శ్రీ‌దేవిపై 'కాంతార‌' న‌టి ప‌రువు న‌ష్టం కేసు!

నటి సప్తమి గౌడ కన్నడ చిత్ర పరిశ్రమలో పాపుల‌ర్ నేమ్. `కాంతార` చిత్రంలో తన అద్భుతమైన న‌ట‌న‌తో అంద‌రి దృష్టిని ఆక‌ర్షించింది. త‌న అద్భుత‌ నటనతో ఆక‌ట్టుకుంటున్న‌ సప్తమి ఈ చిత్రంలో తన గ్లామర‌స్ న‌ట‌న‌తో అద్భుతమైన అందంతో ప్రేక్షకులను ఆకర్షించింది. కాంతార విజయం తర్వాత వివేక్ అగ్నిహోత్రి దర్శకత్వం వహించిన `ది వ్యాక్సిన్ వార్`తో బాలీవుడ్‌లోకి అడుగుపెట్టింది. ఈ చిత్రం కూడా సానుకూల ఆదరణను పొందింది. ఈ విజయాలు ఆమె కెరీర్ ఎదుగుద‌ల‌కు స‌హ‌క‌రించాయి. ఆఫర్‌ల వెల్లువకు దారితీసింది. కన్నడ సినిమాలో బిజీ హీరోయిన్‌గా త‌న‌ హోదాను పదిలం చేసుకుంది

అయితే కెరీర్ ప‌రంగా ఎదుగుతున్నప్పటికీ, సప్తమి గౌడ ఇటీవలే క‌న్న‌డ హీరో యువరాజ్ కుమార్ - అతడి భార్య శ్రీదేవి బైరప్పకు మ‌ధ్య చిచ్చు పెట్టిందంటూ చట్టపరమైన వివాదంలో చిక్కుకుంది. క‌న్న‌డ కంఠీర‌వ రాజ్ కుమార్ కుటుంబానికి చెందిన యువరాజ్ పై అత‌డి భార్య త‌న‌ను వేధింపులకు గురిచేస్తున్నాడని ఆరోపిస్తూ విడాకుల కోసం దరఖాస్తు చేయడంతో సమస్య మొదలైంది. షాకింగ్ ట్విస్ట్‌లో, సప్తమి గౌడతో యువరాజ్ ఎఫైర్ నడుపుతున్నాడని, తాను అమెరికాలో ఉన్నప్పుడు ప్రేయ‌సితో యువ‌రాజ్ కలిసి జీవించాడ‌ని శ్రీదేవి ఆరోపించింది.

సప్తమి గౌడకు అనుకూలంగా తనను ఇంటి నుంచి గెంటేసే ప్రయత్నం జరుగుతోందని తన లాయర్ ద్వారా శ్రీ‌దేవి ప్ర‌క‌ట‌న వెలువ‌రించింది. ఈ ఆరోపణ ఇప్పుడు సప్తమిని చట్టపరమైన చర్య తీసుకోవడానికి ప్రేరేపించింది. శ్రీదేవి బైరప్ప పరువు నష్టం కలిగించే వ్యాఖ్యలు చేయకుండా నిరోధించాలని కోరుతూ ఆమెపై కేసు పెట్టారు. శ్రీదేవి చేసిన వాదనలు నిరాధారమైనవని, తన ప్రతిష్టకు భంగం కలిగించేలా ఉన్నాయని సప్తమి పేర్కొంది. బెంగళూరు సిటీ సివిల్ కోర్టు శ్రీదేవి బైరప్పకు పరువు నష్టం కలిగించే ఆరోపణలపై నోటీసులు జారీ చేసింది. త‌దుప‌రి విచార‌ణ కొనసాగాల్సి ఉంది.