డిసెంబ‌ర్ నుంచే స్పిరిట్!
`స్పిరిట్` చిత్రం ఎప్పుడు ప్రారంభ‌మ‌వుతుందా? అని అభిమానులు ఎంతో ఆస‌క్తిగా ఎదురుచూస్తోన్న సంగ‌తి తెలిసిందే.
By: Tupaki Desk | 7 Nov 2024 9:30 AM GMT
`స్పిరిట్` చిత్రం ఎప్పుడు ప్రారంభ‌మ‌వుతుందా? అని అభిమానులు ఎంతో ఆస‌క్తిగా ఎదురుచూస్తోన్న సంగ‌తి తెలిసిందే. `యానిమ‌ల్` రిలీజ్ త‌ర్వాత సందీప్ రెడ్డి వంగ డార్లింగ్ తో ఎప్పుడు సెట్స్ కి వెళ్తాడు? అని కొన్ని నెలు లుగా ఎదురు చూస్తున్నారు. తొలుత ప్లానింగ్ లోనే చిత్రాల‌ను ప్ర‌భాస్ పట్టాలెక్కించ‌డం చూసి స్పిరిట్ ఉందా? లేదా? అన్న సందేహాలు సైతం తెర‌పైకి వ‌చ్చాయి. `యానిమ‌ల్` రిలీజ్ అనంత‌రం మాత్రం న‌వంబ‌ర్ లో సెట్స్ కి వెళ్తామ‌ని ఓ సంద‌ర్భంలో సందీప్ తెలిపాడు.
కానీ అది ఇంకా జ‌ర‌గ‌లేదు. ఈ నేప‌థ్యంలో తాజాగా `స్పిరిట్` నిర్మాత‌ల నుంచి అధికారిక స‌మాచారం వ‌చ్చేసింది. సినిమా ఎప్పుడు ప్రారంభమ‌వుతుంద‌న్న‌ది నిర్మాత భూష‌ణ్ కుమార్ రివీల్ చేసారు. డిసెంబ‌ర్ నెల‌ఖ‌రనుంచి సినిమా షూటింగ్ ప్రారంభ‌మ‌వుతుంద‌ని వెల్ల‌డించారు. ప్ర‌స్తుతం న‌టీన‌టుల ఎంపిక ప‌నులు జ‌రుగుతున్న‌ట్లు తెలిపారు. ఇంకా సినిమాలో హీరోయిన్ ఎవ‌రు? అన్న‌ది ఫిక్స్ అవ్వ‌లేదు. అది పూర్తిగా సందీప్ వంగ చేతుల్లోనే ఉంది.
హీరోయిన్ల విష‌యంలో ప్ర‌భాస్ క‌ల్పించుకోరు. ద‌ర్శ‌కుడు ఏ హీరోయిన్ ఫైన‌ల్ చేస్తే వారితో క‌లిసి న‌టిస్తాడు. మ‌రి డార్లింగ్ కోసం ఏ రేంజ్ హీరోయిన్ ని దించుతాడు? అన్న‌ది తెలియాలి. తొలి సినిమా అర్జున్ రెడ్డిలో షాలిని పాండేని.. .అదే సినిమాని బాలీవుడ్ లో రీమేక్ చేసి కియారా అద్వాణీ...యానిమ‌ల్ తో ర‌ష్మిక మంద‌న్నా, త్రిప్తీ డిమ్రీని నేష‌న‌ల్ లెవ‌ల్ కి తీసుకెళ్లాడు. మ‌రి ఇప్పుడు ఏకంగా పాన్ ఇండియా హీరో ప్ర‌భాస్ తోనే సినిమా కాబ‌ట్టి! ఎలాంటి హీరోయిన్ ని తీసుకుంటాడో చూడాలి.
అయితే సందీప్ వంగ హీరోయిన్ల ఎంపిక విష‌యంలో అత‌డు ఎలాంటి స్టార్ డ‌మ్ చూడ‌డు. ఆ పాత్ర‌కు..త‌న కంటికి న‌చ్చిదంటే ల‌క్ చేసే చేసేస్తాడు. త‌న సినిమాలో హీరోయిన్ల‌కు స్టార్ డ‌మ్ అవ‌స‌రం లేద‌ని..అలాంటి చూడ‌కుం డానే వాళ్ల‌ను ఎంపిక‌చేస్తాన‌ని చెప్పిన సంగ‌తి తెలిసిందే. ఇప్ప‌టికే ప్ర‌భాస్ `రాజాసాబ్`, `పౌజీ` , `స‌లార్ -2` చిత్రాల్ని ప్రారంభించారు.
