మ‌రో క్లాసిక్ స్టోరీ తో రాబోతున్నాడా?

క‌ళాత్మక చిత్రాల ద‌ర్శ‌కుడు సంజయ్ లీలా భ‌న్సాలీ నుంచి సినిమా రిలీజ్ అయి రెండేళ్లు స‌మీపిస్తుంది. `గంగూబాయి క‌తియావాడి` త‌ర్వాత భ‌న్సాలీ నుంచి మ‌రో సినిమా రాలేదు. ఎలాంటి సినిమా ప్ర‌క‌ట‌న కూడా రాలేదు. అప్పటి నుంచి రిలీజ్ వ‌ర‌కూ నెట్ ప్లిక్స్ సిరీస్ `హిరామండి`ప‌నుల్లోనే బిజీ అయ్యారు. ఈ నేప‌థ్యంలో కొత్త ఏడాదిలో మాత్రం భ‌న్సాలీ నుంచి సినిమా ప్ర‌క‌ట‌న రావ‌డం ఖాయంగా క‌నిపిస్తుంది.

ఆయ‌న నుంచి రాబోతున్న మ‌రో ప్ర‌తిష్టాత్మ‌క చిత్రం రాబోతుంద‌ని తాజాగా బాలీవుడ్ మీడియా క‌థ‌నాలు వెడెక్కిస్తున్నాయి. ఇప్ప‌టికే సంజ‌య్ లీలా భ‌న్సాలీ డ్రీమ్ ప్రాజెక్ట్ `ఇన్షా అల్లా` తెర‌పైకి వ‌చ్చిన సంగ‌తి తెలిసిందే. రొమాంటిక్ ల‌వ్ స్టోరీని సంజ‌య్ ఎంతో ప్ర‌తిష్టాత్మ‌కంగా తెర‌కెక్కించ‌డానికి రెడీ అవుతున్న‌ట్లు ప్ర‌చారం సాగుతోంది. అందులో షారుక్ ఖాన్ హీరోగానూ న‌టిస్తున్న‌ట్లు పెద్ద ఎత్తున ప్రచారం మొద‌లైంది.

స‌ల్మాన్ ఖాన్ స్థానంలో షారుక్ ని తీసుకున్న‌ట్లు...స‌ల్మాన్ కంటే..షారుక్ అయితే ఆ పాత్ర ఇంకా బ‌లంగా పండుతుంద‌ని...ఈ నేప‌థ్యంలో సంజ‌య్ నిర్ణ‌యాలు మారిన‌ట్లు నెట్టింట ప్ర‌చారం సాగుతోంది. అయితే ఈ విష‌యంపై ఇంకా ఎలాంటి క్లారిటీ లేదు. సంజ‌య్ లీలా భ‌న్సాలీ నుంచి `ఇన్షా అల్లా` గురించి స‌మా చారం అందుతోంది త‌ప్ప‌! ఈ ప్రాజెక్ట్ విష‌యాన్ని ఆయ‌న ఇంకా ధృవీక‌రించ‌లేదు. అలాగూ ఓ లేడీ ఓరియేంటెడ్ స్టోరీ సైతం ఆయ‌న సిద్దం చేసి రెడీగా ఉన్నార‌ని కొన్ని నెల‌ల క్రితం ప్ర‌చారంలోకి వ‌చ్చింది.

ఈ నేప‌థ్యంలో తాజాగా జ‌రుగుతోన్న ప్ర‌చారంలో సంజ‌య్ లీలా రాసుకున్న డ్రీమ్ ప్రాజెక్ట్ ని తెర‌పైకి తెస్తున్నారా? లేక కొత్త సినిమా ప్ర‌క‌ట‌న‌తో ముందుకు రానున్నారా? అన్న‌ది ఆస‌క్తిక‌రంగా మారింది. కొత్త సినిమా ఏదైనా ఆ క‌థ‌ని సిద్దం చేయ‌డానికి రెండేళ్లు స‌మ‌యం ప‌ట్టింద‌న్న‌ది మాత్రం వాస్త‌వం. `గంగూ బాయి క‌తియావాడి` రిలీజ్ అయి రెండేళ్లు సమీపిస్తోన్న సంగ‌తి తెలిసిందే.