స‌మంత‌ని కూడా వాళ్ల జాబితాలో వేసేయోచ్చా?

సీనియ‌ర్ హీరోలు చిరంజీవి, బాల‌కృష్ణ‌, నాగార్జున‌, వెంక‌టేష్ లాంటి స్టార‌న్ హీరోల‌కు జోడీగా ఎలాంటి హీరోయిన్లు సెట్ అవుతున్నారో చూస్తున్నాం. బేసిక్ గా వాళ్ల‌కు కాంబినేష‌న్ సెట్ అవ్వ‌డం క‌ష్ట‌మైన ప‌ని. వాళ్ల వ‌య‌సును మ్యాచ్ చేసే హీరోయిన్లు దొర‌కరు అనుకుంటోన్న స‌మ‌యంలో కాజ‌ల్ అగ‌ర్వాల్, త్రిష‌, త‌మ‌న్నా, ప్ర‌గ్యాజైశ్వాల్, న‌య‌న‌తార లాంటి వాళ్ల‌ను రంగంలోకి దించ‌డంతో ఆ కొర‌త తీరింది. సీనియ‌ర్ హీరోలంద‌రికీ ఇప్పుడు వీళ్లే జోడీ.

రీసెంట్ గా ఆషీకా రంగ‌నాధ్ ని కూడా ఆ జాబితాలో చేరిపోయింది. `నా సామి రంగ‌`లో కింగ్ నాగార్జున‌కు జోడీగా న‌టించి స‌క్స‌స్ అవ్వ‌డంతో ఆషీకా కూడా సెట్ అయిన‌ట్లే. స్వీటీ అనుష్క ఇంకా ఆ ఛాన్స్ పూర్తి స్థాయిలో తీసుకోలేదు. చిరంజీవితో ఓ సినిమా చేసింది గానీ ఆ రోల్ కొంత‌వ‌ర‌కే ప‌రిమిత‌మైంది. పూర్తి స్థాయిలో ఏ సీనియ‌ర్ తోనూ రొమాంటిక్ గా న‌టించింది లేదు. అది కూడా జ‌రిగితే స్వీటీని కూడా ఆ జాబితాలో వేయోచ్చు.

ఇంత‌వ‌ర‌కూ ఒకే . మ‌రి స‌మంత కూడా సీనియ‌ర్ల‌కు ద‌గ్గ‌ర‌గా ఉందా? అంటే అవున‌నే అనిపిస్తుంది. నాగచైత‌న్య‌తో విడాకుల అనంత‌రం స‌మంత జ‌ర్నీ ఎలా సాగుతుందో తెలిసిందే. మొన్న‌టివ‌ర‌కూ యంగ్ హీరోల‌తో బాగానే సినిమాలు చేసింది. కానీ ఇప్పుడంత వేగంగా అవ‌కాశాలు రావ‌డం లేదు. బాలీవుడ్ ప్ర‌య‌త్నాలు మొద‌లు పెట్టిన నేప‌థ్యం...అక్ష‌య్ కుమార్ లాంటి సీనియ‌ర్ స్టార్ తో స్టేజ్ పంచుకోవ‌డం వంటివి చూస్తుంటే! స‌మంత విష‌యంలో ద‌ర్శ‌క నిర్మాత‌లే సిద్దంగా లేరా? అన్న సందేహం తెర‌పైకి వ‌స్తోంది.

సీనియ‌ర్ హీరోల‌తో తాను న‌టించ‌డానికి సిద్దంగా ఉంది? అన్న సంకేతాన్ని ఆనాడే పాస్ చేసిందా? అన్న కొత్త చ‌ర్చ తెర‌పైకి వ‌స్తోంది. నిజానాకి స‌మంత సీనియ‌ర్ల‌కు అన్నిర‌కాలుగా ఇప్పుడు సరితూగుతుంది. అమ్మ‌డి వ‌య‌సు కూడా 37 ఏళ్లు. సీనియ‌ర్ హీరోలంతా 60 లో ఉన్నారు. ఇది పెద్ద వ్య‌త్యాసంగా చెప్పాల్సిన ప‌నిలేదు. కాబ‌ట్టి స‌మంత‌ని సీనియ‌ర్ హీరోల‌కు జోడీగా ద‌ర్శ‌క‌-నిర్మాత‌లు చూజ్ చేసుకోవ‌చ్చు.