సామ్.. ఈ లుక్కుతో కిల్ చేసేలా..

టాలీవుడ్ స్టార్ హీరోయిన్ సమంత సిల్వర్ స్క్రీన్ పై కనపడి చాలా నెలలు అవుతోంది. దాదాపు రెండేళ్ల క్రితం ఖుషీ మూవీతో పలకరించిన సామ్.. ఇప్పటివరకు మళ్లీ కొత్త సినిమాతో సందడి చేయలేదు. దీంతో ఆమెను వెండితెరపై చూసేందుకు ఫ్యాన్స్ తోపాటు సినీ ప్రియులు ఎంతో వెయిట్ చేస్తున్నారు. ఆ మధ్య తన బర్త్ డే సందర్భంగా మా ఇంటి బంగారం టైటిల్ తో తన సొంత బ్యానర్ పై సినిమాను అనౌన్స్ చేసింది సమంత.

ట్రాలాలా మూవింగ్ పిక్చర్స్ పతాకంపై ఆ చిత్రాన్ని సమంత స్వయంగా నిర్మిస్తోంది. కానీ ఆ ప్రాజెక్ట్ కు సంబంధించి ఇప్పటి వరకు ఎలాంటి అప్డేట్ ఇవ్వలేదు. పైగా కొన్ని నెలలకు సోషల్ మీడియాలో వివిధ థెరపీల కోసం పోస్టులు పెడుతోంది సామ్. హెల్త్ టిప్స్ కూడా ఇస్తోంది. రీసెంట్ గా సద్గురు ఆశ్రమానికి వెళ్లి ఆధ్యాత్మిక చింతనలో కనిపించింది. దీంతో ఆమె ఇంకా సినిమాలు చేయడం స్టార్ట్ చేయలేదని వార్తలు వచ్చాయి.

అయితే ఇప్పటికే ఆమె పూర్తి చేసిన సిటాడెల్ హనీ బనీ వెబ్ సిరీస్ త్వరలోనే అమెజాన్ ప్రైమ్ వీడియోలో స్ట్రీమింగ్ కానుంది. మరో రెండు వెబ్ సిరీసులతో పాటు కోలీవుడ్ స్టార్ హీరో దళపతి విజయ్ మూవీకి గ్రీన్ సిగ్నల్ ఇచ్చినట్లు టాక్ వస్తోంది. మలయాళం స్టార్ హీరో మమ్ముట్టి సినిమాలో సామ్ హీరోయిన్ గా ఎంపికైందని వార్తలు వచ్చాయి. కానీ ఆ మూవీ లాంచింగ్ ఈవెంట్ లో ఆమె కనిపించలేదు. ఎలాంటి పోస్ట్ కూడా పెట్టలేదు.

ప్రస్తుతం బాలీవుడ్ నటులతో పలు యాడ్స్ చేస్తోంది సామ్. ఇప్పుడు తాజాగా ELLE మ్యాగ్ జైన్ కవర్ పేజీపై దర్శనమిచ్చింది. బ్లాక్ కలర్ ఫుల్ డిజైనర్ డ్రెస్ లో మెరిసింది సామ్. అందులో అమ్మడు అదిరిపోయింది. హెయిర్ లీవ్ చేసి తన గ్లోయింగ్ స్కిన్ తో ఆకట్టుకుంటోంది. తన చూపుతో అందరినీ మాయ చేస్తోంది. తన ఎక్స్ప్రెషన్ తో మత్తెక్కిస్తోంది. ఎద అందాలతో కవ్విస్తోంది. అందుకు సంబంధించిన పిక్ ఇప్పుడు వైరల్ గా మారింది.

సమంత స్పెషల్ ఇంటర్వ్యూ తమ మ్యాగ్ జైన్ లో ఉన్నట్లు ELLE సంస్థ పోస్ట్ పెట్టింది. ఉదయ్ పూర్ రిసార్ట్ లో పిక్ దిగినట్లు తెలిపింది. 50 మిలియన్ల మంది ఫాలోవర్స్.. ఆమె గురించి తెలుసుకోవాలని తహతహలాడుతున్నట్లు చెప్పింది. మొత్తానికి డీసెంట్ గ్లామర్ తో సామ్.. పిక్ లో అదిరిపోయిందని నెటిజన్లు కామెంట్లు పెడుతున్నారు. పిక్ సూపర్ అని అంటున్నారు. మరి మళ్లీ సామ్.. సిల్వర్ స్క్రీన్ పై ఎప్పుడు కనిపిస్తుందో చూడాలి.