'పూజా' ఫ్యాన్ బాయ్ మూమెంట్.. అప్పుడు సెల్ఫీ.. ఇప్పుడు డ్యాన్స్..

హీరోయిన్ పూజా హెగ్డే గురించి అందరికీ తెలిసిందే. ఇండస్ట్రీలోకి వచ్చిన తక్కువ టైమ్ లోనే ఎక్కువ పాపులారిటీ సంపాదించుకుంది అమ్మడు. వేరే లెవెల్ లో ఫ్యాన్ బేస్ సొంతం చేసుకున్న పూజ.. కొంతకాలం పాటు వన్‌ ఆఫ్‌ ది లీడింగ్‌ హీరోయిన్‌ గా కొనసాగిందనే చెప్పాలి. తెలుగు, తమిళం, హిందీ భాషల్లో స్టార్ హీరోలతో నటించి మెప్పించింది.

అయితే కొంత కాలంగా హిట్ కోసం వెయిట్ చేస్తున్న ముద్దుగుమ్మ.. ఇప్పుడు బ్యాక్ టు బ్యాక్ ప్రాజెక్టులను లైన్ లో పెట్టింది. వరుస షూటింగ్స్ లో పాల్గొంటున్న అమ్మడు.. బిజీగా ఉందని చెప్పాలి. 2025లో వరుస చిత్రాలతో ప్రేక్షకుల ముందుకు రానున్న పూజా హెగ్డే.. ప్రస్తుతం మాత్రం క్షణం తీరిక లేకుండా గడుపుతోంది.

అదే సమయంలో ఇప్పుడు సోషల్ మీడియాలో పూజా హెగ్డే ఫ్యాన్ బాయ్ మూమెంట్ వైరల్ గా మారింది. ఆమె ఫ్యాన్, యూట్యూబర్, డ్యాన్సర్ సమర్పణ్.. క్రేజీ పిక్స్ ను పోస్ట్ చేశారు. పూజతో దిగిన పిక్స్ తో పాటు డ్యాన్స్ చేస్తున్న పిక్స్ ను షేర్ చేశారు. ప్రస్తుతం నెట్టింట్లో తెగ చక్కర్లు కొడుతున్నాయి. అందిరినీ అట్రాక్ట్ చేస్తున్నాయి.

పూజా హెగ్డేతో సెల్ఫీ కోసం వెయిట్ చేయడం నుంచి ఆమెతో వేదిక పంచుకోవడం వరకు.. ఎంత అద్భుతమైన ప్రయాణం అంటూ రాసుకొచ్చారు. అంటే.. ఆమె పూజకు ఎంత మంచి ఫ్యానో అందరికీ అర్థమవుతుంది. దీంతో ఫ్యాన్ బాయ్ మూమెంట్ అంటూ నెటిజన్లు కామెంట్లు పెడుతున్నారు. లక్కీ బాయ్ అంటూ సందడి చేస్తున్నారు.

ఇక పూజ మూవీస్ విషయానికొస్తే.. ప్రస్తుతం ఆమె బాలీవుడ్ లో దేవా సినిమా చేస్తోంది. బాలీవుడ్ యాక్టర్ షాహిద్ కపూర్ హీరోగా నటిస్తుండగా.. బిగ్ బీ అమితాబ్ బ‌చ్చ‌న్ దేవా సినిమా స్పూర్తితో మ‌ల‌యాళ దర్శ‌కుడు రోష‌న్ ఆండ్రోస్ తెరెక్కిస్తున్నారు. దీంతోపాటు సూర్యతో పూజ రెట్రో మూవీ చేస్తుండగా.. ఇటీవల లుక్స్ రిలీజైంది.

మేలో ఆ సినిమా రిలీజ్ కానుండగా.. కాంచన-4లో పూజ యాక్ట్ చేయనున్నట్లు ఎప్పటి నుంచో టాక్ వినిపిస్తోంది. దళపతి విజయ్ జన నాయగన్ లో నటిస్తున్న పూజ.. తెలుగులో ఐకాన్ స్టార్ అల్లు అర్జున్ తో మరోసారి జత కట్టనున్నట్లు కొద్ది రోజులుగా ఊహాగానాలు చక్కర్లు కొడుతున్నాయి. మరి తన అప్ కమింగ్ మూవీస్ తో పూజా హెగ్డే ఎలాంటి విజయాలు అందుకుంటుందో వేచి చూడాలి.