'సంక్రాంతికి వస్తున్నాం' మరో రికార్డ్.. 100 కోట్లు ప్రాఫిట్‌ అందుకున్న సినిమాలివే..

సంక్రాంతి పండుగను మరింత ప్రత్యేకంగా మార్చిన సినిమా సంక్రాంతికి వస్తున్నాం, వెంకటేష్ - అనిల్ రావిపూడి కాంబినేషన్‌లో వచ్చిన ఈ చిత్రం తెలుగు ప్రేక్షకులను ఫుల్ ఎంటర్టైన్మెంట్ అందిస్తోంది. సంక్రాంతి కానుకగా విడుదలైన ఈ సినిమా తొలిరోజు నుంచే సెన్సేషనల్ విజయాన్ని నమోదు చేసి, అన్ని ఏరియాల్లో రికార్డు వసూళ్లతో ముందుకు సాగుతోంది.

ఈ సినిమా బజ్ మొదట్లోనే భారీగా ఉండటంతో, సినిమా పాజిటివ్ టాక్‌తో మొదటి వారంలోనే బ్రేక్ ఈవెన్ చేరుకుంది. థియేటర్ల వద్ద ప్రేక్షకుల నుండి భారీ స్పందన పొందుతూ, రెండు వారాలు ఫినిష్ కాకముందే ప్రపంచవ్యాప్తంగా 260 కోట్ల గ్రాస్ వసూళ్లు సాధించింది. ఇక బుక్ మై షో డేటా ప్రకారం, గడచిన 24 గంటల్లో లక్షకు పైగా టిక్కెట్లు అమ్ముడవ్వడం సినిమాకు మరింత క్రేజ్‌ను చూపిస్తుంది. ఈ కలెక్షన్లు సినిమాకు 100 కోట్లకు పైగా ప్రాఫిట్‌ని అందించాయి.

సంక్రాంతికి వస్తున్నాం చిత్రం పండుగ సీజన్‌కి తగిన విధంగా కామెడీ, క్రైమ్, మాస్ ఎలిమెంట్స్‌తో ప్రేక్షకులను పూర్తిగా అలరించింది. మల్టీ జనరేషన్ ఆడియెన్స్‌కు కనెక్ట్ అయ్యేలా రూపొందించిన కథనం, ఆడిషనల్ రిపీట్ ఆడియెన్స్‌ను కూడా థియేటర్లకు రప్పించింది. ఈ విజయంతో సినిమాను ట్రిపుల్ బ్లాక్‌బస్టర్‌గా పేర్కొంటున్నారు.

ఇదే కాకుండా 100 కోట్ల ప్రాఫిట్ అందుకున్న, బాహుబలి, ఆర్ఆర్ఆర్, పుష్ప: ది రూల్ వంటి బిగ్గెస్ట్ బ్లాక్‌బస్టర్ చిత్రాల జాబితాలో సంక్రాంతికి వస్తున్నాం కూడా చేరడం ఈ చిత్ర విజయాన్ని మరింత ప్రత్యేకంగా మార్చింది. ఈ సినిమాతో తెలుగు సినీ పరిశ్రమలో వెంకటేష్ మరోసారి తన స్థాయిని రుజువు చేసుకున్నారు.

ఈ చిత్రం ద్వారా వెంకటేష్ అనిల్ రావిపూడి వారి కెరీర్‌లో మరొక మెమోరబుల్ రికార్డ్ కు చేరుకున్నారు. అంతేకాకుండా, ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై దిల్ రాజు సమర్పించగా, నిర్మాతలు రెట్టింపు లాభాలను సాధించారు. ఈ స్థాయిలో వసూళ్లను సాధించడం తెలుగు సినిమా బాక్సాఫీస్‌ను కొత్త ఎత్తుకు తీసుకెళ్లిందని చెప్పాలి. ఇక సంక్రాంతికి వస్తున్నాం చిత్రం బాక్సాఫీస్‌లో ఇంకెన్ని రికార్డులు క్రియేట్ చేస్తుందో చూడాలి. 300 కోట్ల క్లబ్‌లో చేరే రోజు ఇంకా ఎంతో దూరంలో లేదని ట్రేడ్ విశ్లేషకులు భావిస్తున్నారు.

100 కోట్లు ప్రాఫిట్ సాధించిన తెలుగు సినిమాలు:

1. బాహుబలి

2. బాహుబలి 2

3. ఆర్ఆర్ఆర్

4. హనుమాన్

5. కల్కి 2898 AD

6. పుష్ప: ది రూల్

7. సంక్రాంతికి వస్తున్నాం