సమంతకు స్ఫూర్తినిచ్చే కవిత..!

స్టార్‌ హీరోయిన్‌ సమంత మరోసారి సోషల్‌ మీడియా ద్వారా ఆసక్తికర పోస్ట్‌ను షేర్‌ చేశారు. తన అందమైన ఫోటోలను, సినిమా, సిరీస్‌లకు సంబంధించిన వీడియోలు, ఫోటోలను మాత్రమే కాకుండా అప్పుడప్పుడు జీవిత సత్యాలను, ఇన్సిపిరేషన్‌ కోట్స్‌ను, జీవితంలో ముందుకు సాగేందుకు ఉపయోగపడే ఎన్నో గొప్ప సుక్తులను సమంత సోషల్‌ మీడియా ద్వారా షేర్‌ చేస్తూ ఉంటారు. ఏ సూక్తులతో అయితే తాను స్ఫూర్తి పొందుతుందో వాటిని జనాలతో పంచుకోవడం సమంతకు అలవాటు. తాజాగా మరోసారి అలాంటి ఒక కవితను షేర్‌ చేయడం ద్వారా అందరి దృష్టిని ఆకర్షించింది.

ఇన్‌స్టాగ్రామ్‌లో తనకు జీవితంలో ఒడిదొడుకులు ఎదురైన సమయంలో ఈ పద్యం స్ఫూర్తిని నింపింది అంటూ ఈ పద్యంను షేర్‌ చేసింది. మీ జీవితంలో అంతా కోల్పోయినప్పుడు, మిమ్ములను అంతా నిందిస్తున్నప్పుడు, మీరు తల ఎత్తుకుని నిలబడితే, పురుషులు అంతా మిమ్మల్ని అవమానించినప్పుడు, మిమ్మల్ని మీరు నమ్మితే కచ్చితంగా విజయం సాధిస్తారు అంటూ ఆసక్తికర లైన్స్‌ను షేర్‌ చేసింది. ఇంకా ఆ పద్యంలో విజయాలన్నింటిని పక్కన పెట్టి రిస్క్‌ చేసినప్పుడు ఆ సమయంలో ఓడిపోతే కొత్తగా మళ్లీ ప్రయాణంను మొదలు పెట్టాలి. అంతే తప్ప ఓటమి గురించి ఎక్కువ ఆలోచిస్తూ అలాగే కూర్చుని ఉండకూడదు. ఆ ఓటమితో మన హృదయం ను మరింత కఠినంగా మార్చుకుని కష్టపడాల్సిన సమయం అంటూ పద్యంను షేర్‌ చేసింది.

మీ దగ్గర ఏమీ లేనప్పుడు సంకల్పం అనే దాన్ని గట్టిగా పట్టుకోవడం ద్వారా దేన్ని అయినా సాధిస్తారు. అప్పుడు మనను నిందించే వారికి సరైన సమాధానం చెప్పవచ్చు అనే అర్థం వచ్చే విధంగా ఉన్న పద్యంను సమంత షేర్‌ చేశారు. సమంత ఇలాంటి కొటేషన్స్‌, కవితలు, కవిత్వాలు చాలానే షేర్‌ చేస్తూ ఉంటారు. ఆమె సోషల్‌ మీడియా ద్వారా ఎంతో మందికి స్ఫూర్తిని నింపుతూ ఉంటారు. ఆమె షేర్‌ చేసే లైన్స్‌ కి చాలా మంది అభిమానులు ఉంటారు. తన సొంత లైన్స్‌ను మాత్రమే కాకుండా గొప్ప వ్యక్తులు చెప్పిన లైన్స్‌ని, పద్యాలను షేర్‌ చేస్తూ ఉంటుంది.

సమంత ఇటీవలే సిటాడెల్‌ వెబ్‌ సిరీస్‌తో ప్రేక్షకుల ముందుకు వచ్చింది. మరో వైపు మా ఇంటి బంగారం అనే సినిమాను చేస్తున్నట్లు అధికారికంగా ప్రకటన వచ్చింది. ఆ సినిమా ఎప్పుడు ఉంటుంది, ఎప్పుడు వస్తుంది అనే విషయమై అందరిలోనూ ఆసక్తి నెలకొంది. బాలీవుడ్‌లో ఒక సినిమాతో పాటు ఒక వెబ్‌ సిరీస్‌ను ఈమె చేసేందుకు కమిట్‌ అయింది. సౌత్‌లో కంటే ఈమె ఎక్కువగా హిందీలో సినిమాలు సిరీస్‌లు చేయాలనే ఉద్దేశ్యంతో ఉన్నట్లుగా తెలుస్తోంది. అందుకే ముంబైలోనే ఈ అమ్మడు ఎక్కువగా ఉంటుంది అంటూ ఆమె సన్నిహితుల ద్వారా సమాచారం అందుతోంది.