వైల్డ్ లైఫ్ సఫారీలో సమ్యుక్త.. సింప్లిసిటీలో అందాల రాణి!

సౌత్ సినిమా పరిశ్రమలో తనకంటూ ప్రత్యేక గుర్తింపు తెచ్చుకుంటున్న అందాల తార సమ్యుక్త మీనన్, ప్రస్తుతం వైల్డ్ లైఫ్ సఫారీలో విహరిస్తూ తీసుకున్న కొన్ని ఫోటోలను తన ఇన్‌స్టాగ్రామ్‌లో షేర్ చేసింది. "Into the Wild" అంటూ యాలా నేషనల్ పార్క్ నుండి ఈ ఫోటోలను పోస్ట్ చేయడం ద్వారా, ఆమె ప్రకృతి ప్రేమను వ్యక్తపరిచింది. పచ్చని చెట్లు, నీటితో నిండిన సరస్సు, మరియు వైల్డ్ లైఫ్ సౌందర్యాలను ఆస్వాదిస్తూ ఆమె తన ప్రయాణాన్ని ఫ్యాన్స్‌తో పంచుకున్నారు.

ఈ ఫోటోల్లో ఆమె నేచురల్ లుక్‌తో, సింపుల్ మేకప్‌లో ఎంతో అందంగా కనిపిస్తోంది. సమ్యుక్త మీనన్ కెరీర్‌ గురించి మాట్లాడుకుంటే, ఆమె అతి తక్కువ కాలంలోనే సౌత్ ఇండస్ట్రీలో ప్రత్యేక స్థానాన్ని సంపాదించుకుంది. ఆమె నటనలో వైవిధ్యాన్ని చూపుతూ, ప్రతి పాత్రలో ప్రత్యేకతను చూపిస్తూ ముందుకు సాగుతోంది. ప్రస్తుతం లేడీ ఓరియెంటెడ్ చిత్రంలో ప్రధాన పాత్రలో నటించేందుకు సిద్ధమైంది.

హాస్య మూవీస్ పతాకంపై రాజేష్ దండా నిర్మాణంలో రూపొందుతున్న ఈ చిత్రంలో సమ్యుక్త ప్రధాన పాత్ర పోషిస్తుంది. ఈ ప్రాజెక్ట్‌ 2024 వేసవిలో విడుదల కానుంది. ఇక గ్లామర్ పాత్రల్లో మాత్రమే కాకుండా, నటనకు ఆస్కారం ఉన్న పాత్రలతో ప్రేక్షకులను అలరించే ప్రయత్నంలో ఉంది. బెల్లంకొండ సాయి శ్రీనివాస్ హీరోగా నటిస్తున్న చిత్రంలో కూడా ఆమెకు మంచి పాత్ర లభించింది.

అదేవిధంగా, లారెన్స్‌తో చేస్తున్న మరొక చిత్రంలో కూడా సమ్యుక్త అద్భుతమైన పాత్రలో కనిపించనుంది. ఈ రెండు సినిమాల్లోనూ సమ్యుక్త గ్లామర్ మరియు నటనా ప్రతిభతో ప్రేక్షకులను ఆకట్టుకోవడం ఖాయం అని సినీ వర్గాలు భావిస్తున్నాయి. తన వైల్డ్ లైఫ్ సఫారీ అనుభవాలను పంచుకుంటూ ఇన్‌స్టాలో చేసిన ఈ పోస్ట్‌లు సోషల్ మీడియాలో వైరల్ అయ్యాయి. ఈ ఫోటోలు చూసిన అభిమానులు ఆమె సింప్లిసిటీకి, ప్రకృతి ప్రేమకు ఫిదా అవుతున్నారు. ప్రతి ఫోటోలో ఆమె చిరునవ్వుతో ప్రకృతిలో నిండుగా మమేకం అవుతూ కనిపిస్తోంది.