సమంత ఇంకా కోలుకోలేదా? అవన్నీ అందులో భాగమేనా?

స్టార్ హీరోయిన్ సమంత.. కొన్ని నెలల క్రితం మయోసైటిస్ వ్యాధి బారిన పడిన సంగతి తెలిసిందే. యశోద సినిమాలో నటిస్తున్న టైమ్ లో ఆమెకు వ్యాధి ఉన్నట్లు తెలియగా.. కొద్ది రోజులు బ్రేక్ తీసుకుని షూటింగ్ కంప్లీట్ చేసింది. ఆ తర్వాత తాను అప్పటికే కమిట్ అయ్యి ఉన్న విజయ్ దేవరకొండ ఖుషి, సిటాడెల్ వెబ్ సిరీస్ ను పూర్తి చేసింది. ఆ సమయంలో అనేక ఇబ్బందులు కూడా ఎదుర్కొన్నట్లు ఇటీవల తెలిపింది.

అయితే హెల్త్ బాగా లేకపోవడం వల్ల అనేక ప్రాజెక్టుల నుంచి సమంత తప్పుకున్నట్లు వార్తలు వచ్చాయి. ఆ తర్వాత విదేశాలకు వెళ్లి ట్రీట్మెంట్ తీసుకుంది. సినిమాలకు లాంగ్ బ్రేక్ ఇచ్చింది. ఆ సమయంలో సోషల్ మీడియాలో తన హెల్త్ అప్డేట్స్ ఇస్తుండేది. ఇటీవల ఇండియాకు తిరిగొచ్చింది. త్వరలోనే సిటాడెల్ సిరీస్ తో అలరించనుంది. తన సొంత నిర్మాణ సంస్థపై మా ఇంటి బంగారం మూవీని కూడా అనౌన్స్ చేసింది.

దీంతో సమంత హెల్త్ పరంగా సెట్ అయిందని అంతా అనుకున్నారు. వరుస సినిమాలతో మళ్లీ అలరించనుందని ఆశిస్తున్నారు. ఇదే సమయంలో ఇప్పుడు నెట్టింట సమంత ఆరోగ్యానికి సంబంధించి జోరుగా చర్చ సాగుతోంది. సామ్ హెల్త్ ఇంకా సెట్ అయినట్లు లేదని కొందరు నెటిజన్లు కామెంట్లు పెడుతున్నారు. ఇంకా పలు సమంత ట్రీట్మెంట్లు తీసుకుంటుందని చెబుతున్నారు.

అందుకు సమంత లేటెస్ట్ పోస్ట్ ఎగ్జాంపుల్ గా చూపిస్తున్నారు. సమంత.. లేటెస్ట్ గా రెడ్ లైట్ థెరపీ డేట్ అంటూ ఇన్ స్టాగ్రామ్ లో స్టోరీ పోస్ట్ చేసింది. అందులో రూమ్ అంతా రెడ్ లైట్ తో ఉండగా.. సామ్ రిలాక్స్ మోడ్ లో ఉన్నట్లు కనిపించింది. సామ్ ముందు తన పెట్ కూడా ఉంది. దీంతో ఈ రెడ్ లైట్ థెరపీ కూడా మయోసైటిస్ సంబంధించిన ఓ ట్రీట్మెంట్ గా తెలుస్తోంది.

ఇంతకుముందు.. ఐస్ టబ్ బాత్, క్రియో థెరపీ, న్యూరో నెర్డ్, ఇన్- ఫ్రారెడ్ సానా, ఎల్ ఈడీ లైట్ థెరపీ వంటి వివిధ చికిత్స తీసుకుంటున్నట్లు పలు విధాలుగా సమంత తెలిపింది. రోజూ ధ్యానం కూడా చేస్తున్నట్లు ఇటీవల చెప్పింది. దీంతో సామ్.. ఇంకా సైడ్ ఎఫెక్ట్స్ తో బాధపడుతుందని అంతా చెబుతున్నారు. ఎక్కువగా మందులు తీసుకోవడం ఆరోగ్యానికి మంచిది కాకపోవడం వల్ల, వివిధ చికిత్సలు తీసుకుంటుందని అంటున్నారు. ఇంకొన్ని రోజులు పాటు కొనసాగిస్తుందని చెబుతున్నారు. మరి ఇందులో నిజమెంతనేది తెలియదు.