సంతాన ప్రాప్తిరస్తు ఫస్ట్ లుక్.. ఇదేదో కొత్తగా ఉందే..

ఈ మధ్యకాలంలో టాలీవుడ్ నుంచి ప్రెజెంట్ జెనరేషన్ కి కనెక్ట్ అయ్యే ఇంటరెస్టింగ్ స్టోరీ ఎలిమెంట్స్ తో మూవీస్ వస్తున్నాయి. యూత్ పేస్ చేసే సమస్యలు, వారిలో ఉండే ప్రేమకథలు, అలాగే వారి ఆలోచనలని ప్రతిబింబించే విధంగా దర్శకులు కథలని సిద్ధం చేసి దృశ్యరూపం ఇచ్చే ప్రయత్నం చేస్తున్నారు. అలాంటి కథలలో మరొకటి టాలీవుడ్ లో రెడీ అవుతోంది. విక్రాంత్ హీరోగా సంతాన ప్రాప్తిరస్తు టైటిల్ తో సంజీవ్ రెడ్డి దర్శకత్వంలో ఈ సినిమా సిద్ధమవుతోంది.

మధుర శ్రీధర్ రెడ్డి, నిర్వి హరిప్రసాద్ రెడ్డి సంయుక్తంగా ఈ చిత్రాన్ని నిర్మిస్తున్నారు. తాజాగా ఈ మూవీ ఫస్ట్ లుక్ పోస్టర్ ని లాంచ్ చేసి సినిమాని అఫీషియల్ గా ఎనౌన్స్ చేశారు. ఈ సినిమాలో విక్రాంత్ కి జోడీగా చాందిని చౌదరి నటిస్తోంది. మూవీ షూటింగ్ కూడా ఇప్పటికే స్టార్ట్ అయ్యిందని తెలుస్తోంది. ఈ సినిమాలో హీరో విక్రాంత్ సాఫ్ట్ వేర్ కుర్రాడిగా కనిపిస్తాడని తెలుస్తోంది.

తాజాగా రిలీజ్ చేసిన పోస్టర్ లో విక్రాంత్ చేతిలో హౌ టూ ఇన్ క్రీజ్ స్పెర్మ్ కౌంట్ ఇన్ 100 డేస్ అని రాసి ఉన్న బుక్ ఉంది. అలాగే స్పెర్మ్ కౌంట్ ఇన్ క్రీజ్ చేసుకోవడానికి వాడాల్సిన పండ్లు, కూరగాయలు ఉన్నాయి. మరో చేతిలో విటమిన్ టానిక్స్, యోగా మ్యాట్ ఉన్నాయి.. బ్యాగ్రౌండ్ లో స్పెర్మ్ షేప్స్ డ్రాయింగ్స్ ని ఎస్టాబ్లిష్ చేశారు. వీటిని చూస్తుంటే ఈ జెనరేషన్ లో సాఫ్ట్ వేర్ కుర్రాళ్ళు ఎదుర్కొనే సంతాన సమస్యలని హైలైట్ గా కథని చెప్పబోతున్నట్లు తెలుస్తోంది.

ఫ్యామిలీ ఎంటర్టైనర్ గా ఈ సినిమా కథ ఉండబోతోందని అలాగే మ్యూజికల్ గా కూడా ఆకట్టుకుంటుందని చిత్ర యూనిట్ స్పష్టం చేసింది. ఈ సినిమాకి సునీల్ కశ్యప్ సంగీతం అందించబోతున్నారు. వెంకటాద్రి ఎక్స్ ప్రిక్స్, ఎక్స్ ప్రెస్ రాజా, ఏక్ మినీ కథ సినిమాలకి స్క్రీన్ ప్లే అందించిన షేక్ దావూద్ కథనం ఈ మూవీకి ప్రత్యేక ఆకర్షణగా నిలుస్తుందంట. యూత్ తో పాటు ఫ్యామిలీ ఆడియన్స్ కి కనెక్ట్ అంశాలు చిత్రంలో పుష్కలంగా ఉంటాయని తెలుస్తోంది.

ఈ చిత్రంలో విక్రాంత్, చాందిని చౌదరితో పాటు వెన్నెల కిషోర్ అభినవ్ గోమఠం, మురళీధర్ గౌడ్, తాగుబోతు రమేష్, జీవన్ కుమార్ కీలక పాత్రలలో నటిస్తున్నారు. మధుర ఎంటర్టైన్మెంట్ నుంచి చాలా కాలం తర్వాత వస్తోన్న సినిమా కావడంతో సంతాన ప్రాప్తిరస్తు చిత్రంపై హైప్ క్రియేట్ అయ్యింది.