వాళ్లిద్ద‌రు హీరోలైతే సానియా మీర్జా హీరోయిన్!

సానియా మీర్జా హీరోయిన్ అవుతుందా? మ్యాక‌ప్ వేసుకుని మెప్పించాల‌నే ఆస‌క్తి ఆమె లో కూడా ఉందా? అంటే అవుననే సంకేతాలు అందుతున్నాయి. ఇటీవ‌లే సానియా మీర్జా బాలీవుడ్ లో క‌పిల్ శ‌ర్మ టాక్ షోకి హాజ‌రైంది. ఇందులో క‌పిల్ ఆస‌క్తిక‌ర ప్ర‌శ్న‌లు సంధించాడు. ప్రియాంక చోప్రా మేరీ కోమ్ బ‌యోపిక్ లో న‌టించింది. పీసీ క‌జిన్ పరిణితి చోప్రా సైనా నెహ్వాల్ క‌థ‌లో న‌టించింది. మ‌రి మీ బ‌యోపిక్ సంగ‌తేంటి అంటే? సానియా మీర్జా న‌వ్వుతూ దేశంలో మంచి న‌టులు ఉన్నారు. ఎవ‌రూ న‌టించినా అభ్యంత‌రం లేదు.

వాళ్లెవ్వ‌రు రాక‌పోతే నేను న‌టించేస్తా` అంది. ఇదే స‌మ‌యంలో `నువ్వు ప్రేమించే వ్య‌క్తి పాత్ర‌లో న‌టించాల‌ని ఉంద‌ని గ‌తంలో షారుక్ ఖాన్ చెప్పాడ‌ని గుర్తు చేసాడు. అలాగే ముందు నేను ఎవ‌రినైనా ప్రేమించాలి క‌దా అని బ‌ధులిచ్చింది. అక్ష‌య్ కుమార్..షారుక్ ఖాన్ లో ఎవ‌రో ఒక‌రు నా బ‌యోపిక్ లో న‌టిస్తే నేను కూడా న‌టిస్తాను. అందులోనూ నా పాత్ర‌లోనే నేనే క‌చ్చితంగా న‌టిస్తాను. దీంతో సానియా ఎంట్రీపై సోష‌ల్ మీడియాలో చ‌ర్చ మొద‌లైపోయింది.

సానియా మీర్జా స‌ర‌దాగా చెప్పినా మ‌న‌సులో ఆమెకి న‌టించాల‌నే ఆస‌క్తి బ‌లంగా ఉంద‌ని నెటి జ‌నులు కామెంట్లు పెడుతున్నారు. మ‌రి సానియా వాళ్లుకి కూడా ఓ క్లారిటీ ఇస్తే స‌రిపోతుంది. వెండి తెరపై ఎంతో మంది క్రీడాకారుల బ‌యోపిక్ లు తెరకెక్కాయి. కానీ హైద‌రాబాద్ టెన్నీస్ దిగ్గ‌జం సానియా మీర్జా జీవిత క‌థ మాత్రం ఇంకా తెర‌కె క్క‌లేదు. చాలా కాలంగా ఆమె బ‌యోపిక్ తెర‌కెక్కించే ప్ర‌య‌త్నాలు జ‌రుగుతున్నా య‌ని ప్ర‌చారం సాగిందిగానీ, అది ఇంత‌వ‌ర‌కూ జ‌ర‌గ‌లేదు.

బాలీవుడ్ తో పాటు టాలీవుడ్ ద‌ర్శ‌కులు కూడా ఆమె క‌థ‌ని తెర‌పైకి తెస్తున్నార‌ని కేవ‌లం ప్ర‌చారం వ‌ర‌కే ప‌రిమిత‌మైంది. మ‌రి ఈసారైనా నిజం చేస్తుందా? అన్న‌ది చూడాలి. సానియా మీర్జా-షోయ‌బ్ మాలిక్ ఇటీవ‌ల విడిపోయిన సంగ‌తి తెలిసిందే. షోయబ్ పాకిస్తాన్ సింగ‌ర్ ని మ‌రో వివాహం కూడా చేస్తున్నాడు.