సామ్ బ్యాక్ టు వర్క్.. లెట్స్ గో..

ఏ మాయ చేశావేతో టాలీవుడ్ ఇండస్ట్రీలోకి ఎంట్రీ ఇచ్చిన సమంత.. టాప్ హీరోయిన్ గా దూసుకుపోతోంది. తెలుగులోనే కాకుండా దేశవ్యాప్తంగా అన్ని భాషల్లోనూ ఈమెకు ఫ్యాన్స్ ఉన్నారు. ఫ్యామిలీ మాన్ వెబ్ సిరీస్ ద్వారా హిందీలో కూడా అభిమానులను సంపాదించుకుంది. వరుస సినిమాలతో బిజీగా ఉండే సమంత.. ఈమధ్య తన ఆరోగ్య సమస్యల వల్ల చాలా రోజులు సినిమాలకు గ్యాప్ ఇవ్వాల్సి వచ్చింది.

మ‌యోసైటిస్ కార‌ణంగా ఏడాదిపాటు కెరీర్‌ కు లాంగ్ బ్రేక్ తీసుకున్న స‌మంత.. లేటెస్ట్ గా తన అభిమానుల‌కు గుడ్‌ న్యూస్ వినిపించింది. త్వరలోనే బాలీవుడ్ వెబ్‌ సిరీస్‌ తో ప్రేక్ష‌కుల్ని ప‌ల‌క‌రించేందుకు సిద్ధ‌మైంది. సిటాడెట్ వెబ్‌ సిరీస్ డ‌బ్బింగ్ మొద‌లుపెట్టింది. స్టూడియోలో త‌న పాత్ర‌కు డ‌బ్బింగ్ చెబుతున్న ఫొటోల‌ను ఇన్‌ స్టాగ్రామ్‌ లో షేర్ చేసింది.

హిందీ సిరీస్‌ ర‌షెస్ చూశాన‌ని, చాలా బాగా వ‌చ్చాయంటూ ఓ పోస్ట్‌ పెట్టింది. వ‌రుణ్‌ ధావ‌న్‌, డైరెక్ట‌ర్స్ రాజ్‌డీకేల‌తో క‌లిసి దిగిన ఫొటోను కూడా షేర్ చేసింది. ఆమె పోస్ట్ చేసిన ఫొటోలు ప్రస్తుతం సోష‌ల్ మీడియాలో వైర‌ల్ అవుతున్నాయి. స‌మంత రీఎంట్రీతో ఫ్యాన్స్ ఖుషీ అవుతున్నారు. సిరీస్ కోసం ఈగర్లీ వెయిటింగ్ అంటూ కామెంట్లు పెడుతున్నారు.

ఫ్యామిలీ మ్యాన్‌ 2లో నెగెటివ్‌ షేడ్స్‌ ఉన్న పాత్రలో అదరగొట్టిన సమంత.. సిటాడెల్‌ కోసం ప్రత్యేకంగా సిద్ధమైంది. మార్షల్‌ ఆర్ట్స్‌లో కూడా శిక్షణ తీసుకుంది. ముఖ్యంగా వరుణ్‌, సామ్‌ కలిసి చేసే యాక్షన్‌ సన్నివేశాలు అలరిస్తాయని టాక్‌. 1990ల నేపథ్యంలో ఈ సిరీస్‌ సాగుతోందని తెలుస్తోంది. ఎలాంటి డూప్‌ లేకుండా ఆమెనే స్వయంగా యాక్షన్‌ సీక్వెన్స్‌ను పూర్తి చేసిందట.

ఇక హాలీవుడ్‌ లో ప్రియాంక చోప్రా ప్ర‌ధాన పాత్ర‌లో న‌టించిన సిటాడెల్ వెబ్‌ సిరీస్ ఆధారంగా ఈ ఇండియ‌న్ సిరీస్ తెర‌కెక్కుతోంది. చాలా రోజుల క్రిత‌మే సిటాడెల్ షూటింగ్ పూర్త‌యింది. తాజాగా పోస్ట్ ప్రొడ‌క్ష‌న్ వర్క్స్ కూడా కంప్లీట్ అయ్యాయి. ఇక డ‌బ్బింగ్ పూర్తి చేసి ఏప్రిల్ లేదా మే నెల‌లో ఈ సిరీస్‌ ను రిలీజ్ చేయాల‌నే ఆలోచ‌న‌లో మేక‌ర్స్ ఉన్న‌ట్లు స‌మాచారం. ఈ వెబ్‌ సిరీస్ అమెజాన్ ప్రైమ్ వీడియో ద్వారా ఓటీటీ ఆడియెన్స్ ముందుకు రాబోతోంది.