'సంక్రాంతికి వస్తున్నాం'- నైజాం లెక్క ఎలా ఉందంటే..

విక్టరీ వెంకటేష్ హీరోగా, మీనాక్షి చౌదరి, ఐశ్వర్య రాజేష్ లు హీరోయిన్స్ గా నటించిన 'సంక్రాంతికి వస్తున్నాం' సినిమా సంక్రాంతి పండగను మరింత ప్రత్యేకంగా మార్చింది. అనిల్ రావిపూడి దర్శకత్వంలో రూపొందిన ఈ చిత్రం మొదటి ఆట నుంచే ఫ్యామిలీ ఆడియెన్స్‌ని థియేటర్లకు రప్పించడంలో విజయం సాధించింది. కుటుంబ ప్రేక్షకులను థియేటర్లకు ఆకర్షించడం చాలా కాలం తర్వాత చూడగలిగాం.

ఈ సినిమా ఫ్యామిలీ ఆడియెన్స్‌లో వెంకీ మామ స్థాయిని మరోసారి నిరూపించిందని చెప్పవచ్చు. పండగ సమయంలో భారీ సినిమాల మధ్య ఒక ఫ్యామిలీ ఎంటర్టైనర్ విజయం సాధించడం చాలా అరుదు. కానీ 'సంక్రాంతికి వస్తున్నాం' ఈ అపోహల్ని పూర్తిగా చెరిపేసింది. మొదటి ఆట నుంచే హౌస్ ఫుల్స్ సాధించిన ఈ చిత్రం, కుటుంబ ప్రేక్షకులకు సరైన వినోదాన్ని అందించింది.

ముఖ్యంగా నైజాం ఏరియాలో ఈ సినిమా సాధించిన వసూళ్లు ప్రత్యేకంగా చెప్పుకోదగినవిగా నిలిచాయి. నాలుగు రోజుల్లోనే 14.90 కోట్ల షేర్ (జీఎస్టీ మినహాయించి) వసూలు చేసి, డిస్ట్రిబ్యూటర్లకు మంచి లాభాలను అందించింది. సాధారణంగా సంక్రాంతి బరిలో ఫ్యామిలీ ఎంటర్టైనర్స్‌కు ఇంతటి స్థాయిలో వసూళ్లు రావడం చాలా అరుదు. కానీ ఈ చిత్రం ఆ ట్రెండ్‌ను బ్రేక్ చేసింది.

అదే సమయంలో, ట్రేడ్ వర్గాల ప్రకారం, వీకెండ్ రన్‌లో కూడా ఈ సినిమా అదే జోరును కొనసాగించనుంది. నాలుగో రోజునే 2.9 కోట్ల షేర్‌ను నైజాంలో సాధించడంతో, వసూళ్లలో ఈ సినిమా తనదైన ముద్ర వేస్తోంది. ప్రేక్షకుల స్పందన కూడా చిత్రానికి మరింత ఊతమిచ్చేలా ఉంది. ప్రతి సెంటర్ లో కూడా కుటుంబ ప్రేక్షకులు ఈ సినిమాను ఆదరిస్తున్నారు.

అనిల్ రావిపూడి దర్శకత్వం, వెంకటేశ్ నటన, కామెడీ ట్రాక్స్ మంచి డ్రామా కలగలిపిన కథ, సంగీతం ఈ చిత్ర విజయానికి ప్రధాన కారణాలని చెప్పవచ్చు. ఈ పండగ సమయంలో, అన్ని వర్గాల ప్రేక్షకుల హృదయాలను గెలుచుకోవడం ఈ చిత్రానికి పెద్ద ప్లస్ అయింది. మొత్తానికి, 'సంక్రాంతికి వస్తున్నాం' చిత్రం నైజాంలో ఒక ప్రత్యేకమైన విజయగాథగా నిలిచింది. వీకెండ్ రన్ తర్వాత ఈ సినిమా సాధించిన మొత్తం వసూళ్లు ట్రేడ్ వర్గాలను ఆశ్చర్యానికి గురి చేయడం ఖాయం. ఇప్పటికే టోటల్ బాక్సాఫీస్ లెక్క 130 కోట్లు దాటింది. చూస్తుంటే సినిమా 200 కోట్లా మార్క్ ను చేరడం పక్కా అని తెలుస్తోంది.