పిక్ టాక్‌ : సమంతలో మళ్లీ ఆ కళ కనిపిస్తోంది

సౌత్‌ తో పాటు నార్త్‌ లో కూడా తన సినిమాలు, సిరీస్ లతో మెప్పించిన ముద్దుగుమ్మ సమంత. ఆ మధ్య మయో సైటిస్ కారణంగా సమంత తీవ్ర ఇబ్బందులు ఎదుర్కొంది. ఆ సమయంలోనే మీడియా ముందుకు వచ్చిన సమంత ను చాలా మంది మొహం లో ఛార్మింగ్ మిస్ అయ్యిందని, మునుపటి అందం లేదని కామెంట్స్ చేశారు.

అనారోగ్యంతో ఉన్నప్పుడు ఛార్మింగ్ గా ఎలా కనిపిస్తాను అంటూ సమంత అసహనం వ్యక్తం చేసిన విషయం కూడా తెల్సిందే. సమంత మయో సైటిస్ నుంచి బయట పడటం కోసం ఏకంగా ఏడాది పాటు సినిమాలకు దూరంగా ఉండి పూర్తిగా విశ్రాంతి తీసుకుంటూ లైఫ్ ను టూర్స్ తో ఎంజాయ్‌ చేసింది.

తిరిగి సమంత షూటింగ్‌ మొదలు పెడుతున్నట్లుగా ఇటీవలే ప్రకటించింది. ఒకవైపు షూటింగ్స్ కు హాజరు అవుతూనే మరో వైపు చెన్నైలోని సత్యభామ యూనివర్శిటీలో జరిగిన కార్యక్రమానికి హాజరు అయ్యింది. చాలా కాలం తర్వాత తన హోం టౌన్ లో సమంత సందడి చేయడం, ఆమె ఫేస్ లో సంతోషం కనిపించడం గమనించవచ్చు. ఆ కార్యక్రమంలో సమంత అప్పియరెన్స్ కు ఫ్యాన్స్ తో పాటు ప్రతి ఒక్కరు కూడా ఫిదా అవుతున్నారు.

సమంత ను మళ్లీ ఇంత అందంగా చూడటం చాలా సంతోషంగా ఉందని నెటిజన్స్ కామెంట్స్ చేస్తున్నారు. సింపుల్‌ అండ్ స్వీట్‌ ఔట్‌ ఫిట్ లో అందాల ఆరబోత చేయకున్నా కూడా కంటికి ఇంపుగా అన్నట్లుగా సమంత లుక్ ఉందని, సమంత ఫేస్ లో మునుపటి కళ కనిపిస్తోందని ఫ్యాన్స్‌ అభిప్రాయం వ్యక్తం చేస్తున్నారు.

గత ఏడాది ఖుషి సినిమా తో తెలుగు ప్రేక్షకుల ముందుకు వచ్చిన సమంత మళ్లీ ఏ తెలుగు సినిమా తో వస్తుందా అంటూ అంతా ఆసక్తిగా ఎదురు చూస్తున్నారు. ఈ ఏడాదిలో ఆమె నటించిన సిటాడెల్ వెబ్‌ సిరీస్‌ తో పాటు ఒక హిందీ సినిమా విడుదల అయ్యే అవకాశాలు ఉన్నాయి. తెలుగు సినిమాల విషయమై అధికారికంగా క్లారిటీ రావాల్సి ఉంది.