'మిస్ శెట్టి మిస్టర్ పోలిశెట్టి' పై సమంత కామెంట్స్‌

నవీన్ పొలిశెట్టి, అనుష్క శెట్టి జంటగా నటించి తాజాగా ప్రేక్షకుల ముందుకు వచ్చింది ఫ్యామిలీ ఎంటర్టైనర్ 'మిస్ శెట్టి మిస్టర్ పోలిశెట్టి'. ఈ సినిమాకు ఆడియన్స్ తో పాటు సెలబ్రిటీల అప్రిసియేషన్ దక్కుతున్నాయి. ఈ సినిమా ఇప్పటికే మెగాస్టార్ చిరంజీవి, దర్శకధీరుడు ఎస్ఎస్ రాజమౌళి, స్టార్ డైరెక్టర్ మారుతి మెప్పు పొందిన విషయం తెల్సిందే.

తాజాగా స్టార్ హీరోయిన్ సమంత 'మిస్ శెట్టి మిస్టర్ పోలిశెట్టి' సినిమా పై ప్రశంసలు కురిపించింది. 'మిస్ శెట్టి మిస్టర్ పోలిశెట్టి' సినిమా చూశాక స్టార్ హీరోయిన్ సమంత ఇన్ స్టాగ్రామ్ ద్వారా స్పందిస్తూ... ఇటీవల కాలంలో ఏ సినిమా నన్ను ఇంతగా నవ్వించలేదు అన్నారు.

సమంత ఇంకా స్పందిస్తూ... అనుష్క ఛార్మింగ్ గా కనిపించింది, నవీన్ పోలిశెట్టి సూపర్బ్ పర్ఫార్మెన్స్ చేశాడు. 'మిస్ శెట్టి మిస్టర్ పోలిశెట్టి' టీమ్ అందరికీ కంగ్రాట్స్ అంది. రీసెంట్ గా రిలీజైన 'మిస్ శెట్టి మిస్టర్ పోలిశెట్టి' సినిమా అన్ని వర్గాల ప్రేక్షకులను ఆకట్టుకుని సూపర్ హిట్ టాక్ తెచ్చుకుంది.

ఈ పాజిటివ్ టాక్ కు తగినట్లు మంచి వసూళ్లు దక్కించుకుంటోంది. యూఎస్ లో 550 కె డాలర్స్ మార్క్ చేరుకున్న 'మిస్ శెట్టి మిస్టర్ పోలిశెట్టి' వన్ మిలియన్ మైల్ స్టోన్ వైపు దూసుకెళుతోంది. రొమాంటిక్ ఫ్యామిలీ ఎంట‌ర్‌టైన‌ర్ కథతో 'మిస్ శెట్టి మిస్టర్ పోలిశెట్టి' చిత్రాన్ని ప్ర‌ముఖ నిర్మాణ సంస్థ యువీ క్రియేష‌న్స్ బ్యాన‌ర్‌పై వంశీ, ప్ర‌మోద్‌ నిర్మాణంలో దర్శకుడు మ‌హేష్ బాబు.పి తెరకెక్కించారు.