సమంత యువరాణి శాసనం..

స్టార్ హీరోయిన్ సమంత ప్రస్తుతం తన ఫోకస్ అంతా బాలీవుడ్ పైన పెట్టినట్లు కనిపిస్తోంది. ముఖ్యంగా హిందీలో వెబ్ సిరీస్ చేస్తూ తనకంటూ ప్రత్యేకమైన బ్రాండ్ ని క్రియేట్ చేసుకునే దిశగా అడుగులేస్తోంది. యాక్షన్ బ్యాక్ డ్రాప్ కథలతో సిరీస్ లు చేస్తూ వస్తోన్న సమంత అలాంటి కథలని తానే కేరాఫ్ అనేలా ప్రూవ్ చేసుకోబోతోంది. ఆమె నటించిన 'సిటాడెల్: హాన్నీ బన్నీ' వెబ్ సిరీస్ నవంబర్ 7న అమెజాన్ ప్రైమ్ లో రిలీజ్ కాబోతోంది.

తాజాగా ఈ సిరీస్ నుంచి సెకండ్ ట్రైలర్ ని మేకర్స్ రిలీజ్ చేశారు. ఇందులో సమంత అదిరిపోయే రేంజ్ లో పవర్ ఫుల్ యాక్షన్ సీక్వెన్స్ ని చాలా సునాయాసంగా చేసేసింది. ఈ యాక్షన్ షాట్స్ చూసిన తర్వాత ఇండియన్ లేడీ యాక్షన్ హీరోగా సమంత మారిపోతుందని చాలా మంది అంటున్నారు. ముఖ్యంగా ఆమె అభిమానులు అయితే సమంత స్పీడ్ ని ఇప్పట్లో ఎవరూ ఆపలేరని కామెంట్స్ చేస్తున్నారు.

'సిటాడెల్' రిలీజ్ కి రెడీ కాగా రాజ్ అండ్ డీకే నిర్మాణంలోనే మరో వెబ్ సిరీస్ లో సమంత నటిస్తోంది. 'రక్త్ బ్రహ్మాండ్' టైటిల్ తో ఈ వెబ్ సిరీస్ తెరకెక్కుతోంది. హిస్టారికల్ బ్యాక్ డ్రాప్ లో నడిచే ఫిక్షనల్ యాక్షన్ డ్రామాగా ఈ సిరీస్ ఉండబోతోందంట. ఆదిత్య రాయ్ కపూర్ ఈ సిరీస్ లో మేల్ లీడ్ గా నటిస్తున్నాడు. సమంత యువరాణి పాత్రలో కనిపించబోతోందని టాక్ వినిపిస్తోంది. ఒక శాసనం కాన్సెప్ట్ లో ఆమె క్యారెక్టర్ ఉంటుందట. పవర్ఫుల్ హావభావాలతో సామ్ సరికొత్తగా కనిపించనున్నట్లు తెలుస్తోంది.

ఒక రాజ్యంలో అధికారం కోసం జరిగే రాజకీయం నేపథ్యంలో ఈ సిరీస్ కథ ఉంటుందంట. నెట్ ఫ్లిక్స్ ఒరిజినల్ గా రక్త్ బ్రహ్మాండ్ తెరకెక్కుతోంది. వామిక గొబ్బి ఈ సిరీస్ లో ఒక కీలక పాత్ర చేస్తోంది. 'తుంబాడ్' ఫేమ్ రాహి అనిల్ బార్వే దర్శకత్వంలో ఈ సిరీస్ సిద్ధమవుతోంది. 'మీర్జాపూర్' ఫేమ్ అలీ ఫజల్ ఇందులో ముఖ్యమైన పాత్ర చేస్తున్నట్లు తెలుస్తోంది.

'సిటాడెల్' సిరీస్ సక్సెస్ అయితే బాలీవుడ్ లో సమంత క్రేజ్ మరింత పెరుగుతుంది. అది కచ్చితంగా 'రక్త్ బ్రహ్మాండ్' కి హెల్ప్ అవుతుంది. అలాగే డిజిటల్ స్పేస్ లో యాక్షన్ సిరీస్ లకి కేరాఫ్ గా సమంత మారే అవకాశం కనిపిస్తోంది. అయితే ఆమె మంచి తెలుగు మూవీ ఒకటి చేయాలని ఫ్యాన్స్ కోరుకుంటున్నారు. సమంత కూడా తెలుగు సినిమాలు చేయడానికి సిద్ధంగానే ఉంది. అయితే దర్శకులు ఎవరూ ఆమెని సంప్రదించడం లేదని టాక్. సరైన క్యారెక్టర్ పడితే మూవీ చేసే అవకాశం కనిపిస్తోంది.