కిస్సిక్‌పై సమంత రియాక్షన్‌ ఇదే..!

అల్లు అర్జున్‌, సుకుమార్‌ కాంబోలో రాబోతున్న 'పుష్ప 2' సినిమా షూటింగ్‌ దాదాపుగా పూర్తి అయింది. ఇటీవలే సినిమా నుంచి ఎంతో ఆసక్తిగా ఎదురు చూస్తున్న 'కిస్సిక్‌' ఐటెం సాంగ్‌ విడుదల అయింది. పుష్ప పార్ట్‌ 1 నుంచి వచ్చిన ఊ అంటావా.. పాటకి ఏ స్థాయిలో రెస్పాన్స్ దక్కిందో ప్రత్యేకంగా చెప్పనక్కర్లేదు. కిస్సిక్ పాటకి సైతం అదే స్థాయిలో.. అంతకు మించి రెస్పాన్స్‌ వస్తుందని అంతా భావించారు. మెల్లమెల్లగా కిస్సిక్‌ పాటకి సైతం మంచి స్పందన దక్కుతోంది. ఇప్పటికే రికార్డ్‌ స్థాయి వ్యూస్‌తో, లైక్స్‌ తో ఈ పాట టాప్‌లో నిలిచింది. ఈ పాటలో అల్లు అర్జున్‌, శ్రీలీల పాటకు మంచి స్పందన దక్కుతోంది.

కిస్సిక్‌ పాట వచ్చినప్పటి నుంచి సమంత రియాక్షన్ కోసం అంతా ఆసక్తిగా ఎదురు చూస్తున్నారు. శ్రీలీలను ట్యాగ్‌ చేసి సమంత స్పందించింది. కిస్సిక్‌ పాట ఫైర్ అంటూ మూడు ఈమోజీలను షేర్‌ చేయడంతో పాటు శాంతంగా ఉండి పుష్ప 2 కోసం వేచి చూడండి అంటూ అంచనాలు పెంచే విధంగా కామెంట్‌ చేసింది. మొత్తానికి శ్రీలీల కిస్సిక్‌ కోసం చేసిన డాన్స్‌ కి మంచి స్పందన దక్కింది. సోషల్‌ మీడియాలో ఇప్పటికే ఈ పాట తెగ వైరల్‌ అవుతుంది. ఇప్పుడు సమంత సోషల్‌ మీడియా ద్వారా స్పందించడం ద్వారా మరింతగా ఈ పాట గురించి చర్చ జరుగుతోంది అనడంలో సందేహం లేదు.

సమంత నిన్న మొన్నటి వరకు సిటాడెల్‌ వెబ్‌ సిరీస్‌తో బిజీ బిజీగా ఉంది. ఇటీవలే ఆ వెబ్‌ సిరీస్‌ను ప్రేక్షకుల ముందుకు తీసుకు వచ్చిన సమంత తెలుగులో ఎప్పుడు నటిస్తుందా అంటూ అంతా ఆసక్తిగా ఎదురు చూస్తున్నారు. తెలుగు సినిమాల గురించి ఈమధ్య కాలంలో సమంత పట్టించుకోవడం లేదు. ఎట్టకేలకు పుష్ప 2లోని వైల్డ్‌ ఫైర్‌ అన్నట్లుగా ఉన్న కిస్సిక్‌ పాట పై స్పందించింది. ఈ పాటకు వస్తున్న స్పందనపై కొందరు సమంత ఫ్యాన్స్ పెదవి విరుస్తున్నారు. సోషల్‌ మీడియాలో కొందరు కిస్సిక్‌ సాంగ్‌ సమంత సాంగ్‌ స్థాయిలో లేదు అంటూ కామెంట్స్ చేస్తున్నారు.

రష్మిక మందన్న హీరోయిన్‌గా నటిస్తున్న ఈ సినిమాలో మలయాళ స్టార్‌ నటుడు ఫాహద్‌ ఫజిల్‌ విలన్‌ పాత్రలో నటిస్తున్నాడు. ఈ సినిమా ఇప్పటికే వెయ్యి కోట్లకు పైగా ప్రీ రిలీజ్ బిజినెస్ చేసింది. వరల్డ్‌ బాక్సాఫీస్ వద్ద రూ.2000 కోట్ల వసూళ్లు నమోదు చేసే అవకాశం ఉందని అందరూ నమ్మకంగా ఉన్నారు. ప్రస్తుతం సినిమాకు సంబంధించిన పోస్ట్‌ ప్రొడక్షన్ వర్క్ జరుగుతోంది. దేశవ్యాప్తంగా సినిమా ప్రమోషన్స్ జరుగుతున్నాయి. ఇప్పటికే బీహార్‌, చెన్నైలో ఈవెంట్స్ జరిగాయి. కేరళలో భారీ ఈవెంట్‌కి ప్లాన్‌ చేస్తున్నారు. త్వరలోనే తెలుగు రాష్ట్రాల్లోనూ ఈవెంట్స్ జరగబోతున్నాయి. ఇండియన్ సినీ చరిత్రలో ప్రత్యేక మూవీగా పుష్ప 2 నిలుస్తుందనే నమ్మకం వ్యక్తం అవుతోంది.