతను ఈ సినిమాలో ఏ సీన్స్ కి బ్యాగ్రౌండ్ స్కోర్ అందిస్తున్నాడనేది తెలియాల్సి ఉంది. ఈ నలుగురు బ్యాగ్రౌండ్ స్కోర్ కరెక్ట్ గా వర్క్ అవుట్ అయ్యి ‘పుష్ప 2’ సినిమాకి ప్లస్ అయితే భవిష్యత్తులో మరికొందరు ఈ పద్ధతిని ఫాలో అయ్యే అవకాశం ఉంటుందనే మాట టాలీవుడ్ సర్కిల్ లో వినిపిస్తోంది.

ఐకాన్ స్టార్ అల్లు అర్జున్ ఈ సినిమాపై చాలా హోప్స్ పెట్టుకున్నారు. కచ్చితంగా ఈ మూవీతో 1000 కోట్ల క్లబ్ లో చేరుతాననే నమ్మకంతో ఉన్నారు. మరి ఈ మూవీ అతని నమ్మకాన్ని ఏ మేరకు నిలబెడుతుంది అనేది వేచి చూడాలి. సుకుమార్ ఈ సినిమా కోసం రెస్ట్ తీసుకోకుండా వర్క్ చేస్తున్నారు. బన్నీ ఫ్యాన్స్ కూడా భారీ సక్సెస్ ని ఎక్స్ పెక్ట్ చేస్తున్నారు.