స్టైలిష్ లుక్ లో సమంత స్టన్నింగ్ గ్లామర్!

టాలీవుడ్ స్టార్ హీరోయిన్ సమంత ఈమధ్య సినిమాలకు బ్రేక్ ఇచ్చి ఇతర కార్యక్రమాలతో బిజీగా ఉన్న సంగతి తెలిసిందే. ఖుషి మూవీ తర్వాత సినిమాల నుంచి విరామం తీసుకున్న సమంత కొన్ని రోజులపాటు వెకేషన్ వెళ్లొచ్చింది. అప్పటినుంచి సోషల్ మీడియాలో ఫుల్ యాక్టివ్ గా ఉంటూ తన ప్రతి మూమెంట్ ని అభిమానులతో షేర్ చేసుకుంటూ వస్తోంది. ఈ క్రమంలోనే తాజాగా సమంత సోషల్ మీడియాలో షేర్ చేసిన కొన్ని పిక్స్ నెటిజన్స్ ని ఎంతగానో ఆకట్టుకుంటున్నాయి.

'ఏకమ్' పేరుతో సమంత ప్రీ స్కూల్ ప్రారంభించిన సంగతి తెలిసిందే. తన ఫ్రెండ్ శిల్పారెడ్డి తో కలిసి సమంత ఈ ప్రీస్కూల్ ని మొదలుపెట్టింది. తాజాగా ఈ ప్రీస్కూల్ ని సందర్శించింది. అందుకు సంబంధించిన కొన్ని ఫోటోలను సోషల్ మీడియా వేదికగా అభిమానులతో పంచుకుంది. ఈ ఫోటోల్లో చిన్నారులతో సరదాగా చిల్ అవుతూ కనిపించింది. అంతేకాకుండా ఇందులో మరోసారి తన సిగ్నేచర్ ఫ్యాషన్ లుక్ ని మైంటైన్ చేసింది.

ఈ ఫోటోల్లో సమంత స్టైలిష్ బ్లూ కలర్ బ్లేజర్, చిక్ డెనిమ్, ట్రెండీ గాగుల్స్ ధరించి తన క్యూట్ స్మైల్ తో ఆకట్టుకుంది. ప్రస్తుతం సమంత షేర్ చేసిన ఈ పిక్స్ నెట్టింట ఫ్యాన్స్ తో పాటూ నెటిజన్స్ ని ఎంతగానో ఆకట్టుకుంటున్నాయి. ఈ పిక్స్ చూసిన ఫ్యాన్స్ సమంత స్టైలిష్ లుక్ అదుర్స్, సమంత క్యూట్ స్మైల్ అదిరిపోయింది, బ్లేజర్ లో సమంత మరింత బ్యూటిఫుల్ గా ఉందంటూ.. కామెంట్ల వర్షం కురిపిస్తున్నారు.

కాగా 2020 లో సమంత తన ఫ్రెండ్స్, ఫ్యాషన్ డిజైనర్ శిల్పారెడ్డి, ఎడ్యుకేషనిస్ట్ ముక్తా ఖురానాతో కలిసి ‘ఏక్కం’ ప్రీ-స్కూళ్లను జూబ్లీహిల్స్‌లో ప్రారంభించింది. విద్యా విధానంలో సరికొత్త ఆవిష్కరణ, నైపుణ్యాన్ని తీసుకురావాలనే ఉద్ధేశంతో ఈ ప్రీ-స్కూల్ ఏర్పాటు చేసినట్లు సమంత తెలిపింది. దీంతోపాటు 'సాకీ' అనే దుస్తుల బ్రాండ్ ని కూడా రన్ చేస్తోంది సమంత. రీసెంట్ గా న్యూట్రివేటివ్ ఫుడ్స్ ప్రైవేట్ లిమిటెడ్ తో కలిసి కొత్త వ్యాపారాన్ని స్టార్ట్ చేసింది.

అలా సినిమాలతో పాటు వివిధ రకాల వ్యాపారాల్లోనూ రాణిస్తూ మల్టీ టాలెంటెడ్ ఉమెన్ గా పేరు తెచ్చుకుంది. ఇక చివరగా విజయ్ దేవరకొండ సరసన ఖుషి సినిమాతో ప్రేక్షకుల ముందుకు వచ్చింది సమంత. శివ నిర్వాణ దర్శకత్వం వహించిన ఈ చిత్రం ఆశించిన స్థాయిలో సక్సెస్ కాలేకపోయింది. కానీ సినిమాలో విజయ్ - సమంత కెమిస్ట్రీ, సాంగ్స్ కి ఆడియన్స్ మంచి రెస్పాన్స్ వచ్చింది. ఈ మూవీ తర్వాత సమంత 'సిటాడేల్' అనే వెబ్ సిరీస్ చేసింది. త్వరలోనే ఈ వెబ్ సిరీస్ అమెజాన్ ప్రైమ్ లో రిలీజ్ కానుంది.