నానితో కలవబోతున్న వంగా.. ఇద్దరికి మంచి శకునమే..

ఇక చాలా రోజుల తర్వాత మళ్లీ టాలీవుడ్ బాక్స్ ఆఫీస్ వద్ద అసలైన సందడి మొదలు కాబోతోంది. డిసెంబర్ 1 నుంచి నాన్ స్టాప్ గా మంచి ఎంటర్టైన్మెంట్ అందించే సినిమాలు రాబోతున్నా యి. దాదాపు అన్ని సినిమాలపై కూడా పాజిటివ్ వైబ్రేషన్స్ అయితే క్రియేట్ అవుతున్నాయి. ఇక ఏ సినిమా ఎలాంటి రికార్డును క్రియేట్ చేస్తుంది అనేది ఇప్పుడు ఆసక్తిగా మారింది.

డిసెంబరు ఒకటవ తేదీన సందీప్ రెడ్డి వంగా డైరెక్ట్ చేసిన యానిమల్ సినిమా విడుదల కానుంది. ఈ సినిమాలో బాలీవుడ్ టాలెంటెడ్ హీరో రణబీర్ కపూర్ హీరోగా నటించగా అనిల్ కపూర్ తండ్రి పాత్రలో కనిపించనున్నారు. అయితే ఈ సినిమా ప్రమోషన్స్ కు మంచి హైప్ క్రియేట్ చేస్తున్నారు. ఇక మరొకవైపు ఈ సినిమా వచ్చిన వారం తర్వాత అంటే డిసెంబర్ 7వ తేదీన హాయ్ నాన్న సినిమా కూడా గ్రాండ్గా విడుదల కాబోతోంది.

దసరా తర్వాత నాని నుంచి వస్తున్న ఈ సినిమాపై కూడా అంచనాలు గట్టిగానే ఉన్నాయి. ఇప్పటికే ఈ సినిమా కూడా ట్రైలర్తో మంచి బజ్ క్రియేట్ చేసుకుంది. ఇక ఇప్పుడు ఈ రెండు సినిమాల ప్రమోషన్స్ లో భాగంగా నాని దర్శకుడు వంగా తో కలిసి ప్రమోషన్స్ చేసుకోవడం విశేషం. గతంలో నాని, రవితేజతో కూడా ఇదే తరహాలో ప్రమోషన్స్ చేసిన విషయం తెలిసిందే.

మార్చి 30వ తేదీన నాని దసరా విడుదల కాగా వారం తర్వాత ఏప్రిల్ 7వ తేదీన రవితేజ నటించిన రావణాసుర సినిమా వచ్చింది. ఇక ఈ రెండు సినిమాల కోసం రవితేజ నాని ఇద్దరు కూడా కలిసి ఒక ఇంటర్వ్యూలో పాల్గొన్నారు. ఇక ఇప్పుడు నాని యానిమాల్ దర్శకుడు సందీప్ రెడ్డి వంగా తో కలిసి మరొక ఇంటర్వ్యూ చేయబోతున్నాడు. వీరి రెండు సినిమాలకు కూడా ఇది మంచి శకునం లాంటివి అని చెప్పవచ్చు.

రెండు కూడా చాలా డిఫరెంట్ ఎమోషన్స్ రాబోతున్నాయి. కానీ కామన్ పాయింట్ మాత్రం తండ్రి సెంటిమెంట్ హై లెవెల్లో ఉండబోతోంది. హాయ్ నాన్న సినిమాలో కూతురు సెంటిమెంట్ తో రాబోతుండగా యానిమల్ సినిమాలో హీరో తండ్రి మధ్యలో ఏమోషన్ తో రానుంది. రెండు కూడా వేటికవే విభిన్నమైన సినిమాలు. ఇక ఇలాంటి సినిమాలకు కలిసి ప్రమోషన్స్ చేసుకోవడం సినిమా ప్రపంచంలో చాలామందికి స్ఫూర్తిగా నిలుస్తుందని చెప్పవచ్చు.