ప్రభాస్ బన్నీ ఎవరు ముందు.. ఎవరు తర్వాత..?

అర్జున్ రెడ్డి సినిమాతో ఫస్ట్ మూవీతోనే తన డైరెక్షన్ టాలెంట్ చూపించిన సందీప్ వంగ అదే సినిమాను హిందీలో కూడా రీమేక్ చేసి సూపర్ హిట్ అందుకున్నాడు. ఈ సినిమా తర్వాత రణ్ బీర్ కపూర్ తో యానిమల్ సినిమా చేస్తున్నాడు. సినిమా నుంచి రీసెంట్ గా వచ్చిన టీజర్ అంచనాలు పెంచగా ఈ సినిమాను డిసెంబర్ లో రిలీజ్ ప్లాన్ చేశారు. యానిమల్ హిట్ పడితే మాత్రం సందీప్ రేంజ్ మరింత పెరిగే ఛాన్స్ ఉంది. ఇక ఈ సినిమా తర్వాత సందీప్ వంగా ప్రభాస్ తో స్పిరిట్, అల్లు అర్జున్ తో ఒక సినిమా ఫిక్స్ చేసుకున్నారు.

ప్రభాస్ స్పిరిట్ సెట్స్ మీదకు ఎప్పుడు వెళ్తుంది అన్నది తెలియాల్సి ఉంది. అయితే లేటెస్ట్ ఇన్ఫర్మేషన్ ప్రకారం ప్రభాస్ స్పిరిట్ కన్నా అల్లు అర్జున్ తోనే సందీప్ వంగ సినిమా ఉంటుందని తెలుస్తుంది. పుష్ప 2 తర్వాత అల్లు అర్జున్ చేసే సినిమా అదే అవుతుందని అంటున్నారు. ఓ పక్క ప్రభాస్ కూడా కల్కి, మారుతి సినిమా పూర్తి చేశాక ఖాళీ అవుతున్నాడు. అయితే దిల్ రాజు బ్యానర్ లో ప్రభాస్ సినిమా ఉంటుందని టాక్. ఆ సినిమా డైరెక్టర్ ప్రశాంత్ నీల్ అని చెబుతున్నారు. అయితే సలార్ 1 తర్వాత సలార్ 2 కి ప్రభాస్ డేట్స్ ఇవ్వాల్సి ఉంది.

సో ఈ లెక్కలు అన్నీ చూస్తే ప్రభాస్ కన్నా సందీప్ వంగా తో అల్లు అర్జునే సినిమా చేసేలా ఉన్నాడని తెలుస్తుంది. ప్రభాస్ తో స్పిరిట్ ముందే అనౌన్స్ చేసినా పుష్ప 2 పూర్తి కాగానే అల్లు అర్జున్ తో సందీప్ సినిమా సెట్స్ మీదకు తీసుకెళ్లే ప్లాన్ చేస్తున్నారు. సందీప్ వంగ అల్లు అర్జున్ కాంబో సినిమా ఓ రేంజ్ లో ఉండబోతుందని అంటున్నారు. అర్జున్ రెడ్డి సినిమా కథ రాసుకున్నప్పుడు ముందు సందీప్ వంగా అల్లు అర్జున్ నే హీరోగా అనుకున్నాడట. కానీ ఆ టైం లో బన్నీ రిస్క్ ఎందుకని ఆ సినిమా లైట్ తీసుకున్నాడు.

ఇక అర్జున్ రెడ్డి సినిమా విజయ్ దేవరకొండ ఇమేజ్ ని ఎలా సెట్ చేసిందో తెలిసిందే. విజయ్ దేవరకొండతో పాటుగా డైరెక్టర్ గా సందీప్ వంగ సినిమా టాలెంట్ కూడా అందరికీ తెలిసింది. ఇప్పుడు యానిమల్ తో మరోసారి తన సత్తా చాటాలని అనుకుంటున్నాడు సందీప్. ప్రభాస్, అల్లు అర్జున్ లతో పాటుగా మహేష్, ఎన్.టి.ఆర్ లాంటి స్టార్స్ తో కూడా సినిమా ప్లానింగ్ లో ఉన్నాడు సందీప్ వంగ. టాలీవుడ్ స్టార్ డైరెక్టర్స్ లో పాన్ ఇండియా లెవెల్ లో సత్తా చూపే డైరెక్టర్ గా సందీప్ వంగ పేరు ఉంటుందని అందరు చెప్పుకుంటున్నారు.