సామజవరగమన.. మిస్ చేసుకున్న హీరో ఎవరంటే?

ప్రతి వారం చాలా సినిమాలు ప్రేక్షకుల ముందుకు వస్తూ ఉంటాయి. అయితే, వాటిలో కొన్ని హిట్లు ఉంటాయి. కొన్ని ప్లాప్ లు ఉంటాయి. అయితే, మీరు వినే ఉంటారు. చాలా సినిమాలు ముందు ఒక హీరో దగ్గరకు వెళ్లి, ఆ హీరో రిజెక్ట్ చేయడంతో మరో హీరో వద్దకు చేరిన సందర్భాలు చాలానే ఉన్నాయి. అలా రిజెక్ట్ చేయడం వల్ల కొందరు హీరోలు మంచి హిట్ ని మిస్ అయితే, మరి కొందరు ప్లాప్ నుంచి తప్పించుకున్నవారు కూడా ఉన్నారు.

తాజాగా, ఓ యంగ్ హీరో మంచి సూపర్ హిట్ మూవీని మిస్ చేసుకున్నాడు. ఆయన మరెవరో కాదు యంగ్ హీరో సందీప్ కిషన్. సందీప్ తన ప్రతి సినిమాకి వైవిద్యం ప్రదర్శిస్తూ ఉంటాడు. కామెడీ దగ్గర నుంచి యాక్షన్ సినిమాల వరకు అన్ని జోనర్స్ లోనూ మెప్పించగలడు. కాగా, ఈ మధ్య విడుదలై బ్లాక్ బస్టర్ గా నిలిచిన సామాజవరగమన. ఈ మూవీతో శ్రీవిష్ణు ఖాతాలో మంచి హిట్ పడింది.

అయితే, ఈ మూవీ ఆఫర్ మొదట సందీప్ కిషన్ కి వచ్చిందట. ఆయనకు కూడా కథ బాగా నచ్చిందట. వెంటనే నిర్మాతగా రాజేష్ దండా ని కూడా సందీప్ సజెస్ట్ చేశాడు. కొద్ది రోజుల్లో మూవీ పట్టాలెక్కుతుంది అని అందరూ అనుకున్నారు. కానీ, అతను అంతకన్నా ముందు అంగీకరించిన ప్రాజెక్టుల కారణంగా ఈ ప్రాజెక్టు నుంచి తప్పుకోవాల్సి వచ్చింది.

సందీప్ ముందుగా మైఖేల్ మూవీకి కమిట్ అయ్యి ఉన్నాడు. కానీ ఆ మూవీకి కాల్షీట్లు ఇవ్వడంతో, ఈ మూవీ కి అడ్జెస్ట్ చేసుకోలేకపోయాడట. దీంతో, సందీప్ ఈ మూవీ నుంచి తప్పుకోవాల్సి వచ్చింది. దీంతో, శ్రీవిష్ణు దగ్గరకు వెళ్లింది. కానీ, ఎన్నో ఆశలు పెట్టుకున్న మైఖేల్ మూవీ ప్లాప్ అయిపోయింది. హిట్ అందుకోవాల్సిన మూవీ చేతి నుంచి చేజారిపోయింది.

ఇదిలా ఉండగా, సందీప్ కిషన్ కి ఇటీవల ఓ పెద్ద ప్రాజెక్టు వచ్చినట్లు ప్రచారం జరుగుతోంది. ధనుష్ హీరోగా తెరకెక్కుతున్న ఓ సినిమాలో సందీప్ సోదరుడుగా నటించే అవకాశం ఉందని తెలుస్తోంది. దీనిపై అధికారిక ప్రకటన రావాల్సి ఉంది.