OTTలో మర్డర్ మిస్టరీ మూవీ దూకుడు.. .

కొన్ని సినిమాలు థియేటర్లలో విడుదలై యావరేజ్ రెస్పాన్స్ అందుకున్నా లేదా నిరాశపరిచినా.. ఓటీటీలో మాత్రం అదరగొడుతున్నాయి. సూపర్ వ్యూస్ సంపాదించుకుంటున్నాయి. ట్రెండింగ్ లో నిలుస్తున్నాయి. అప్పుడు మంచి మూవీ మిస్ అయిపోయామే అని అనిపిస్తున్నాయి. ఇప్పుడు అమెజాన్ ప్రైమ్ వీడియోలో స్ట్రీమ్ అవుతున్న ఓ మర్డర్ మిస్టరీ మూవీ కూడా అలానే అందరితో అనిపిస్తుంది. ఆ సంగతులు మీకోసం..

కోలీవుడ్ కమెడియన్ సతీష్ కు అక్కడ మంచి క్రేజ్ ఉంది. తామిజ్ పాదం (తెలుగులో సుడిగాడు) మూవీతో ఫుల్ ఫేమ్ సంపాదించుకున్న ఆయన.. ఇప్పటి వరకు హాస్య‌ న‌టుడిగా 70కి పైగా సినిమాల్లో నటించారు. ఆ తర్వాత కంజూరింగ్ క‌న్న‌ప్ప‌న్ చిత్రంతో హీరోగా మారారు. రీసెంట్ గా స‌ట్టం ఎన్ కైయిల్ పేరుతో మరో సినిమా చేశారు. క్రైమ్ థ్రిల్ల‌ర్ జోనర్ లో రూపొందిన ఆ సినిమాకు చాచి ద‌ర్శ‌క‌త్వం వ‌హించారు.

డిఫ‌రెంట్ ప్ర‌మోష‌న్స్‌ తో కోలీవుడ్ ఆడియెన్స్‌ లో స‌ట్టం ఎన్ కైయిల్ మూవీపై మేకర్స్ మంచి ఇంట్రెస్ట్ క్రియేట్ చేశారు. టీమ్ ఇండియా క్రికెటర్ అశ్విన్ ను కూడా రంగంలోకి దింపారు. మంచి అంచనాల మధ్య సెప్టెంబర్ 27వ తేదీన సినిమాను రిలీజ్ చేశారు. రివెంజ్ థ్రిల్ల‌ర్ పాయింట్‌ తో తెరకెక్కిన ఆ సినిమా ఇంట్రెస్టింగ్ ట్విస్టులతో అదిరిపోయిందని అనేక మంది అప్పుడు అప్పుడు రివ్యూస్ ఇచ్చారు. విమర్శకులు కూడా ప్రశంసలు కురిపించారు.

అదే సమయంలో టాలీవుడ్ స్టార్ హీరో జూనియర్ ఎన్టీఆర్ దేవరతో పాటు కోలీవుడ్ స్టార్లు కార్తీ, అరవింద్ స్వామి సత్యం సుందరం చిత్రాలు రిలీజ్ అయిన విషయం తెలిసిందే. ఆ రెండు సినిమాలు సూపర్ హిట్ అవ్వడంతో స‌ట్టం ఎన్ కైయిల్ ను థియేటర్ లో కొందరు మిస్ అయ్యారు. ఇప్పుడు అమెజాన్ ప్రైమ్ వీడియాలో దీపావళి కానుకగా స్ట్రీమింగ్ కు వచ్చిన ఆ సినిమాను తెగ చూసేస్తున్నారు. సీరియ‌స్ రోల్‌ లో త‌న యాక్టింగ్‌ తో సతీష్ మెప్పించారని చెబుతున్నారు.

మూవీలో కామన్ మ్యాన్ గా అదరగొట్టేశారని అంటున్నారు. స‌ట్టం ఎన్ కైయిల్ మంచి థ్రిల్లర్ చిత్రమని కొనియాడుతున్నారు. 2024లో విడుదలైన కోలీవుడ్ బెస్ట్ థ్రిల్లర్ మూవీస్ లో ఒకటిగా చెబుతున్నారు. మొత్తానికి అప్పుడు ఐఎండీబీలో 9.3 రేటింగ్ సొంతం చేసుకున్న ఆ మూవీ.. ఇప్పుడు ఓటీటీలో కూడా దూసుకెళ్తోంది. ఓటీటీలో మంచి హిట్ గా నిలిచేలా కనిపిస్తోంది. మరి మీరు ఆ సినిమాను చూశారా?