ఒళ్లంతా ద‌ద్దుర్ల‌తో చీమ‌ల సైన్యం దండెత్తిన‌ట్టు!

మ‌యోసైటిస్‌తో స‌మంత సింప‌థీ కొట్టేయాల‌ని చూస్తోంద‌ని చాలా మంది ఆరోపించారు. కానీ రియాలిటీలో అది ఎలాంటి స‌మ‌స్య‌నో.. తాను ఎలా పోరాడిందో చెబుతూ ప్ర‌ఖ్యాత టిఇడి స్పీక‌ర్, హోస్ట్, ఫ్యాష‌నిస్టా న‌య‌న్‌దీప్ ర‌క్షిత్ తాజాగా ఇన్ స్టాలో ఒక ఆస‌క్తిక‌ర‌మైన పోస్ట్ చేసారు. దీనికి `వారియర్ సమంత` అంటూ ల‌వ్ ఈమోజీతో క్యాప్ష‌న్ ని ఇచ్చారు. అత‌డు ఏమ‌న్నాడంటే..?

ఇటీవల నేను ఇండియా టుడే కాంక్లేవ్‌లో స‌మంత రూత్ ప్ర‌భు ఇంటర్వ్యూ చూశాను. అది నన్ను కదిలించింది. ఎందుకంటే ఈ మహిళ తన జీవితంలో అత్యంత కష్టతరమైన మానసిక సవాళ్లు ఎదురైన సమయాలలో ధైర్యంగా నిల‌బ‌డి పోరాడింది. మనలో అత్యంత ఓపికగా ఉన్నవారిని కలవరపెట్టే రుగ్మతతో పోరాడింది.

అప్పటికి త‌న‌ను సానుభూతి కోసం ఇలా చెబుతోంద‌ని చెప్పుకునే ప్రజలు ఉన్నారు. ఆటో ఇమ్యూన్ డిజార్డర్‌తో పోరాడిన వ్యక్తిగా, ప్రతి క్షణం జీవించడం ఎంత నిరుత్సాహాన్ని క‌లిగిస్తుందో, శ‌రీరంలోని నరాలను ఎలా నాశనం చేస్తుందో నేను మీకు చెప్పగలను. స‌మంత వెర్ష‌న్ లో ఇలా చెప్పారు.

నేను ఒళ్లంతా దద్దుర్లతో విరిగిపోతుందేమో అనే భయంతో ప్రతిరోజూ జీవించాను. ఓ గాడ్! నాకు ముఖ్యమైన షూటింగ్ ఉంది.. ఈ రోజు నన్ను విడిచిపెట్టండి అని ప్రార్థించాను. నా శరీరం అంతా దద్దుర్లుతో వేడెక్కడం, చీమల సైన్యం నాపైకి దండెత్తి వచ్చినట్లు దురద పుట్ట‌డం నాకు అర్థమైంది. అబ్బాయిలూ.. ఇది సానుభూతి కోసం కాదు. ఇలాంటిది ఎదురైతే కొన్నిసార్లు నిస్సహాయంగా కూడా భావిస్తారు. దానిని ఎదుర్కోవడానికి చాలా ధైర్యం, కోపం, అంగీకారం అవసరం. ఏదో ఒక రోజు అంతా సవ్యంగా జరుగుతుందని మీరు నాకు నమ్మకం కలిగించారు.

వారు (నెటిజ‌నులు) మిమ్మల్ని ప్రశ్నించిన ప్రతిసారీ మీ ప్రయాణం నుండి ప్రేరణ పొందిన వారు చాలా మంది ఉన్నారని గుర్తుంచుకోండి. నువ్వు నిజంగా యోధురాలివి. మీకు ఇలాంటి ప్ర‌శంస‌ అవసరం లేదు.. కానీ మేము ఇంకా మీకు చెప్పాలి.. కొన్నిసార్లు మీరు రాక్‌స్టార్ అని మీకు గుర్తు చేయాలి.. అంటూ అత‌డు స్ఫూర్తివంత‌మైన నోట్ తో ముగించాడు. స‌మంత ఇటీవ‌ల మీడియా ఇంట‌ర్వ్యూల‌లో మ‌యోసైటిస్ తో త‌న క‌ష్టం గురించి బ‌హిరంగంగా వెల్ల‌డిస్తోంది. చాలా పోరాటం త‌ర్వాత తిరిగి కోలుకుని ఇప్పుడు సినిమాల్లో రీఎంట్రీ కోసం ప్ర‌య‌త్నిస్తున్న సంగ‌తి తెలిసిందే.