న్యూయార్క్ వీధుల్లో... సమంత వేదాంతం

టాలీవుడ్ స్టార్ హీరోయిన్ లలో సమంత ఒకరు. దశాబ్దానికి పైగా దక్షిణాదిన సినిమాలు చేస్తూ, ఆమె అలరిస్తున్నారు. ఇప్పటికీ ఆమె యంగ్ హీరోల సరసన హీరోయిన్ రోల్స్, అందులోనూ లవ్ స్టోరీస్ చేస్తున్నారు. ప్రస్తుతం ఆమె విజయ్ దేవరకొండతో కలిసి చేసిన ఖుషీ మూవీ ప్రేక్షకుల ముందుకు రావడానికి రెడీ అయ్యింది.

ఇటీవలే తన చేతిలో ఉన్న అన్ని సినిమా షూటింగ్స్ ని పూర్తి చేసిన సామ్, తన చికిత్స నిమిత్తం అమెరికా వెళ్లారు. ప్రస్తుతం న్యూయార్క్ వీధుల్లో సందడి చేస్తున్నారు. తాజాగా అక్కడ కొన్ని ప్రదేశాలు చూడటానికి వెళ్లారు. ఆ ఫోటోలను తన ఫ్యాన్స్ తో పంచుకున్న సమంత, క్యాప్షన్ లో చిన్నపాటి వేదాంతమే చెప్పారు.

భూమి గొప్పతనం గురించి మొదలుపెట్టారు. ఈ భూమి కేవలం మనుషులదే కాదని, అన్ని జంతువులకు నిలయం అని ఆమె పేర్కొన్నారు. మన అర చేతులు గబ్బిలాల్లాగా ఉంటాయని, మన బాడీలోని సెల్స్ పైనాపిల్స్ లాగా ఉంటాయని, ఇక మన డీఎన్ఏ పుట్టగొడుగు మాదిరిగా ఉంటందని పేర్కొన్నారు. ఈ భూమిపై ఉన్న ప్రతి జంతువుతో మన పూర్వీకులకు సంబంధం ఉందని, అయితే కొన్ని సంబంధాలు దగ్గరగా ఉంటే, మరి కొన్ని దూరంగా ఉంటాయని పేర్కొన్నారు. కానీ, మనమంతా ఒకే ఫ్యామిలీ ట్రీకి చెందిన వాళ్లం అంటూ క్యాప్షన్ లో పేర్కొన్నారు.

ఈ క్యాప్షన్ సంగతి పక్కన పెడితే, ఆ ఫోటోల్లో సమంత లుక్ బాగుంది. చాలా స్టైలిష్ గా కనపడుతున్నారు. కాగా, సమంత ఇటీవల ఖుషీ మూవీ ప్రమోషన్స్ లో భాగంగా మ్యూజిక్ కాన్సర్ట్ లో పాల్గొన్నారు. తర్వాత సోషల్ మీడియా సెలబ్రెటీలతో చిట్ చాట్ చేశారు. ఇక, ఇప్పుడు అమెరికాలోనూ తన ఖుషీ మూవీ ప్రమోట్ చేయనున్నారు.

అమెరికాలోని తెలుగువారి కోసం గ్రీట్ అండ్ మీట్ ఏర్పాటు చేస్తున్నారు. దానికి టికెట్ కొనుగోలు చేసి వెళ్లినవారు సమంతను కలిసే అవకాశం ఉంటుంది. ఈ ఈవెంట్ ఆగస్టు 25న జరిగే అవకాశం ఉంది. ఇక, ఖుషీ మూవీ సెప్టెంబర్ 1వ తేదీన ప్రేక్షకుల ముందుకు రానుంది. శివ నిర్వాణ దర్శకత్వం వహించగా, మూవీలోని పాటలు ఇప్పటికే సూపర్ హిట్ గా నిలిచాయి.