సందీప్ రెడ్డి క‌న్ను ఆయ‌న మీద ప‌డిందే

'క‌బీర్ సింగ్` తో స‌క్సెస్ అందుకుని బాలీవుడ్ లో గ్రేట్ లాంచింగ్ ఇచ్చాడు సందీప్ రెడ్డి వంగ‌. తొలి సినిమా విజ‌యంతోనే బాలీవుడ్ దృష్టిని ఆక‌ర్షించాడు. ఆ వెంట‌నే ర‌ణ‌బీర్ క‌పూర్ ని లైన్ లోకి తెచ్చి `యానిమ‌ల్` చిత్రాన్ని ప‌ట్టాలెక్కించాడు. ఈ సినిమాపై ఎలాంటి అంచ‌నాలున్నాయో తెలిసిందే. ట్రైల‌ర్ తో సినిమాపై అంచ‌నాలు పీక్స్ కి తీసుకెళ్లాడు. అనీల్ క‌పూర్ లాంటి సీనియ‌ర్ మేక‌ర్ల‌ని సైతం రంగంలోకి దించి చేసిన సినిమా ఇది.

'యానిమ‌ల్` తోనూ భారీ హిట్ అందుకుంటాని బాలీవుడ్..టాలీవుడ్ ధిమాగా ఉంది. అటుపై ప్ర‌భాస్ తెర‌కెక్కించ‌నున్న `స్పిరిట్` ప‌నుల్లో బిజీ అవుతాడు. ఇంకా సందీప్ తో పనిచేయ‌డానికి మ‌హేష్.. తార‌క్.. చ‌ర‌ణ్ లాంటి స్టార్లు క్యూలో ఉన్నారు. ఓ ఇంట‌ర్వ్యూలో సైతం తెలుగు స్టార్ హీరోలంద‌రితో క‌లిసి ప‌ని చేయాలి అన్న కోర్కెను వ్య‌క్తం చేసారు. కానీ సందీప్ మ‌న‌సులో బ‌లంగా ఉన్న స్టార్ మాత్రం మ‌రో ఖాన్ హీరోన‌ని తెలుస్తోంది.

అత‌నే షారుక్ ఖాన్. ఖాన్ సాబ్ తోనే చిత్రం చేయ‌డానికి సంప్ర‌దింపులు నెరుపుతున్న‌ట్లు తెలుస్తుంది. ఈ విష‌యాన్ని సందీప్ రెడ్డి స్వ‌యంగా వెల్ల‌డించాడు. షారుక్ తో సినిమా చేయ‌డానికి నేను ఎంతో ఆస‌క్తిగా ఉన్నాను. చ‌ర్చ‌లు జ‌రుగుతున్నాయి. కానీ ఇంకా ఏదీ డిసైడ్ కాలేద‌ని మ‌న‌సులో మాట‌ని బ‌య‌ట పెట్టాడు. దీంతో షారుక్ అభిమానుల్లో అప్పుడే ఉత్సాహం మొద‌లైపోయింది.

సందీప్ లాంటి మేక‌ర్ కి షారుక్ ఖాన్ లాంటి గ్రేట్ పెర్పార్మ‌ర్ దొరికితే ఇక విధ్వ‌స‌మే సృష్టిస్తారంటూ కామెంట్లు పోస్ట్ చేస్తున్నారు. ఈ నేప‌థ్యంలో రాబోయే ఆరు నెల‌ల స‌మ‌యం కీల‌క‌మని తెలుస్తోంది. `యానిమ‌ల్` త‌ర్వాత సందీప్ పూర్తిగా `స్పిరిట్` ప‌నుల్లో బిజీ అవుతాడు. ఈగ్యాప్ లో ప్ర‌భాస్ `ప్రాజెక్ట్ -కె`...మారుతి సినిమా షూటింగ్ లు పూర్తిచేసి సిద్దంగా ఉంటాడు. ఆ వెంట‌నే సందీప్ ప్రాజెక్ట్ ని ప‌ట్టాలెక్కిస్తారు. కుదిరితే ఈ గ్యాప్ లోనే షారుక్ ఖాన్ ని లాక్ చేసినా చేసేయోచ్చు.