హీరోలంతా వంగా వెంట ప‌డుతుంటే అత‌ను మాత్రం ఇలా!

తెలుగు ద‌ర్శ‌కుడు సందీప్ రెడ్డి వంగా పేరిప్పుడు పాన్ ఇండియాలో ఏ రేంజ్ లో మారుమ్రోగుతుందో చెప్పాల్సిన ప‌నిలేదు. 'యానిమ‌ల్' సంచ‌ల‌నంతో సందీప్ ఇమేజ్ అంత‌కంత‌కు రెట్టింపు అయింది. దీంతో బాలీవుడ్ యంగ్ హీరోలంతా సందీప్ తో సినిమా చేయ‌డానికి క్యూలో ఉన్నారు. సీనియ‌ర్ హీరోలైన స‌ల్మాన్ ఖాన్ సైతం సందీప్ తో సినిమా చేయ‌డానికి ఆస‌క్తిగా ఉన్న‌ట్లు ఇటీవ‌ల ప్ర‌చారంలోకి కూడా వ‌చ్చింది.

ఇక తెలుగు హీరోల జాబితా చూస్తే చాలా పెద్ద‌దే ఉంది. ఇప్ప‌టికే అర‌డ‌జ‌ను హీరోలు సందీప్ కోసం క్యూలో ఉన్నారు. మ‌హేష్.. బ‌న్నీ..రామ్ చ‌ర‌ణ్‌..ఎన్టీఆర్ ఇలా బిగ్ స్టార్స్ అంతా అత‌ని కోసం ఎదురు చూస్తు న్నారు. మ‌రి సందీప్ మ‌న‌సులో ఉన్న హీరో ఎవ‌రు? అంటే షారుక్ ఖాన్ అని తెలుస్తోంది. ఈ విష‌యాన్ని సందీప్ స్వ‌యంగా రివీల్ చేసాడు. ఓ ఇంట‌ర్వ్యూలో సందీప్ ..షారుక్ ఖాన్ తో ప‌నిచేయాల‌ని ఉంద‌ని ఓపెన్ అయ్యాడు.

కొంత కాలం క్రితం అనుకోకుండా షారుక్ ఖాన్ ని క‌లిసాను. 'యానిమ‌ల్' టీజ‌ర్ చూపించా. త‌న‌కెంతో న‌చ్చింద‌ని చెప్పారు. చాలా సంతోషంగా అనిపించింది. ఆయ‌నో గొప్ప న‌టుడు. భ‌విష్య‌త్ లో అత‌నితో త‌ప్ప‌కుండా ప‌నిచేస్తా. అలాగే ర‌ణ‌వీర్ సింగ్ తో కూడా సినిమా చేయాల‌ని ఉంది ' అని తెలిపాడు. ప్ర‌స్తుతం సందీప్ రెడ్డి పాన్ ఇండియాస్టార్ ప్ర‌భాస్ తో స్పిరిట్ చిత్రాన్ని తెర‌కెక్కించ‌డానికి స‌న్నాహాలు చేస్తున్నాడు.

ఇదే ఏడాది ఆ సినిమా ప్రారంభిచాల‌ని ప్లాన్ చేస్తున్నాడు. అయితే స‌ల్మాన్ ఖాన్ తో కూడా ఇటీవ‌ల స‌మావేశ‌మైన‌ట్లు ప్ర‌చారంలోకి వ‌చ్చింది. డార్లింగ్ కంటే ముందుగా స‌ల్మాన్ తో ఓ సినిమా చేస్తాడ‌ని ప్ర‌చారం సాగింది. కానీ అందులో వాస్త‌వం ఏంటో క్లారిటీ లేదు. ఇక స్పిరిట్ సినిమా నెక్స్ట్ లెవ‌ల్లో ఉంటుంద‌ని ఇప్ప‌టికే హింట్ ఇచ్చేసాడు సందీప్. ప్ర‌భాస్ ని ఇంత‌వ‌ర‌కూ ఏ ద‌ర్శ‌కుడు చూపించ‌ని విధంగా స‌రికొత్తాగా ఆవిష్క‌రిస్తున్న‌ట్లు తెలిపాడు. యానిమ‌ల్ విజ‌యం త‌ర్వాత ఆ కాంబినేష‌న్ పై అంచ‌నాలు అంత‌కంత‌కు పెరిగిపోతున్నాయి.