స‌మంత వ్య‌వ‌హారం అంతా ప్ర‌చార‌మేనా?

బాలీవుడ్ లో ర‌ష్మిక మంద‌న్నా ఏ రేంజ్ లో దూసుకుపోతుందో చెప్పాల్సిన ప‌నిలేదు. పుష్ప‌తో పాన్ ఇండియా మార్కెట్ లోకి అడుగు పెట్టిన త‌ర్వాత 'గుడ్ బై'..'మిష‌న్ మ‌జ్ను'..'యానిమ‌ల్' లాంటి హిందీ చిత్రాలు చేసింది. ప్ర‌స్తుతం 'చావా' లో న‌టిస్తోంది. ఇటీవ‌లే స‌ల్మాన్ ఖాన్ స‌ర‌స‌న 'సికంద‌ర్' లోనూ ఛాన్స్ అందుకుంది. ఇక నేచుర‌ల్ పెర్పార్మ‌ర్ సాయి ప‌ల్ల‌వి కూడా నిన్న గాక మొన్న హిందీ మార్కెట్ కి వెళ్లింది. అప్పుడే రెండు సినిమాలు లైన్ లో పెట్టింది.

ర‌ణ‌బీర్ క‌పూర్ స‌ర‌స‌న 'రామాయ‌ణ్' లో న‌టిస్తుంది. ఇది పాన్ ఇండియా ప్రాజెక్ట్. దీని కంటే ముందు మ‌రో హిందీ సినిమా కి క‌మిట్ అయింది. ఆ సినిమానే అమ్మడి బాలీవుడ్ డెబ్యూ అవుతుంది. అదే అమీర్ ఖాన్ త‌నయుడితో చేస్తోన్న చిత్రం. ఇక కీర్తి సురేష్ అలియాస్ క‌ళావ‌తి గురించి చెప్పాల్సిన ప‌నిలేదు. 'అక్క‌' అనే ఫేమ‌స్ వెబ్ సిరీస లోఛాన్స్ అందుకుంది. అందులో ప్రియ‌మ‌ణితోనూ పోటీకి సై అని ముందుకెళ్లింది. ఇదిగాక ఈరోయిన్ గా 'బేబి జాన్' లో న‌టిస్తోంది. ఇంకా కొత్త క‌థ‌లు వింటోంది.

మ‌రి స‌మంత ప‌రిస్థితి ఏంటి? అంటే పేరు గొప్ప ..ఊరు దిబ్బ అన్న‌ట్లుగానే క‌నిపిస్తుంది. రెండేళ్ల నుంచి బాలీవుడ్ అంటూ స‌మంత ఊరేగ‌డం త‌ప్ప ఇంత‌వ‌ర‌కూ ఒక్క రిలీజ్ కూడా లేదు. ఏ సినిమాకి సైన్ చేసింది లేదు. తాప్సీ బ్యాన‌ర్లో ఛాన్స్ అందుకుంద‌ని ప్ర‌చారం త‌ప్ప అందులో వాస్త‌వం తెలియ‌దు. న‌టించిన 'సీటాడెల్' హిందీ వెర్ష‌న్ కూడా ఇంకా ప్రేక్ష‌కుల ముందుకు రాలేదు. ఇంకా ఆ హీరో స‌ర‌న‌స న‌టిస్తుంది? ఈ హీరోతో రొమాన్స్ చేస్తుంద‌ని? సోష‌ల్ మీడ‌యా క‌థ‌నాలు తప్ప‌! ఏ హీరోతోనూ రొమాన్స్ ఇంత‌వ‌ర‌కూ కన్ప‌మ్ కాలేదు.

క‌ర‌ణ్‌జోహార్ తో టాక్ షోలు..అక్ష‌య్ కుమార్ తో డాన్సింగ్ షోలు త‌ప్ప స‌మంత వాళ్ల‌తో ప‌నిచేసేది ఏమైనా ఉందా? అంటూ సోష‌ల్ మీడియాలోకొత్త‌గా ఎటాకింగ్ కూడా మొద‌లైంది. స‌మంత ఇంత‌వ‌ర‌కూ బాలీవుడ్ లో చేసింది 'ఫ్యామిలీ మ్యాన్' వెబ్ సిరీస్ త‌ప్ప‌! మిగ‌తా అంతా మీడియా సృష్టించిన హైప్ గానే క‌నిపిస్తుంద‌ని నెటి జ‌నులు అభిప్రాయ‌ప‌డుతున్నారు. మ‌రి వీట‌న్నింటికి స‌మంత ఎప్పుడు? పుల్ స్టాప్ పెడుతుందో ? చూడాలి.