న్యూయార్క్ తో అనుబంధం పంచుకున్న సమంత..!

టాలీవుడ్ స్టార్ హీరోయిన్ సమంత న్యూయార్క్ వెళ్లిపోయారు. తన సినిమా ఖుషీ విడుదలకు సిద్ధమౌతుండటంతో, ఆమె ఇక్కడ ప్రమోషన్స్ పూర్తి చేశారు. అనంతరం అమెరికా పర్యటనకు వెళ్లారు. అయితే, అక్కడకు వెళ్లీ వెళ్లగానే తన చికిత్స మొదలపెడతారని అనుకున్నారు. కానీ, అలా జరగలేదు. ఆమె అక్కడకు వెళ్లిన తర్వాత కూడా జిమ్ కి వెళ్లి కసరత్తులు చేస్తున్నారు.

అంతేకాకుండా, అమెరికాలో నిర్వహించిన మన ఇండియా పరేడ్ వేడుకల్లోనూ ఆమె పాల్గొన్నారు. కరెక్ట్ గా ఆ వేడుకల్లో పాల్గొనేందుకే ఆమె ఇంతకాలం ఆగి, ఇప్పుడు వెళ్లినట్లు తెలుస్తోంది. ఆ పరేడ్ లో పాల్గొన్న ఫోటోలను ఆమె షేర్ చేశారు. ఆ ఫోటోలతో పాటు, తనకు న్యూయార్క్ తో ఉన్న అనుబంధాన్ని కూడా కేవలం రెండు, మూడు లైన్లలో పంచుకున్నారు.

తన కెరీర్ మొదట న్యూయార్క్ లోనే మొదలైందని చెప్పారు. తన మొదటి సినిమా షూటింగ్ అక్కడే చేశారని గుర్తు చేసుకున్నారు. ఇప్పుడు దాదాపు 14ఏళ్ల తర్వాత తాను ఇక్కడ ఇలా ఉన్నాను అంటూ పేర్కొన్నారు. మొదట అక్కడకు వెళ్లినప్పుడు చాలా భయంగా ఉన్న చిన్న అమ్మాయినని, ఇప్పుడు, ఎలాంటి కలనైనా నిజం చేసుకోగల ధైర్యవంతురాలి అంటూ పేర్కొన్నారు. ఈ పోస్టు ప్రస్తుతం నెట్టింట వైరల్ గా మారింది.

సమంత షేర్ చేసిన ఫోటోల్లో ఆమె లుక్ కూడా చాలా బాగుంది. బ్రౌన్ అండ్ గోల్డెన్ కలర్ డ్రెస్ లో సమంత చాలా స్టైలిష్ గా కనిపించారు. చివరగా, ఆమె తన కుక్క పిల్లలతో ఉన్నట్లు గీసిన డ్రాయింగ్ కూడా ఆకట్టుకునేలా ఉంది.

ఇదిలా ఉండగా, సమంత మరో ఏడెనిమిది నెలలు అమెరికాలోనే ఉండనున్నారు. ఆమె గత కొంతకాలంగా అనారోగ్యంతో బాధపడుతుండగా, దానికి చికిత్స తీసుకోనున్నారు. ఆ చికిత్స తర్వాతే మళ్లీ భారత్ కి రానున్నారు. ఈ చికిత్స నేపథ్యంలోనే ఆమె కొత్తగా ఎలాంటి సినిమాలు అంగీకరించలేదు. అంగీకరించిన అన్నింటినీ పూర్తి చేసేశారు. వాటిలో ఖుషీ సెప్టెంబర్ 1న విడుదల కానుంది. ఇక, సిటాడెల్ ఇండియన్ వర్షన్ వెబ్ సిరీస్ సైతం త్వరలోనే ప్రేక్షకుల ముందుకు రానుంది.