సమంతను టాలీవుడ్ ఫస్ట్ మూవీలో రిజెక్ట్ చేశారా?

సమంత రూత్ ప్రభు.. ఎటువంటి సినీ బ్యాక్ గ్రౌండ్ లేకుండా మిడిల్ క్లాస్ ఫ్యామిలీ నుంచి ఇండస్ట్రీలోకి వచ్చిన ఈ బ్యూటీ.. ప్రస్తుతం ఇండియా టాప్ హీరోయిన్ గా చలామణి అవుతోంది. తెలుగులో దాదాపు అందరూ అగ్రహీరోలకు జోడీగా నటించి అలరించింది సామ్. సుమారు రూ.5 కోట్లకు పైగా రెమ్యునరేషన్ అందుకుంటూ తక్కువ సమయంలోనే హీరోలతో సరి సమానంగా పాపులారిటీ సొంతం చేసుకున్న ఏకైక హీరోయిన్ సమంతనే.

ఇక యాక్టింగ్ తోపాటు అందంలో ఈమె తర్వాతే ఎవరైనా. కేవలం కమర్షియల్ రోల్సే కాకుండా వైవిధ్యభరితమైన పాత్రలు చేస్తూ లక్షలాది మంది అభిమానులను సొంతం చేసుకుంది. జెస్సీగా వెండితెరకు పరిచయమై కుర్రకారు హృదయాలను కొల్లగొట్టింది సమంత. మొదటి చిత్రం ఏమాయ చేశావేతో అందరినీ మాయ చేసింది.

ఆ మూవీలో తన నటన తో ప్రేక్షకులను తనవైపుకు తిప్పుకుంది. దర్శకుడు గౌతమ్ మీనన్ ఈ సినిమాలో ఆమెను ఎంతో అట్రాక్టివ్ గా చూపించారు. ఇక ఈ మూవీతో సామ్ కెరీర్ మలుపు తిరిగిపోయింది. టాలీవుడ్ లో వరుస అవకాశాలు అందుకుంది. ఇక సమంత సినీ కెరీర్ ను మలుపు తిప్పిన మూవీగా ఏమాయ చేసావే అని చెప్పుకోవచ్చు. ఈ మూవీతోనే సమంత టాలీవుడ్ కు పరిచయమైంది.

మొదటి సినిమానే సామ్ కు మంచి పేరు తెచ్చిపెట్టడంతో ఆ తర్వాత వరుసగా స్టార్ హీరోల సినిమాల్లో అవకాశాలు దక్కించుకుంది. అయితే సమంత హైదరాబాద్ వచ్చాక ఫస్ట్ టైమ్ ఆటోలో ఓ సినిమా ఆడిషన్ కు వెళ్లిందట. ఆ మూవీ మేకర్స్ ఆమెను రిజెక్ట్ చేశారట. ఆ చిత్రం.. 2010లో విడుదలైన స్నేహగీతం. లార్స్కో చిత్ర పతాకంపై లగడపాటి శ్రీధర్ నిర్మాతగా మధురా శ్రీధర్ దర్శకత్వంలో ఈ చిత్రం రూపొందింది. మూడు ప్రేమ జంటల మధ్యలో తిరిగే ఆ కథలోనే సందీప్ కిషన్, వెంకీ అట్లూరి ( ఇప్పుడు దర్శకుడు), చైతన్య హీరోలుగా నటించారు. ఇక శ్రేయ ధన్వంతరి, సుహాని, మహిమ హీరోయిన్స్ గా నటించారు.

ఫస్ట్ మూవీగా అలా ఛాన్స్ అందుకోవాల్సిన సమంత రిజెక్ట్ అయినప్పటికీ.. ఇప్పుడు స్టార్ డమ్ తెచ్చుకుంది. గతేడాది శాకుంతలం, ఖుషి మూవీలతో వచ్చిన సమంత.. త్వరలోనే సిటాడెల్ అనే ఇంటర్నేషనల్ సిరీస్ తో రానుంది. ఈ వెబ్ సిరీస్ లో బాలీవుడ్ స్టార్ హీరో వరుణ్ ధావన్ మరో లీడ్ రోల్ లో కనిపించనున్నారు. ఫ్యామిలీ మ్యాన్ వెబ్ సిరీస్ డైరెక్టర్స్ రాజ్ అండ్ డీకే ఈ సిరీస్ ను తెరకెక్కిస్తున్నారు. త్వరలోనే ఈ సిరీస్ అమెజాన్ ప్రైమ్ వీడియోలో స్ట్రీమింగ్ కానుంది.