సందీప్ రెడ్డి.. ఏంటో ఈ కిరికిరి!

అర్జున్ రెడ్డి సినిమాతో సందీప్ రెడ్డి సూపర్ హిట్ సొంతం చేసుకోవడమే కాకుండా కావాల్సినన్ని వివాదాలు కూడా కొని తెచ్చుకున్నాడు. ఆ సినిమాలో హీరోయిజం ఎలివేట్ చేసే ప్రయత్నంలో హీరోయిన్ ని చాలా తక్కువ చేసి అవమానకర రీతిలో చూపించారని మహిళా సంఘాలు, రాజకీయ నాయకులు విమర్శలు చేశారు. వివాదం సృష్టించారు.

అయితే ఆ వివాదం కూడా మూవీ ప్రమోషన్స్ కి ఉపయోగపడింది. సినిమా సక్సెస్ అయిన తర్వాత ఇలాంటి వివాదాస్పద అంశాల గురించి ప్రజలు ఎవరూ పట్టించుకోరు. కథలో దమ్ముంటే రొమాంటిక్ ఇంటిమేట్ సన్నివేశాలు ఉన్న చూస్తారని అర్జున్ రెడ్డితో సందీప్ రెడ్డి వంగా ప్రూవ్ చేశాడు. ఇప్పుడు మరల యానిమల్ చిత్రంతో కూడా అలాగే చెప్పాలని అనుకుంటున్నాడు.

రీసెంట్ గా యానిమల్ నుంచి ఫస్ట్ సింగిల్ రిలీజ్ అయ్యింది. ఈ సాంగ్ లో చాలా సార్లు రణబీర్ కపూర్, రష్మిక మందన ముద్దులు పెట్టుకుంటారు. ముద్దులు ద్వారానే పాటలోనే లవ్ ఎమోషన్ ని సందీప్ రెడ్డి ఆవిష్కరించారు. ఈ శృతి మించిన ముద్దు సన్నివేశాలపై ఒక వర్గం వారు అప్పుడే విమర్శలు స్టార్ట్ చేశారు. ఇందులో మరో సీక్వెన్స్ ని కూడా ట్రోల్ చేస్తున్నారు.

చాపర్ లో రణబీర్ కపూర్ కేవలం టవల్ కట్టుకొని, బ్రష్ చేస్తూ డ్రైవ్ చేస్తాడు.అదే సమయంలో రష్మికని చీరలో ఆవిష్కరించాడు. ఆమె రాగానే చాపర్ డ్రైవ్ చేయడం ఆపేసి రణబీర్ కపూర్ రష్మికని కిస్ చేసే ప్రయత్నం చేస్తాడు. తరువాత రష్మిక భయం భయంగా చాపర్ నడుపుతుంది. రణబీర్ కపూర్ టవల్ తో వెనుక నుంచి రష్మిక మీద చేతులు వేసి డ్రైవ్ చేయడం నేర్పిస్తాడు. ఈ సీక్వెన్స్ పై నెటిజన్లు విపరీతంగా ట్రోల్ చేస్తున్నారు. ఎవరైన టవల్ కట్టుకొని చాపర్ డ్రైవ్ చేస్తారా. ఆ సీన్ లో సందీప్ రెడ్డి చూపించాలనుకున్న ఎమోషన్ బట్టలు వేసుకొని కూడా చూపించొచ్చు కదా అంటూ కామెంట్స్ చేస్తున్నారు. ట్రోలింగ్ కారణంగా ఈ సాంగ్ ఇప్పుడు వైరల్ అవుతోంది.