సద్గురు భ‌క్తురాలు సమంత కిల్ల‌ర్ లుక్
హ‌నీ బ‌న్ని త‌ర్వాత కూడా మ‌రోసారి రాజ్ అండ్ డీకేతో క‌లిసి ప‌ని చేసేందుకు సమంత సిద్ధ‌మ‌వుతోంద‌ని కూడా గుస‌గుస‌లు వినిపించాయి
By: Tupaki Desk | 18 July 2024 10:35 AM GMT
టాలీవుడ్ క్వీన్ సమంతలో ఇటీవ‌లి ఆధ్యాత్మిక కోణాన్ని అంద‌రూ గ్ర‌హించారు. సద్గురు భోధ‌న‌లు స‌హా చాలా విషయాలను సమంత సోష‌ల్ మీడియాల్లో చ‌ర్చిస్తోంది. మ‌రోవైపు సామ్ వ‌రుస ఫోటోషూట్లు అగ్గి రాజేస్తున్నాయి. ఇలాంటి విలక్షణత స‌మంత‌కే సాధ్య‌మం. మ‌యోసైటిస్ నుంచి చికిత్స‌తో కోలుకున్న సామ్ త‌దుప‌రి వ‌రుస చిత్రాల‌తో బిజీ అవుతోంది. తొలిగా త‌న సొంత ప్రొడ‌క్ష‌న్ సినిమా బంగారం కోసం స‌న్నాహ‌కాలు మొద‌లు పెట్టిన సమంత హిందీ చిత్ర‌సీమ‌లోను త‌న‌దైన ముద్ర వేయాల‌ని త‌పిస్తోంది. అయితే సమంత నుంచి ఇంకా ఆ పెద్ద ప్ర‌క‌ట‌న రావాల్సి ఉంది. ఇదిలా ఉంటే, సమంత న‌టించిన సిటాడెల్- హ‌నీ బ‌న్ని వెబ్ సిరీస్ విడుద‌ల కోసం అభిమానులు ఎంతో ఉత్కంఠ‌గా వేచి చూస్తున్నారు. ఫ్యామిలీమ్యాన్ 2 త‌ర్వాత రాజ్ అండ్ డీకేతో సమంత బిగ్ డీల్ ఇది. హ‌నీ బ‌న్ని త‌ర్వాత కూడా మ‌రోసారి రాజ్ అండ్ డీకేతో క‌లిసి ప‌ని చేసేందుకు సమంత సిద్ధ‌మ‌వుతోంద‌ని కూడా గుస‌గుస‌లు వినిపించాయి.
మ‌రోవైపు సమంత వ‌రుస ఫోటోషూట్లు అగ్గి రాజేస్తున్నాయి. తాజాగా సామ్ ర‌క‌ర‌కాల డిజైన‌ర్ దుస్తుల్లో ఫోజుల‌తో ఉన్న మాష‌ప్ ని షేర్ చేయ‌గా తనలోని విలక్షణత గురించి మ‌రోసారి అభిమానుల్లో ముచ్చ‌ట సాగుతోంది. క్వీన్ సమంత అగ్గి రాజేస్తోంద‌ని ప్ర‌శంసించిన అభిమానులు, ఇలాంటిది సామ్ కే చెల్లింది! అంటూ కితాబిచ్చేస్తున్నారు. తాజా డిజైన‌ర్ లుక్ లు ఫ్యాన్స్ హృద‌యాల‌ను దోచుకుంటున్నాయి. ప్రస్తుతం ఈ ఫోటోషూట్లు అంత‌ర్జాలంలో వైర‌ల్ గా దూసుకెళుతున్నాయి. సమంత ప్ర‌తి రూపం దోచేస్తోంది! అంటూ అంద‌మైన క్యాప్ష‌న్ ని కూడా దీనికి ఇచ్చారు.
సమంత రూత్ ప్రభు ఇటీవల ఎల్లేకి ఇచ్చిన ఇంటర్వ్యూలో నాగ చైతన్యతో విడాకులు, మైయోసిటిస్ నిర్ధారణ గురించి మాట్లాడారు. తాను ప్రస్తుతం ఉన్న స్థితికి చేరుకోవడానికి చాలా శ్ర‌మించాన‌ని సమంత తెలిపారు. 2021లో సమంత-నాగ చైతన్య తమ ఐదవ వివాహ వార్షికోత్సవానికి కొన్ని రోజుల ముందు విడిపోతున్నట్లు ప్రకటించారు. అటుపై సమంత మైయోసిటిస్ అనే ఆటో-ఇమ్యూన్ కండిషన్‌తో కూడా ఉన్నట్లు నిర్ధారణ అయింది. అనంత‌రం సమంత త‌న కష్టాల గురించి గళం విప్పింది.
మన జీవితంలో కొన్ని విషయాలను మార్చుకోవాలని మనమంతా కోరుకుంటున్నాము. నేను ప‌రిస్థితుల‌ను బ‌ట్టి ముందుకు వెళ్లాల్సిన అవసరం ఉందా? అని నేను కొన్నిసార్లు ఆలోచిస్తాను. కానీ వెనక్కి తిరిగి చూస్తే.. నాకు అది వేరే మార్గం కాదు. నేను చివరిగా ఉన్నాను.. అని వ్యాఖ్యానించింది. మ‌యోసైటిస్ కి చికిత్స పొందుతున్న సమంత ఇటీవల ఆధ్యాత్మికంగాను అంద‌రి దృష్టిలో ప‌డింది. సద్గురు ఫాలోవ‌ర్ గాను సమంత అంద‌రికీ సుప‌రిచిత‌మైంది.
నేను ను గతంలో కంటే బలంగా పాతుకుపోయినట్లు భావిస్తున్నాను. నేను ఇక్కడికి రావడానికి అగ్ని ప్ర‌వేశం చేసాను... అని కూడా సమంత తాజా ఇంట‌రాక్ష‌న్ లో వ్యాఖ్యానించ‌డం ఆస‌క్తిక‌రం. అలాగే సమంత స‌ద్గురుపై త‌న ప్రేమ‌ను ఇలా కురిపించింది.
భ‌క్తురాలిగా ప‌రిణామం...
మనలో చాలామంది గురువు కోసం వెతుకుతారు. మీరు మీ జీవితాన్ని వెలిగించే సీరియ‌స్‌నెస్, అవగాహన, కరుణతో ఒకరిని కనుగొన్నప్పుడు.. అది ఒక అరుదైన ప్రత్యేకత అని సమంత అన్నారు. జ్ఞానం కావాలంటే మీరు ప్రపంచంలో వెతకాలి. రోజువారీ విషయాలు మీపైకి విసిరివేస్తున్నందున.. ఇది సులభం అవుతుంది. మీరు ఆలోచిస్తున్నారు... ఇది సాధారణమని మీరు అనుకుంటున్నారు. ఇది సాధారణమైనది కాదు. మీరు దాని కోసం కష్టపడాలి. కేవలం తెలుసుకోవడం సరిపోదు. ఈ జ్ఞానం అమలు నిజంగా ముఖ్యమైనది.. అని సమంత ఇన్ స్టాలో మాట్లాడారు. గురు @సద్గురు @ఇషా.ఫౌండేషన్ .. అంటూ తనలోని డివోష‌న‌ల్ ట‌ర్న్ గురించి సమంత ప్ర‌స్థావించారు.
