సంజూతో 'డ‌బుల్ ఇస్మార్ట్' మేక‌ర్స్ 7 సినిమాలు?

పూరి జగన్నాధ్ దర్శకత్వం వహించిన `డబుల్ ఇస్మార్ట్`లో విలన్ పాత్ర‌తో సంజయ్ దత్ టాలీవుడ్ అరంగేట్రం చేస్తున్నారు. రామ్ పోతినేని ఈ చిత్రంలో క‌థానాయ‌కుడు. కావ్య థాప‌ర్ క‌థానాయిక‌. ముంబైలో జరిగిన ప్రీ-రిలీజ్ ఈవెంట్‌లో సంజూ భాయ్ ఎంతో ఉత్సాహంగా క‌నిపించారు. అంతేకాదు పూరి టీమ్‌పై సంజూ ఎంతో గొప్ప ప్రేమ‌ను క‌న‌బ‌రుస్తుండ‌డం ఆస‌క్తిని క‌లిగిస్తోంది. ఇదే వేదిక‌పై సంజ‌య్ దత్ తో క‌లిసి ఏడు ప్రాజెక్టుల‌కు ప‌ని చేస్తున్నామ‌ని ద‌ర్శ‌కుడు పూరి జ‌గ‌న్నాథ్ ధృవీకరించారు. ఇస్మార్ట్ శంకర్ కి సీక్వెల్ గా వస్తున్న `డబుల్ ఇస్మార్ట్` ఆగస్ట్ 15న విడుదల కానుంది.

కేజీఎఫ్ 2లో అధీరా పాత్ర‌లో అద్భుతంగా న‌టించిన సంజ‌య్ ద‌త్ ఆ త‌ర్వాత పూర్తిగా సౌత్ పై దృష్టి సారించారు. ఇప్పుడు టాలీవుడ్ లోను అడుగుపెడుతున్నారు. ఇక్క‌డ వ‌రుస‌గా సినిమాలు చేయ‌బోతున్నాడు. పూరి తాజా ప్ర‌క‌ట‌న‌తో సంజూ కెరీర్ రేంజ్ ఏ లెవ‌ల్లో ఉందో అర్థం చేసుకోవచ్చు. ఏడు ప్రాజెక్ట్‌ల కోసం సంజూతో కలిసి పనిచేయడానికి సైన్ అప్ చేశామ‌ని దర్శకుడు పూరి జగన్నాధ్ ముంబై వేదిక‌పై ప్ర‌క‌టించ‌డంతో ద‌త్ ఆస‌క్తి అర్థ‌మ‌వుతోంది.

డ‌బుల్ ఇస్మార్ట్ చిత్రంలో సంజయ్ దత్ బిగ్ బుల్ అనే విలన్ పాత్ర పోషిస్తున్నాడు. అత‌డిని ఢీకొట్టేవాడిగా రామ్ క‌నిపిస్తాడు. డబుల్ ఇస్మార్ట్ సూపర్ హిట్ చిత్రం `ఇస్మార్ట్ శంకర్`కి ప్రీక్వెల్ అని చెబుతున్నారు. రెండో భాగం క‌థాంశం చనిపోయిన అధికారి కేసులో పోలీసులు బంధించిన‌ హంతకుడి చుట్టూ తిరుగుతుంది. మెమ‌రీ చిప్ అనే ఎలిమెంట్ ని పూరి స‌మ‌ర్థంగా ఉప‌యోగించుకుంటున్నారు. సైన్స్ ఫిక్షన్ నేప‌థ్యంలో ఈ సినిమా క‌థాంశం ర‌క్తి క‌ట్టించ‌నుంద‌ని ట్రైల‌ర్ చెబుతోంది. రామ్ పోతినేని, సంజయ్ దత్, కావ్యా థాపర్, సాయాజీ షిండే, బని జె, గెటప్ శ్రీను, అలీ, మకరంద్ దేశ్ పాండే త‌దిత‌రులు న‌టించారు.